4. Mose 9:13 - O Debleskro Lab 2024 (Sinte-Manouche)

¹³ Koon gar pale-čiddo hi oun gar ap o drom hi, kova hounte rikrell o Passa ap o čačo dives. Te krell lo kova gar, hounte vell lo infam oun ačell bouder gar pash peskre menshende. Koy phagi lell lo doleske, kay vas lo gar ap o čačo tsiro glan o baro Debleste, te anell lo leske i bakro. Leskri doosh ačell ap leste.

O Debleskro Drom 2021 (Sinte)

¹³ Koon gar pale-tchiddo hi un gar ap o drom hi, kowa hunte rikrell o Passa ap o tchatcho diwes. Te krell lo kowa gar, hunte well lo infam un atchell buder gar pash peskre menshende. Koi phagi lell lo doleske, kai was lo gar ap o tchatcho tsiro glan o baro Debleste, te anell lo leske i bakro. Leskri doosh atchell ap leste.

4. Mose 9:13 Iomraidhean Croise

1. Mose 17:14

Hako morsh, kay gar činlo hi ap peskro mass, kova hounte ačell bouder gar djido mashkral peskre menshende. Yob rikras pes gar ap kova, hoy mer vin kram.”

2. Mose 12:15

Efta divessa rhan t'mer maro, kay kek shoutlo yarro dren hi. Ap o ersto dives čivenn t'mer o shoutlo yarro krik. Kova, kay an kol efta divessa maro rhal, kay shoutlo yarro dren hi, kova vell pale-čiddo, oun hounte djivell bouder gar mank i Israelitarya.

2. Mose 12:19

Efta divessa hounte vell kek shoutlo yarro an t'mare khera hatslo. Hakeno, kay maro rhala, kay shoutlo yarro dren hi, vell pale-čiddo, oun hounte djivell bouder gar mashkral i Israelitarya. Kova nay vell i vi-themari, ninna i Israelitari.

2. Mose 12:47

I tsele Israelitarya hounte rhan ko Passa.

2. Mose 30:33

Koon peske savo djet krella, nay ačell gar djido mank peskre menshende. Temerl dino vell ninna kova, kay makell yekeste, kay hi kek rashay.

2. Mose 30:38

Koon savo koova peske krella, te nay soungell lo o shoukar soungepen, kava nay ačell gar djido mank peskre menshende.

Ezekiel 23:49

Oun ko vi-ladjedo koova, hoy kran, vell ap t'mende pale. Oun t'mer lenn t'mari phagi koleske, kay mangan i rhorhene deblen an. Palle dikenn oun hayvenn t'mer, te hom me o baro Devel, t'maro ray.

3. Mose 17:10

Hako Israelitari, ninna hako vi-themari, kay mank t'mende djivell, kay rat rhal, havo ninna hi, koleske sikrau miro doumo, oun krau, te djivell lo bouder gar mank mire menshende.

3. Mose 20:20

Koon i romyah peskro kakestar sovell, anell ladj ap peskro kakeste. Kol douy hounte hidjrenn pengri doosh. Yon merenn kek čaventsa.

3. Mose 22:9

I rashaya hounte rikrenn halauter, hoy lenge penom, te lenn le kek doosh ap pende, oun merenn doleske, kay djan le gar o Debleskro koova yaake trouyel, har hounte krans le. Me hom o baro Devel, oun rodom len vin, te venn le mire rashaya.

3. Mose 24:15

Ap i Israelitarya peness: Koon praasell peskro Debles, hounte hidjrell peskri phagi.

4. Mose 19:13

Te taprell yek i moulo menshes an oun kamell pes gar yaake te thovell, palle krell lo o Debleskro kheer pale-čiddo. Oun savo mensho hounte vell infam kerdo oun nay djivell bouder gar mank i Israelitarya. Ko pani, hoy lell o pale-čiddo koova krik, vas gar ap leste vitsedo. Doleske ačell lo pale-čiddo, oun ko pale-čiddo koova ačell ap leste.

4. Mose 19:20

Koon vas pale-čiddo oun kamell gar, te vell lo thodo ko panyeha, kova hounte vell infam kerdo oun nay djivell bouder gar mank i Israelitarya. Yob kras o baro Debleskro kheer pale-čiddo, oun ko pani, hoy lell o pale-čiddo koova krik, vas gar ap leste vitsedo. Doleske ačell lo pale-čiddo.

4. Mose 5:31

Te his ko morshes gar čačo, lell lo kek phagi. Koy djouvel, te anas li doosh ap peste, hounte hidjrell peskri phagi.

4. Mose 9:7

oun penan ap lende: “Mer tapram i moules an oun vam pale-čiddo. Hounte rikras men pale oun nay vah gar glan o baro Debleste, te anas leske i bakro khetne i vavar Israelitarya?”

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.

Hebrearja 2:3

Mer te djah gar ap o nevo drom, kay lah o djipen, hoy gar pre-herella, palle vella o Debleskri rholi pral mende. Kava nevo drom sikras men maro ray Yezous. Oun leskre laba hi o čačepen. Kolla, kay les shounan, penan les menge.

Hebrearja 9:28

yaake hounte meras o Yezous Kristo yek kopo i menshenge, te lell lo i doosh boud lendar ap peste. Ap ko tsiro, kay vell lo i douyto kopo, vell lo gar, te lell lo i doosh i menshendar krik. Na-a. Palle vell lo kolenge, kay čivan pengro dji ap leste, te lell lo len pash peste, oun te dell lo len lauter kova, hoy hi lenge an o bolepen.