5. Mose 1:15 - O Debleskro Lab 2024 (Sinte-Manouche)

¹⁵ Oun me lom i pralstoune morshen dran t'mare bare familyen, goseve oun an-dikle morshen oun čivom len pral t'mende, te venn le t'mare čačepangre morsha. Yon van pralstoune pral 1.000 (yek zero), pral 100 (yek sheel) oun pral 50 (i paash-sheel) oun pral 10 (deesh).

O Debleskro Drom 2021 (Sinte)

¹⁵ Un me lom i pralstune murshen dran tumare bare familjen, gosewe un an-dikle murshen un tchiwom len pral tumende, te wenn le tumare tchatchepangre mursha. Jon wan pralstune pral 1.000 (jek sero), pral 100 (jek sheel) un pral 50 (i paash-sheel) un pral 10 (deesh).

5. Mose 1:15 Iomraidhean Croise

2. Mose 18:21

Tou, rode touke dran i tsele menshende čače morshen vin, hoy ap o Debleste shounenna, save morsha, hoy pengro lab rikrenna, oun kekes i lovenge rhorhenna! Oun kolen čip pral i Israelitarya! Kre pralstunen lendar pral i zerya, vavaren pral i sheel, oun pale pral i paash-sheel oun pral deesh.

2. Mose 24:1

Oun o baro Devel penas ap o Moseste: “Ab kate pre pash mande, tou oun o Aron, o Nadab, o Abihu oun 70 (efta-desha) i phourendar dran Israel. Kal morsha ačenn doureder krik tardo oun mangenn man kote an!

4. Mose 1:4

Lenn deesh-te-douy morshen, yek dran haki bari familya, hoy vell kol deesh-te-douy Yakobeskre čavendar, te venn le ap t'mari rig pash koy boudi. Kal morsha hounte venn i pralstoune pral pengre menshende.

4. Mose 31:14

Oun o Mose vas rhoyedo pral i pralstoune lourdende oun pral kol pralstoune pral i zerya oun pral sheel lourdende, kay dran o kourepen van.

Efesarja 4:11

Yob hi kova, kay das i patslen pengri boudi. Koy hi kolla, kolen yob bičras, te penenn le i menshenge lestar. Vavar rakrenna, hoy yob lenge an o dji čivas, hoy kek vavar djinella. Vavar anenn kol menshen, kay gar patslo hi, pash o Yezous Kristeste. Pale vavar rikrenn i patslen khetne, oun sikrenn lende o Debleskro drom.

5. Mose 1:14

T'mer penan koy pre: “Mishto hi ko kova, hoy tou kameh te krell.”

5. Mose 1:16

Ap kal čačepangre morshende penom ko tsireske, hoy te krenn le, oun penom: “Shounenn, hoy t'mare phralen, kay čingepen mashkral pende hi, t'menge penenna. Kova nay vell i čingepen mashkral t'men Israelitaryen, nay vell ninna i čingepen mashkral yekeste t'mare menshendar oun yekeste dran i vavar them, kay pash t'mende djivell. Denn koles o čačepen, kay an o čačepen hi.

5. Mose 16:18

Čivenn čačepangre morshen oun vavar pralstunen dren an t'mare forya, hoy t'men t'maro baro Devel della! Yaake te hi an hako them kol deesh-te-douy bare familyendar čačepangre, kay rakrenn o čačepen yaake vin pral pengre menshende, te lell hakeno peskro čačepen.

1. Samuel 17:18

Oun kal deesh kotya kiral an o pralstouno lourdeske, oun pouč, har tire phralenge djal. Oun pale mouk tout lendar čomone te dell, ap kova nay dikau, te djal lenge mishto!

1. Samuel 22:7

Kote penas o Saul ap peskre boudepangre, kay glan leste tardo hi: “Shounenn, t'mer Benyaminarya! Patsenn t'mer, te dell o čavo ko morshestar Isay t'men lauteren harhetikri phoub oun drakengro them? Lell yob t'men lauteren, te venn pralstoune pral leskre lourdende: pral yek zero oun pral yek sheel? Na-a, patsenn kova gar!

1. Samuel 8:12

Hi save mank lende, kolendar krell lo pralstoune pral peskre lourdende: pral yek zero (1.000) oun ninna pral paash-sheel (50). T'mare morsh čave hounte boudrenn ap leskro kotar phoub oun anenn leskro djob dren, hoy bares vas. Ninna hounte krenn le leskre rhare, oun kol kotya, kay leskre vourdya dran kerdo venna.