5. Mose 1:30 - O Debleskro Lab 2024 (Sinte-Manouche)

³⁰ T'maro baro Devel djal glan t'mende vin oun kourell pes t'menge, yaake har lo glan t'mare yaka an o them Egiptia t'menge kras.

O Debleskro Drom 2021 (Sinte)

³⁰ Tumaro baro Dewel djal glan tumende win un kurell pes tumenge, jaake har lo glan tumare jaka an o them Egiptia tumenge kras.

5. Mose 1:30 Iomraidhean Croise

2. Familjakro liil 32:8

O baro ray dran Assour rikrell pes ap i menshengri zoor. Pash mende hi o baro Devel, kay maro Devel hi. Yob vell menge ap i rig oun kourell pes menge.” Oun i menshe rikran pen ap kol laba, hoy lengro baro ray, o Hiskiya, lenge penas.

Nehemia 4:14

T'mer te shounenn koy phourdepaskri, djan koy oun avenn kote mentsa khetne. Oun maro Devel kourell pes menge.”

Debleskri gili 46:11

“Moukenn tele”, dell lo gole, “oun hayvenn, te hom me o Devel. Me hom o pralstouno pral i menshende an i tsele themma, ava, o pralstouno pral i tseli phoub.”

2. Mose 10:21

Kote penas o baro Devel ap o Mose: “Hade tiro vast pre pash o bolepen! Palle vell savi kali rat pral o tselo them Egiptia, kay dikeh nay tiro vast gar glan i yaka.”

2. Mose 14:14

O baro Devel kourell pes t'menge. T'mer hounte krenn či.”

2. Mose 14:25

Lengre vourdya ačan an i čik yaake te van le phares glan. Oun i Egiptarya penan: “O baro Devel kourell pes lenge oun hi ap lengri rig. Djas menge katar!”

2. Mose 19:4

T'mer dikan, hoy krom me halauter ap kol Egiptarya, oun har anom t'men pash mande yaake har i baro čirklo hidjrell peskre čaven ap peskro doumo.

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

Remarja 8:37

O Yezous Kristo, kay kamell men o tselo djiyestar, yob krell men zoreles an lauter kova hoy ap mende vella.

5. Mose 1:29

Kote penom me ap t'mende: “Ma moukenn t'menge daar te krell oun ma trashenn lendar!

5. Mose 11:3

Savo baro koova, hoy kek vavar nay krella, kras yob ap i Egiptaryen, ap o Faraeste, ko rayeste pral o them Egiptia, oun ap leskro tselo them,

5. Mose 29:2

Koy phari bibarht, hoy anas lo ap lende, hoy sikras, te hi yob o Devel, dikan t'mer t'mare yakentsa, savo baro oun zorelo koova, hoy kek vavar nay krell.

5. Mose 3:22

Ma dare lendar! T'maro baro Devel hi kova, kay kourell pes t'menge.”

5. Mose 31:3

T'maro baro Devel hi kova, kay djal glan t'mende. Yob hi kova, kay marell kol menshen an kava them glan t'mende, te nay lenn lengro them t'menge dren. Oun o Yosua vell t'maro pralstouno, yaake har o baro Devel kova penas.

5. Mose 34:11

Kek vavar Debleskro rakepaskro kras savo baro oun zorelo koova har yob, har o baro Devel les bičras, te sikrell lo o Debleskri zoor ap o rayeste Farao an o them Egiptia, oun ap koleskre bare morshende oun ap o tselo them.

5. Mose 4:34

Kek vavar devel djas oun las peske menshen vin dran i vavar them, har yob kras, har las lo t'men vin dran o them Egiptia. Yob sikras peskri bari zoor oun kras sau koova, hoy kek vavar nay krell, oun anas boud bibarht ap i Egiptaryen. Yob kouras pes t'menge. Peskro zorelo vasteha oun peskri pre-hadedi moussyah las lo t'men vin, oun kras i Egiptarenge bari daar. Kova lauter dikan t'mer.

5. Mose 7:18

Palle ma darenn lendar! Ma bistrenn, hoy t'maro baro Devel ap o Farao oun ap i tsele Egiptarya kras.

Josua 10:14

Oun savo dives har kova dives das gar glan ko dives oun ninna bouder gar pal ko dives, kay shounas o baro Devel yaake ap o rakepen yek menshestar. O baro Devel kras kova i menshenge Israel!

Josua 10:42

Oun o Israeleskro baro Devel his ap lengre rig. Yaake las o Yosua kol tsele bare rayen oun lengre themma ap yek kopo dren.

Josua 23:3

Oun t'mer dikan halauter, hoy t'maro baro Devel kol tsele thementsa kras t'menge. Yob hi kova, kay pes t'menge lentsa kouras.