5. Mose 10:8 - O Debleskro Lab 2024 (Sinte-Manouche)

⁸ Ko tsireske rodas peske o baro Devel kol morshen dran o kheer Levi vin, te hidjrenn yon o morhton, kay o Debleskre deesh laba dren hi, oun te venn yon rashaya oun boudrenn leske, oun rakrenn an leskro lab barht vin pral i menshende. Oun kova krenn le ninna kava dives.

O Debleskro Drom 2021 (Sinte)

⁸ Ko tsireske rodas peske o baro Dewel kol murshen dran o kheer Levi win, te hidjrenn jon o mochton, kai o Debleskre deesh laba dren hi, un te wenn jon rashaja un budrenn leske, un rakrenn an leskro lab bacht win pral i menshende. Un kowa krenn le ninna kau diwes.

5. Mose 10:8 Iomraidhean Croise

1. Rajengro liil 8:6

Oun i rashaya anan o morhton o Debleskre deesh labentsa ap peskri platsa an koy palstouni isema, hoy kharell Debleskri kouč isema. Yon čivan o morhton tel kol douy bolepangre figure, kay kharenn Keroubim, tel lengre čirklengre moussya.

1. Familjakro liil 15:2

An ko tsiro penas o David: “Kek hounte hidjrell o morhton o Debleskre deesh labentsa, har kokres i Levitarya, kolen rodas o baro Devel vin, te hidjrenn yon ko morhton, oun te boudrenn yon leske hako tsiro.”

1. Familjakro liil 15:26

Oun o Devel his i Levitarentsa, kay o morhton hidjrenn, kay o baro Debleskre deesh laba dren hi, oun lauter djas mishto. Doleske maran le leske efta terne gourma oun efta morsh bakre.

1. Familjakro liil 23:13

O Amram, leskre čave his: o Aron oun o Mose. Oun o Aron oun leskre čave van vin rodedo, te venn le rashaya hako tsireske. Yon kokres nay kran o baro Debleskri boudi: nay rhačran firhen ap leskri rhačepaskri, oun nay rakran o Debleskri barht vin pral i Israelitarya.

1. Familjakro liil 23:26

Yaake hounte hidjran i Levitarya bouder gar o Debleskro plarhteno kheer oun halauter, hoy koy dren his, har glan kova kerdo vas.

2. Familjakro liil 29:11

T'mer, kay han har mire čave, ma nashrenn kek tsiro! Djan ap t'mari boudi! T'mer han kolla, kay o baro Devel vi-rodas, te venn glan leste tardo oun boudrenn leske oun anenn leske firhen oun soungepaskro koova.”

2. Familjakro liil 30:27

Oun i rashaya oun i Levitarya stan pre oun rakran o Debleskri barht pral i tsele menshende vin. Oun o baro Devel shounas lengro rakepen, oun hoy le lestar mangan, vas pash leste an o bolepen shounlo.

Debleskri gili 134:1

I gili te givell ap o drom an Yerusalem. Stenn pre! Sharenn o baro Debles, t'mer tsele boudepangre o baro Deblestar, kay han tardo rati an o baro Debleskro kheer!

Debleskri gili 134:2

Hadenn t'mare vasta pre an leskro Debleskro kheer, oun sharenn o baro Debles!

Debleskri gili 135:2

t'mer, kay tardo han an o baro Debleskro kheer, ap koy platsa glan o kheer maro Deblestar.

Jeremia 15:19

Doleske penell o baro Devel: Te rikreh tou tout ap mande, rikrau me man ap toute, oun tou ačeh miro rakepaskro. Te rakreh tou, hoy mishto hi, oun rakreh gar, hoy či-moldo hi, hal tou miro mouy. Yon hounte venn pash toute, tou djas gar pash lende!

Ezekiel 44:11

Lengri boudi an miro kheer hi kanna, te denn le yak an i bare voudya glan miro kheer. Ninna hounte marenn le kol firhen, hoy i menshe mange anenn, save firhe, kay venn tseles rhačedo oun save, hoy rhan le khetne glan mande. Yaake boudrenn le mire tsele menshenge.

Ezekiel 44:15

Kol rashaya dran o kheer Levi, kolengro phouro dad o Zadok his, yon ačenn mire rashaya, oun nay boudrenn mange. Har i Israelitarya mandar tele peran, kran yon pengri boudi mishto an miro kheer. Doleske nay ačenn le mire rashaya oun nay anenn o thulepen oun o rat kol marede firhendar glan mande. Kava penell o baro Devel, maro ray.

3. Mose 8:9

Palle čivas lo o shereskro pandepen troul leskro shero, oun glan ap koleste i tikno sonakaskro kotar, yaake har o baro Devel les o Moseske penas.

3. Mose 9:22

Har anas o Aron kal tsele firhen o Debleske, hadas lo peskre vasta pre pral i tsele menshende, oun rakras o Debleskri barht pral lende vin. Palle djas lo koy treppa tele foun koy rhačepaskri.

4. Mose 3:31

Oun yon hounte denn garda ap ko sonakaskro morhton, koy rhapaskri, koy momelengri, o Debleskro sonakaskro bob oun o Debleskri sasterni rhačepaskri, kay firhe rhačede venna. Ninna denn le garda ap i tselo Debleskro koova an leskro kheer, koleha yon boudrenna, ninna ap koy plarhta mank kol douy iseme oun ap halauter, hoy koy pashel hi.

4. Mose 3:6

“An kol menshen dran o kheer Levi kay! An len glan o rashayeste Aron, te venn le leske koy.

4. Mose 4:15

Ap ko tsiro, kay djan i Israelitarya doureder, hounte krenn o Aron oun leskre čave kava halauter oun hounte čakrenn kol tsele kotya o Debleskro plarhteno khereske oun halauter, hoy koy pashel hi. Pal kova venn kol Kohatarya oun hidjrenn kova. Kaya hi lengre boudi. Yon taprenn kokres kol plarhte an, hoy troul ko tselo koova čiddo hi, oun gar ko Debleskro koova, te merenn yon gar.

Johanni 15:16

T'mer rodan man gar vin. Me rodom t'men vin, te djivenn yaake, te vell dran t'maro djipen lačo koova, hoy ačella. Oun o dad dell t'men halauter, hoy mangenn lestar an miro lab.”

Bičepangre 13:2

His i dives, kay sharan le o Debles oun rhan či, te venn le leske feteder koy. Koy penas lenge o Debleskro Dourho: “Bičrenn o Barnabes oun o Saules vin, te krenn le koy boudi, hoy me len dau. Me dom len gole, te krenn le kova.”

Remarja 1:1

Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.

Remarja 12:7

Vavar patsle hayvenn, har te venn le nay i vavarenge koy. Koy boudi hounte krenn le. Vavar hayvenn i menshenge o Debleskro drom te sikrell. Kolla hounte krenn kova ninna.

2. Korintarja 6:17

Doleske penell o Devel: Djan kolendar krik, kay sharenn vavar koova! Ma avenn lentsa khetne! Lenn či an t'mare vasta, hoy hi pale-čiddo glan mire yaka! Palle lau t'men kamles pash mande pre.

Galatarja 1:15

O Debles his i vavar drom mange. Yob kamas mande peskro čaves te sikrell, te djinap, koon yob hi. Har me gomme gar boldo homs, rodas yob man vin. Oun yob his mange lačo oun das man gole, te djap pash kolende, kay kek bibolde hi, te penap lenge leskro čavestar. Har o Devel man pash lende bičras, poučom gar i menshendar, te penenn le mange, hoy te krap,

5. Mose 17:12

Te hi yek koy, kay hi yaake pre-phourdo, te shounell lo gar ap o rashayeste, kay krell i boudi o baro Debleske, oder ap o čačepaskro morsheste, palle hounte vell ko morsh maredo. T'mer hounte lenn o čilačepen dran Israel vin.

5. Mose 18:5

T'maro baro Devel rodas peske o kheer Levi vin dran i tsele Israelitaryen, te venn i morsha dran o kheer Levi leskre rashaya hako tsireske.

5. Mose 21:3

Oun i phoureder dran ko foro, hoy o glanstouno pash ko mouleste tardo hi, kolla lenn i terni groumni, hoy boudras gomme gar ap i harhetikri phoub,

5. Mose 21:5

Palle stakrenn i rashaya dran o kheer Levi glan. Kolen rodas t'maro baro Devel vin, te krenn le leskri boudi, oun te rakrenn le leskri barht vin pral i menshende. Oun an i čingepen oun pal i marepen rakrenn le o čačepen vin.

5. Mose 31:9

O Mose činas kal čačepaskre laba an i liil, oun das les kol phoureden pral Israel oun kol rashayende dran o kheer Levi, kay o Debleskro morhton hidjran, kay o Debleskre deesh laba dren hi.