4. Mose 8:14 - O Debleskro Lab 2024 (Sinte-Manouche)

¹⁴ Yaake less tou kol Levitaryen dran kol Israelitaryen ap i rig, te venn le miro.

O Debleskro Drom 2021 (Sinte)

¹⁴ Jaake less tu kol Levitarjen dran kol Israelitarjen ap i rig, te wenn le miro.

4. Mose 8:14 Iomraidhean Croise

Maleachi 3:17

Oun pral lende penell o baro Devel, ko ray pral o bolepen oun i phoub: Ap ko dives, kay me vau, sikrell pes, kay hi le mire. Oun me krau miro dji lenge yaake pre, har i morsh peskro dji pre krell peskro čaveske, kay leske koy hi.

4. Mose 18:6

Oun me lom t'mare phralen, i Levitarya, dran i vavar Israelitarya vin, te dap len t'mende, te venn le mange koy, o baro Debleske, oun krenn koy boudi ap o Debleskro plarhteno kheer.

4. Mose 3:12

“Djiness, me rodom kol Levitaryen vin dran kol Israelitarya, te venn yon mire. Ap ko dives, har marom i tsele phoureder morsh čaven an o them Egiptia, čivom i tsele phoureder morsh čaven an o Israel mange ap i rig, te venn yon mire: kolla, kay i menshestar bolde van har ninna kolla, kay i firhestar bolde van. I tsele phoureder morsh čave hi mange, o baro Debleske. Kanna lau gar kolen, kanna lau i Levitarya mange.”

4. Mose 3:45

“Hako phoureder morsh čaveske mank i Israelitarya le i Levitari, te vell lo mange, o baro Debleske! Oun le kol firhen, hoy i Levitaryen hi, oun gar kolen, hoy i Israelitaryen hi!

4. Mose 3:9

Oun tou aness kol Levitaryen pash o Aron oun leskre čavende. Kova hi yaake, har te anans len i Israelitarya pash lende, te krans le kolengri boudi.

4. Mose 6:2

Pen ap i Israelitarya: Te dell yek pes sovel, – nay vell i morsh, ninna i djouvel, – oun penell o baro Debleske, te vell lo leske i tsireske koy,

4. Mose 8:13

Oun tou aness kol Levitaryen glan o Aroneste oun leskre čavende, oun yaake glan o baro Debleste, te venn le leske koy.

4. Mose 8:17

Hakeno, kay hi o phoureder morsh čavo peskri datar mashkral kol Israelitarya hi mange, hako mensho oun hako firho. Ap ko dives, kay marom i tsele morshen, kay his i phoureder čave pengre dayendar an o them Egiptia, penom: Hako morsh, kay hi i phoureder čavo peskri datar, hi miro.

Remarja 1:1

Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.

Galatarja 1:15

O Debles his i vavar drom mange. Yob kamas mande peskro čaves te sikrell, te djinap, koon yob hi. Har me gomme gar boldo homs, rodas yob man vin. Oun yob his mange lačo oun das man gole, te djap pash kolende, kay kek bibolde hi, te penap lenge leskro čavestar. Har o Devel man pash lende bičras, poučom gar i menshendar, te penenn le mange, hoy te krap,

5. Mose 10:8

Ko tsireske rodas peske o baro Devel kol morshen dran o kheer Levi vin, te hidjrenn yon o morhton, kay o Debleskre deesh laba dren hi, oun te venn yon rashaya oun boudrenn leske, oun rakrenn an leskro lab barht vin pral i menshende. Oun kova krenn le ninna kava dives.

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.