5. Mose 1:1 - O Debleskro Lab 2024 (Sinte-Manouche)

¹ Kalla hi i laba, hoy o Mose ap i tsele Israelitarya penas, har his le an o moulo tato them ap i vavar rig o panyestar Yordan, an ko telstouno kotar them pash Souf mashkral o foro Paran ap yek rig oun kol forya Tofel, Laban, Hazerot oun Di-Sahab ap i vavar rig.

O Debleskro Drom 2021 (Sinte)

¹ Kalla hi i laba, hoi o Mose ap i tsele Israelitarja penas, har his le an o mulo tato them ap i wawar rig o panjestar Jordan, an ko telstuno kotar them pash Suf mashkral o foro Paran ap jek rig un kol forja Tofel, Laban, Hazerot un Di-Sahab ap i wawar rig.

5. Mose 1:1 Iomraidhean Croise

1. Mose 21:21

Oun yob djivas an ko moulo tato them, hoy kharella Paran. Oun leskri day las leske i romni dran o them Egiptia.

1. Rajengro liil 11:18

Oun yon van an o them Midian, oun djan doureder an o moulo them Paran. Oun dran Paran lan le morshen pentsa, oun van an o them Egiptia pash o Farao, ko ray pral Egiptia. Kova das o Hadadeste i kheer, rhapen oun i kotar phoub.

Habakuk 3:3

O Devel vell dran o them Teman, dran kol berge, hoy kharenn Paran. O bolepen hi pherdo leskro raylepen. Oun ap i tseli phoub sharenn les i menshe.

4. Mose 10:12

Oun kol Israelitarya djan dran ko moulo tato them Sinay. Oun koy folka djas glan lende oun ačas tardo an ko moulo tato them Paran.

4. Mose 11:35

Oun yon moukan Kibrot-Taava pal pende oun djan doureder an Hazerot, oun yon ačan kote.

4. Mose 12:16

djan le doureder, moukan Hazerot pal pende, oun djivan an o moulo tato them Paran.

4. Mose 13:26

Oun van pash o Mose oun o Aron oun pash kol tsele Israelitarya, kay ačan an o moulo tato them Paran pash i panyeskro kotar them, hoy kharella Kadesh. Oun yon penan lenge kova, hoy yon dikan, oun sikran lende kol drake, phabya oun fayge dran ko them.

4. Mose 13:3

Oun o Mose kras yaake har o baro Devel leske penas, oun rodas deesh-te-douy morshen vin, kay pralstoune hi mank i Israelitarya, oun bičras len dran o moulo tato them Paran an o them Kanaan.

4. Mose 32:19

Mer kamah gar lentsa i kotar them te lell ap i vavar rig o panyestar Yordan. Maro them lah ap kay rig o panyestar Yordan, kay o kham pre djal.”

4. Mose 32:32

Mer lah mare rhare oun djah glan o baro Debleste an o them Kanaan, te las maro kotar them kate ap kay rig o panyestar Yordan.”

4. Mose 32:5

Te hal menge lačo, de men kava them, te hounte djas mer gar pral o pani Yordan.”

4. Mose 33:20

an Libna,

4. Mose 33:21

an Rissa,

4. Mose 35:14

triin ap kay rig o panyestar Yordan, oun triin an o them Kanaan.

5. Mose 2:8

Yaake djam doureder oun moukam mare phralen pal mende, kol menshen, kay van o Esaestar, oun djivenn ap i berge Seir. Oun mer moukam o drom, hoy djal dran i forya Elat oun i Ezyon-Geber an i tala Yordan bis pash o Moulo Baro Pani, oun rissram oun lam o drom, hoy djal an o moulo tato them Moab.

5. Mose 27:1

Oun o Mose khetne i phoureder morshentsa dran Israel penas ap i Israelitarya: Denn yak ap i tsele laba, hoy me t'menge kava dives penom!

5. Mose 29:1

Oun o Mose moukas i tsele Israelitaryen gole te dell, oun penas ap lende: T'mer dikan halauter, hoy o baro Devel glan t'mare yaka kras an o them Egiptia, ap o Faraeste oun ap leskre bare morshende, oun ap o tselo them:

5. Mose 31:1

O Mose rakras pale i Israelentsa oun penas kal laba:

5. Mose 33:2

O baro Devel vas oun rakras mentsa pash i berga Sinay. Yob vas yaake har o kham pre djal pral i berge Seir. Mer dikam leskro raylepen har hams pash i berga Paran. Khetne leha van boud zerya bolepangre. Ap leskri čači rig his i yag.

5. Mose 4:46

An ko tsiro his le ap koy rig o panyestar Yordan, kay o kham pre djal, vergel o foro Bet-Peor an o them, kay his o Sihon o ray pral i Amorarya. Kova djivas an o foro Heshbon. Koles maran o Mose oun i Israelitarya, har djan le dran o them Egiptia vin.

5. Mose 5:1

Oun o Mose das i tsele menshen Israel khetne gole, oun penas ap lende: Shoun Israel kova, hoy o baro Devel kamell t'mendar, leskre tsele čačepaskre laba, hoy kava dives glan t'mare kanna penom. Rikrenn len an o shero, oun denn yak ap lende, oun djivenn pal lende!

Josua 22:4

Kanna kras t'maro baro Devel, te nay lan t'mare phralen lengro them ninna dren, oun yon nay djivenn kote an o lačepen, yaake har lo kova lenge penas. Doleske rissrenn kanna trouyel, oun djan pash t'mare plarhtene khera an ko them, hoy t'menge dino vas, te vell lo t'menge – ko them, hoy das t'men o Mose, koles o baro Debleskro čačo vast his, ap i vavar rig o panyestar Yordan.

Josua 22:7

O Mose das o paash kol menshendar dran o kheer Manasse o them Bashan, te vell lo lengro. Ko vavar paash das o Yosua lengro them mank lengre phralende ap koy rig o panyestar Yordan, kay o kham tele djal. Oun har moukas o Yosua kolen te djal, kay ap i vavar rig o panyestar Yordan khere hi, oun o Debleskri barht pral lende vin rakras,

Josua 3:16

ačas o pani, hoy pralstounes lendar his, tardo har i kheer dour pral pash o foro Adam, hoy pash Zaretan čiddo hi. Oun ko pani, hoy telstounes lendar his oun tele an o Londo Baro Pani nashell, kova nashas bouder gar pal oun djas krik. Oun yaake nay djan i tsele menshe ap i vavar rig, pash ko foro Yericho.

Josua 9:1

Oun kova, hoy i Israelitarya kran, shounan i tsele bare raya, hoy ap i vavar rig o panyestar Yordan djivan, an o pralstouno them oun ninna an o telstouno them oun pash o Baro Pani bis pash i berge Libanon. Kal bare raya his i raya pral o them Het, pral o them Amor, pral o them Kanaan, pral o them Peris, pral them Hiv oun pral o them Yebous.

Josua 9:10

oun ninna halauter, hoy yob kol douy bare rayentsa pral i Amorarya kras, kay ap i vavar rig o panyestar Yordan djivan, ko rayeha Sihon, ko baro rayeha pral o foro Heshbon, oun ko rayeha Og, ko baro rayeha pral o them Bashan, koon an o foro Astarot djivas.

1. Samuel 25:1

Oun o Samuel meras, oun o tselo Israel vas khetne oun rovas kote pral leste. Oun palle paskran le les an o foro Rama, kay lo khere his. Pal kova djas o David an o moulo them Paran.