4. Mose 8:18 - O Debleskro Lab 2024 (Sinte-Manouche)

¹⁸ Oun kanna lom i Levitaryen oun gar kol vavar morshen, kay hi i phoureder čave pengre dayendar an Israel.

O Debleskro Drom 2021 (Sinte)

¹⁸ Un kanna lom i Levitarjen un gar kol wawar murshen, kai hi i phureder tchawe pengre dajendar an Israel.

4. Mose 8:18 Iomraidhean Croise

1. Mose 48:14

Oun o Israel čivas peskri yek moussi pral o vavar oun čivas peskro čačo vast ap o Efrayimeskro shero. Kova his ko terneder. Oun peskro servo vast čivas lo ap o Manasseskro shero. Kova his o phoureder.

4. Mose 3:12

“Djiness, me rodom kol Levitaryen vin dran kol Israelitarya, te venn yon mire. Ap ko dives, har marom i tsele phoureder morsh čaven an o them Egiptia, čivom i tsele phoureder morsh čaven an o Israel mange ap i rig, te venn yon mire: kolla, kay i menshestar bolde van har ninna kolla, kay i firhestar bolde van. I tsele phoureder morsh čave hi mange, o baro Debleske. Kanna lau gar kolen, kanna lau i Levitarya mange.”

4. Mose 3:9

Oun tou aness kol Levitaryen pash o Aron oun leskre čavende. Kova hi yaake, har te anans len i Israelitarya pash lende, te krans le kolengri boudi.

4. Mose 8:17

Hakeno, kay hi o phoureder morsh čavo peskri datar mashkral kol Israelitarya hi mange, hako mensho oun hako firho. Ap ko dives, kay marom i tsele morshen, kay his i phoureder čave pengre dayendar an o them Egiptia, penom: Hako morsh, kay hi i phoureder čavo peskri datar, hi miro.

4. Mose 8:19

Oun me dom kol Levitaryen o Aroneste oun leskre čavende, te krenn le koy boudi an o Debleskro kheer. Yaake krenn le, hoy i boudi lauterendar an Israel vals. Oun yaake vell kek bibarht ap i Israelitarya, hoy hounte vals ap lende, te vans yon ap i Debleskri platsa.