5. Mose 1:42 - O Debleskro Lab 2024 (Sinte-Manouche)

⁴² Kote penas o baro Devel ap mande: “Pen lenge: Ma djan pre, te kourenn t'men lentsa! – Me hom gar t'mentsa. – Te venn gar kolendar moulo dino, kay kamenn t'men te marell.”

O Debleskro Drom 2021 (Sinte)

⁴² Kote penas o baro Dewel ap mande: “Pen lenge: Ma djan pre, te kurenn tumen lentsa! – Me hom gar tumentsa. – Te wenn gar kolendar mulo dino, kai kamenn tumen te marell.”

5. Mose 1:42 Iomraidhean Croise

Jesaja 30:17

I zero morsha t'mendar nashenn penge glan yekeste, kay peskro mouy pre krell oun penell Kanna lenn t'mare dava. Ava, glan panč savendar nashenn t'mer lauter krik. T'mare tsele lourdendar ačell či pral har koy plarhta ap i kasht, hoy pre tardo čivan pral ap i berga, te dikenn le lat foun doural.

Hosea 9:12

Ninna te tserdenn le pengre čaven bares, lau len lendar pale krik. Kek lendar ačell djido. Havi bibarht vell pral lende, me te tserdau man lendar krik!

3. Mose 26:17

Me dikau bouder gar lačes ap t'mende, oun t'mer venn dino kolendar, kay kourenn pen t'mentsa. Kolla, kay kamenn t'maro merepen, venn ray pral t'mende. T'mer han ap o naashepen, ninna te lell t'men kek palla.

1. Samuel 4:10

Oun i Filistarya maran pen i Israelentsa oun dan len. Oun i Israelitarya nashan penge, hakeno an peskro plarhteno kheer. Oun yon van phares dino, yaake phares, te meran lendar triyanda-zerya (30.000) morsha.

1. Samuel 4:2

Oun i Filistarya djan ap i Israelitaryen pre. Oun o kourepen vas pharo. Oun i Filistarya dan i Israelitaryen yaake phares, te meran lendar star-zerya (4.000) morsha an kava marepen.