4. Mose 7:86 - O Debleskro Lab 2024 (Sinte-Manouche)

⁸⁶ Hako tikno sonakaskro čaro his 120 (sheel-te-biish) gramme pharo. Khetne his kova 1.440 gramme (yek kilogramme oun star-sheel-te-star-desha gramme) sonakay. Yek grammi his yaake pharo har yek grammi an o Debleskro kheer pharo his. Kol sonakangre čare his pherdo soungepaskro koova, hoy rhačedo vella.

O Debleskro Drom 2021 (Sinte)

⁸⁶ Hako tikno sonakaskro tcharo his 120 (sheel-te-biish) gramme pharo. Khetne his kowa 1.440 gramme (jek kilogramme un star-sheel-te-star-desha gramme) sonakai. Jek grammi his jaake pharo har jek grammi an o Debleskro kheer pharo his. Kol sonakangre tchare his pherdo sungepaskro koowa, hoi chatchedo wella.

4. Mose 7:86 Iomraidhean Croise

1. Rajengro liil 7:50

i čare, čourya, čare o rateske, roya oun pirya, – kolla lauter his dran djoudjo sonakay; i hidjepangre, hoy i voudya rikrenn: ko voudar glan o Debleskri kouč isema oun o khereskro voudar. Kalla his kerdo dran sonakay.

2. Mose 25:29

Dran lačo sonakay kress tou ninna kol čare oun khore, an kolende i mool o Debleske čoredo vell.

2. Mose 30:13

Hako morsh, kay hi biish bersh oun phoureder, kova dell man i paash kotar roup. Ko paash roupeno kotar hounte vell yaake pharo har kolla an o Debleskro kheer: shob gramme pharo.

4. Mose 7:85

Hako baro roupeno čaro his yek-te-paash kilogramme pharo, oun hako tikneder roupeno čaro 800 (orhta-sheel) gramme pharo. Ko tselo roup his khetne 27.600 gramme (biish-te-efta kilogramme oun shob-sheel gramme) pharo. Yek grammi his yaake pharo har yek grammi an o Debleskro kheer pharo his.

4. Mose 7:87

I tsele firhe, kay anan le, te venn le tseles rhačedo o Debleske his khetne: deesh-te-douy terne gourma, deesh-te-douy morsh bakre, deesh-te-douy yek-bershengre bakre, oun ko rhapen, hoy vell pashel dino, ninna deesh-te-douy morsh bouzya, rhačepaske o Debleske, te vell i doosh krik lino.

Mateo 2:11

Oun yon djan an ko kheer, oun dikan kote o ternepas oun leskri dat, i Mariat. Oun yon vitsran pen glan leste tele, mangan les an, oun čivan ko kouč bravlepen glan leste, hoy dan le leste. Oun kova his sonakay, kouč kasht, hoy soungella mishto, ninna vavar kouč kasht, hoy vella djet lestar kerdo.