5. Mose 1:11 - O Debleskro Lab 2024 (Sinte-Manouche)

¹¹ Mou čivell yob, ko Devel t'mare phourendar, gomme yek zero (1.000) kope yaake boud pashel. Mou čivell lo peskri barht oun zoor ap t'mende, yaake har yob pral t'mende vin rakras.

O Debleskro Drom 2021 (Sinte)

¹¹ Mu tchiwell job, ko Dewel tumare phurendar, gomme jek sero (1.000) kope jaake bud pashel. Mu tchiwell lo peskri bacht un soor ap tumende, jaake har job pral tumende win rakras.

5. Mose 1:11 Iomraidhean Croise

1. Mose 15:5

Oun o Devel anas les vin oun penas: “Dik an o bolepen! Oun dik i bolepangre momlia! Nay peneh tou, har boud kolla hi? Yaake boud menshe venna toutar.”

1. Mose 26:4

O Abraham shounas ap mande oun kras kova, hoy me leske penom. Yob rikras pes ap mire laba oun djivas pal miro čačepen. Doleske krau me, te venn tire čave yaake boud har i bolepangre momlia. Oun me dau len kalla tsele themma. Oun koy barht, hoy dau tire čavende, djal doureder ap i tsele natsyone, kay ap i phoub hi.”

1. Mose 49:25

Tiro dadeskro Devel vell ap tiri rig. Yob hi o zorelo Devel. Yob dell tout brishin dran o bolepen oun pani dran i phoub, ninna boud čave oun firhe.

2. Samuel 24:3

O Yoab penas ap o baro rayeste: “Miro baro ray, kamau o djiyestar, te dell tout tiro baro Devel sheel kope yaake boud menshen koy pashel, har kay hi, oun te nay dikess tou kova tire yakentsa, miro ray. Hoske kameh tou, miro baro ray, savo koova te krell oun djinell, har boud kolla hi?”

1. Familjakro liil 21:3

O Yoab penas ap leste: “Miro baro ray, kamau o djiyestar, te dell tout o baro Devel sheel kope yaake boud menshen koy pashel, har kay hi. Yon halauter kamenn touke koy te vell oun rikrenn ap toute. Hoske kameh tou, miro ray, savo koova te krell oun djinell, har boud kolla hi? Hoske kameh te aness i doosh ap Israel?”

Debleskri gili 115:14

Mou dell t'men o baro Devel boud čave, t'menge oun t'mare čavenge!

2. Mose 32:13

Ma biste tire boudepangren, o Abraham, o Isaak oun o Yakob! Kolenge dal tout sovel oun penal: Me moukau t'mare čaven boudeder te vell har i momlia an o bolepen. Kava tselo them, kay me penom, te vell lo t'maro, dau t'mare čavende, te djivenn le kote hako tsireske.”

Ezekiel 16:7

oun vess baro! Tou val har i shoukar blouma. Oun val baro oun i oun shoukar djouvel. Tire čoučya van baro oun tire balla lengsto. Nango hals.

4. Mose 22:12

O Devel penas ap o Bileam: “Ma dja lentsa! Ma rake i bibarht pral kol menshende vin! Miri barht oun zoor hi ap lende čiddo.”

4. Mose 6:27

T'mer te rakrenn yaake miro lab pral i Israelitarya vin, dau me len barht oun zoor.”

5. Mose 1:10

T'maro baro Devel kras t'men yaake boud. T'mer han kava dives yaake boud har kol momlia an o bolepen hi.

5. Mose 1:12

Djinenn, me nay hidjrau koy boudi hoy t'mer mange krenn, gar kokres, nay rakrau gar kokres o čačepen vin an t'maro tselo koova, oun t'maro tselo čingepen!

5. Mose 1:8

Kava tselo them čivom me glan t'mende, djan t'mer koy, oun lenn les t'menge dren! Kova hi ko them, kolestar o baro Devel t'mare phourende, o Abrahameste oun o Isaakeste oun o Yakobeste pes sovel das, te dell lo les lende oun lengre čavende oun kolende, kay pal lende venna.

5. Mose 10:22

70 (efta-deesh) menshe his t'mare phoure, har le an o them Egiptia tele djan. Oun kanna kras t'maro baro Devel t'mendar yaake boud har i bolepangre momlia.

5. Mose 28:62

T'mer hans yaake boud menshe har i momlia an o bolepen. Te shounenn gar ap t'maro baro Debleste, ačenn t'mendar kokres i vast pherdo djido.