4. Mose 9:19 - O Debleskro Lab 2024 (Sinte-Manouche)

¹⁹ Oun ninna te ačas koy folka boud divessa pral o kheer tardo, shounan i Israelitarya ap o baro Debleste, oun djan gar doureder.

O Debleskro Drom 2021 (Sinte)

¹⁹ Un ninna te atchas koi wolka bud diwessa pral o kheer tardo, shunan i Israelitarja ap o baro Debleste, un djan gar dureder.

4. Mose 9:19 Iomraidhean Croise

2. Mose 40:37

Te ačas i folka pral o Debleskro kheer, ačan le kote oun djan gar doureder yaake rah bis te hadas li pes.

3. Mose 8:35

Efta divessa oun ratsya hounte ačenn t'mer glan o voudar o baro Debleskro plarhteno kherestar. Krenn, hoy yob penas, te merenn gar! Yaake penas lo kova mange.

Zakarie 3:7

Kova penell o baro Devel, ko ray pral o bolepen oun i phoub: Te djah tou ap mire dromma, oun kreh koy boudi mishto, hoy dom toute, palle vess o pralstouno pral miro kheer oun kol glanstoune platse. Oun tou nay veh glan mande khetne kolentsa, kay kate tardo hi.

4. Mose 3:8

Oun yon hounte denn yak ap o tselo koova an o Debleskro kheer. Oun yaake krenn yon koy boudi, hoy i tsele Israelitarya hounte krans mange.

4. Mose 9:18

O baro Devel te penas Djan!, palle djan yon. Oun o baro Devel te penas, te ačenn yon, palle ačan yon oun čivan pengre plarhtene khera pre. Yaake rah, har koy folka pral o kheer tardo ačas, yaake rah ačan yon.

4. Mose 9:20

Oun te ačas koy folka i tikno tsiro oun gar boud divessa pral o kheer tardo, ačan le i tikno tsiro koy, oun palle djan le doureder, hako kopo yaake har o baro Devel penas.