4. Mose 9:6 - O Debleskro Lab 2024 (Sinte-Manouche)

⁶ Koy his morsha, kay tapran i moules an, oun van pale-čiddo. Kolla nay van gar glan o Debleste ap ko dives, te rhan le ko Passa. Yon van glan o Moseste oun glan o Aroneste,

O Debleskro Drom 2021 (Sinte)

⁶ Koi his mursha, kai tapran i mules an, un wan pale-tchiddo. Kolla nai wan gar glan o Debleste ap ko diwes, te chan le ko Passa. Jon wan glan o Moseste un glan o Aroneste,

4. Mose 9:6 Iomraidhean Croise

2. Mose 18:15

Oun o Mose penas ap leste: “I menshe venn pash mande, te nay poučenn le o Deblestar, hoy yob lendar kamella.

2. Mose 18:19

Shoun ap mande: Me kamau touke te penell, hoy te kress. Oun tiro Devel vell ninna touha. Ab tou lenge glan o Debleste oun mang lestar, hoy len hounte vell.

2. Mose 18:26

Kolla rakran pral i menshende o čačepen vin. Pral i tikno čingepen rakran yon kokres o čačepen vin. Oun o bareder koova anan le glan o Mose.

3. Mose 21:11

Pash kek mouleste djal lo, te vell lo gar pale-čiddo, vitar gar, te hi ko moulo peskro dad oder peskri day.

4. Mose 15:33

Oun kolla, kay hatsan les koy pashel, har yob kashta pre hadas, anan les pash o Moseste oun pash o Aroneste oun glan i tsele menshende.

4. Mose 19:11

Koon i moulo menshes an-tapella, kova hi efta divessa pale-čiddo.

4. Mose 19:14

Kova hi hoy mer hounte kras: Te merell i mensho an peskro plarhteno kheer, hounte vell hakeno, koon an ko kheer djala, oun koon an ko kheer hi, efta divessa pale-čiddo.

4. Mose 19:16

Ninna kova, kay tapras i menshes an, kay meras vin ap o them, hi pale-čiddo efta divessa. Kova hi ninna yaake, te vas ko moulo mensho kote temerl dino o rhareha. Ninna kova vell pale-čiddo efta divessa, koon taprell ap i mouleskre kokale, ninna kova, kay taprell ap koy phoub, kay o moulo paskedo hi, – yob vell pale-čiddo efta divessa.

4. Mose 19:18

Oun i morsh, kay gar pale-čiddo hi, hounte lell kol patria, hoy kharenna Hysop oun čivell len an ko pani oun vitsrell kova ap o plarhteno kheer oun ap kol pirya, čare oun khore, hoy koy dren hi, ninna ap hakeneste, kay an ko kheer hi. Ninna hounte vitsrell lo ko pani ap koleste, kay tapras i moules an, leskre kokale, ninna koy phoub, kay vas yob paskedo.

4. Mose 27:2

Kolla van pash o voudar glan o Debleskro kheer oun penan ap o Moseste oun ap o Elazar, ko rashayeste, glan kol pralstunende oun i tsele Israelitarya, kay koy hi:

4. Mose 27:5

O Mose anas lengro koova glan o baro Debleste.

4. Mose 5:2

Pen ap kol Israelitarya: “Bičrenn hakenes vin glan t'mari platsa, kay yaake nasselo ap peskro mass hi, te merell leskro mass tele! Bičrenn ninna halauteren vin, kay nashell doukepaskro pani dran lende vin, oun kolen, kay kran pen pale-čiddo ap kolende, kay moulo hi!

4. Mose 9:7

oun penan ap lende: “Mer tapram i moules an oun vam pale-čiddo. Hounte rikras men pale oun nay vah gar glan o baro Debleste, te anas leske i bakro khetne i vavar Israelitarya?”

Johanni 18:28

Kanna anan le o Yezouses dran o Kayafeskro kheer vin, oun anan les an o baro kheer o themeskro rayestar, kay i Remari his. His taysarlake. I bibolde djan gar leha an ko baro kheer dren, te venn le gar pale-čiddo. Yon kaman te nay rhan le ko rhapen ap ko baro dives, kay kharella Passa.