5. Mose 10:18 - O Debleskro Lab 2024 (Sinte-Manouche)

¹⁸ Yob dikell koy pre, te lenn pengro čačepen kol čave, kolen kek dad bouder hi, ninna kol djouvya, kolengro rom meras. Oun i vi-themaryen kamell yob o djiyeha oun dell len rhapen oun koola an-ripaske.

O Debleskro Drom 2021 (Sinte)

¹⁸ Job dikell koi pre, te lenn pengro tchatchepen kol tchawe, kolen kek dad buder hi, ninna kol djuwja, kolengro rom meras. Un i wi-themarjen kamell job o djijeha un dell len chapen un koola an-ripaske.

5. Mose 10:18 Iomraidhean Croise

2. Familjakro liil 19:7

Oun kanna rikrenn o baro Debles glan t'mare yaka, rikrenn t'men ap o čačepen oun denn hakeneste peskro čačepen. Ma bistrenn, pash maro baro Debleste hi kek rhorhepen. Oun yob dikell vitar gar ap kova koon glan leste tardo hi. Oun yob moukell pes gar te ginell.

Debleskri gili 10:18

Oun tou deh o čačepen i čorvelenge oun kolenge, kay len kek dad bouder hi, yaake te nay krell bouder kek mensho i vavarenge daar ap kay phoub.

Debleskri gili 103:6

O baro Devel čivell o čačepen pre, oun dell kolende pengro čačepen, kay venn tele rikedo.

Debleskri gili 145:9

O baro Devel hi lačes ap hakeneste. Oun krell peskro dji pre halauterenge, kolen yob kras.

Debleskri gili 146:9

O baro Devel dell ap i vi-themarya yak, oun hi ap i rig kol čavendar, kolen kek dad bouder hi, oun ap i rig kol djouvyendar, kolengro rom meras. I čilačenge čivell lo barra an lengro drom.

Debleskri gili 68:5

Givenn o Debleske! Bashrenn oun hadenn leskro lab! Krenn leske i drom, koleske, kay oulerell ap o bolepen. Baro Devel hi leskro lab. Avenn barhtelo oun givenn glan leste!

Debleskri gili 68:6

O Devel, kay djivell an peskro raylo kheer, yob hi i dad kolenge, kolen kek dad bouder hi. Oun yob vell kol romyenge ap i rig, kolengro rom meras.

2. Mose 22:20

Ma krenn kolen o djipen phares, kay hi vi-themarya pash t'mende! Oun moukenn len gar čičeske t'menge te boudrell! Bistrenn gar, te hans t'mer ninna vi-themarya an o them Egiptia.

2. Mose 22:21

Ma krenn o djipen i djouvyenge phares, kolenge o rom meras! Ma krenn o djipen i čavenge phares, kolen kek dad bouder hi!

2. Mose 22:22

Te kreh tou lenge o djipen phares, oun yon denn ap mande gole, shounau me len.

2. Mose 22:23

Oun me taprau savi bari rholi, te dau t'men o rhareha temerl, yaake te hi palle t'mare djouvyen bouder kek rom oun t'mare čaven bouder kek dades.

Jesaja 1:17

Dikenn, har te krenn o lačepen, denn yak, te lell hakeno peskro čačepen. Avenn ap i rig kolenge, kay tele rikedo venn. Kol čave, kolen kek day oun kek dad hi, kolenge krenn o čačepen vin. Oun kol djouvya, kolenge o rom meras, kolengro koova lenn an t'maro vast!”

Jeremia 49:11

“Te hal bouder gar koy, dau me tire čaven, hoy len hounte vell, djipaske. Oun kol djouvya, kolengro rom meras, yon nay djinenn: Me vau lenge ap i rig.”

Hosea 14:3

Lenn kal laba t'mentsa, oun avenn pale pash o baro Debleste, oun penenn leske: Le mari tseli doosh mendar krik, oun shoun maro mangepen! Palle kamah tout te sharell mare čipyentsa.

3. Mose 25:35

Te vell tiro phraal čorvelo, oun nay rikrell gar, hoy leskro hi, palle vess ap leskri rig. Mouk les pash toute te djivell, har te vals lo i vi-themari oder yek, kay i tsiro pash toute boudrell.

4. Mose 10:32

Oun te djah tou mentsa, krah mer touke o lačepen, hoy o baro Devel ap mende krella.”

Mateo 5:45

Yaake han t'mer čačepah čave o baro Deblestar, kay hi t'maro dad an o bolepen. Yob moukella o kham pre te djal kol čilačenge oun kol lačenge. Oun yob dell brishin ap kolende, kay pal o čačepen djivenna, ninna ap kolende, kay čilačo koova krenna.

Bičepangre 14:17

Ninna te djinans t'mer či lestar, hounte dikans, kay o Devel djivella. Yob kras boud lačo koova t'menge. Yob dell t'men brishino dran o bolepen, te vell lauter ap i phoub baro. Yob dell t'mende te rhal, oun i barht an t'maro dji.”

5. Mose 27:19

“Praasedo vell kova, kay dell kek čačepen kolenge, kay venn dran i vi-them, kol čavenge, kolen kek dad bouder hi, oun kol romyenge, kolengro rom meras.” Oun i tsele menshe hounte penenn: Amen!