4. Mose 9:18 - O Debleskro Lab 2024 (Sinte-Manouche)

¹⁸ O baro Devel te penas Djan!, palle djan yon. Oun o baro Devel te penas, te ačenn yon, palle ačan yon oun čivan pengre plarhtene khera pre. Yaake rah, har koy folka pral o kheer tardo ačas, yaake rah ačan yon.

O Debleskro Drom 2021 (Sinte)

¹⁸ O baro Dewel te penas ‘Djan!’, palle djan jon. Un o baro Dewel te penas, te atchenn jon, palle atchan jon un tchiwan pengre plachtene khera pre. Jaake rah, har koi wolka pral o kheer tardo atchas, jaake rah atchan jon.

4. Mose 9:18 Iomraidhean Croise

2. Mose 17:1

Oun i tsele Israelitarya djan vin dran o moulo tato them, hoy kharella Sin, oun djan doureder hako kopo har o baro Devel les lenge penas. Oun yon van ap i platsa, hoy kharella Refidim. Kote his kek pani te piyell.

4. Mose 10:13

Kova his o ersto kopo, kay djan le yaake doureder har o baro Devel kova ap o Moseste penas:

4. Mose 9:16

Yaake his kova o tselo tsiro: ap o dives his koy folka pral ko kheer tardo. Oun ap i rati dikas li vin har i yag.

4. Mose 9:19

Oun ninna te ačas koy folka boud divessa pral o kheer tardo, shounan i Israelitarya ap o baro Debleste, oun djan gar doureder.

4. Mose 9:20

Oun te ačas koy folka i tikno tsiro oun gar boud divessa pral o kheer tardo, ačan le i tikno tsiro koy, oun palle djan le doureder, hako kopo yaake har o baro Devel penas.

1. Korintarja 10:1

Mire phrala, ma bistrenn, har djas mare phourenge, har djan yon an o moulo them. I folka djas glan lende lauterende oun sikras lende, kay o Devel pash lende his. Oun yon halauter djan o Moseste palla mashkral o baro pani ap i vavar rig. Mer nay penams: Har van yon an i folka oun an o baro pani, van le ap o Moseskro lab taufedo.

2. Johanni 1:6

Te krah mer kova, hoy o Devel penas, sikrah mer, kay kamah les. Oun kova, hoy yob penas, te kras, shounan t'mer, har van patsle.