4. Mose 6:23 - O Debleskro Lab 2024 (Sinte-Manouche)

²³ “Pen ap o Aroneste oun ap leskre čavende: Yaake hounte penenn t'mer ap kol Israelitarya, te rakrenn miri barht pral lende vin:

O Debleskro Drom 2021 (Sinte)

²³ “Pen ap o Aroneste un ap leskre tchawende: Jaake hunte penenn tumer ap kol Israelitarja, te rakrenn miri bacht pral lende win:

4. Mose 6:23 Iomraidhean Croise

1. Mose 24:60

Oun yon rakran i barht pral late vin oun penan: “Tou, mari pheen, toutar te venna boud zerya menshe: zerya kope deesh-zerya! Mou venn tire čave ray pral kolende, kay kourenn pen lentsa, te lenn le kolengre forya krik!”

1. Mose 47:10

Oun o Yakob penas ap o baro rayeste: “Ač mo Debleha!” oun djas lestar.

1. Mose 47:7

O Yosef anas peskro dades, o Yakobes, glan o baro rayeste. Oun o Yakob penas ap leste: “Lačo dives! Mou dell tout o Devel peskri zoor oun barht!”

1. Mose 48:20

Yaake rakras o Israel ap ko dives o Debleskri barht vin pral kol čavende oun penas: “T'mare labentsa sharenn pen i menshe an Israel. Yon penenna: O Devel mou krell tout har o Efrayim oun o Manasse!” Yaake čivas o Israel o Efrayimes glan o Manasse.

1. Rajengro liil 8:55

Oun rissras pes pash i menshende oun rakras o Debleskri barht vin pral i tsele menshende an Israel, oun penas bari golyah:

1. Familjakro liil 23:13

O Amram, leskre čave his: o Aron oun o Mose. Oun o Aron oun leskre čave van vin rodedo, te venn le rashaya hako tsireske. Yon kokres nay kran o baro Debleskri boudi: nay rhačran firhen ap leskri rhačepaskri, oun nay rakran o Debleskri barht vin pral i Israelitarya.

2. Familjakro liil 30:27

Oun i rashaya oun i Levitarya stan pre oun rakran o Debleskri barht pral i tsele menshende vin. Oun o baro Devel shounas lengro rakepen, oun hoy le lestar mangan, vas pash leste an o bolepen shounlo.

2. Mose 39:43

Oun o Mose dikas kova lauter oun hayvas, yon kran lauter yaake har o baro Devel penas. Oun yob rakras o Debleskri barht pral lende vin.

4. Mose 6:22

Oun o baro Devel rakras o Moseha oun penas:

Remarja 1:7

Ap t'mende halauterende činau kava liil. O Devel kamell t'men o djiyestar, oun das t'men gole, te djivenn leha khetne. Mou vell t'men lačepen oun barht an o dji! Kova dell t'men o Devel, maro dad, oun maro ray, o Yezous Kristo!

1. Korintarja 1:3

Mou vell t'men lačepen oun barht an o dji! Kova dell t'men o Devel, maro dad, oun maro ray, o Yezous Kristo!

5. Mose 10:8

Ko tsireske rodas peske o baro Devel kol morshen dran o kheer Levi vin, te hidjrenn yon o morhton, kay o Debleskre deesh laba dren hi, oun te venn yon rashaya oun boudrenn leske, oun rakrenn an leskro lab barht vin pral i menshende. Oun kova krenn le ninna kava dives.

5. Mose 21:5

Palle stakrenn i rashaya dran o kheer Levi glan. Kolen rodas t'maro baro Devel vin, te krenn le leskri boudi, oun te rakrenn le leskri barht vin pral i menshende. Oun an i čingepen oun pal i marepen rakrenn le o čačepen vin.

5. Mose 33:1

Oun glan peskro merepen rakras o Debleskro morsh, o Mose, i Debleskri barht vin pral i Israelitarya, oun penas:

Hebrearja 7:1

O Melkisedek his o baro ray pral o foro Salem, ninna o baro rashay o baro Deblestar. An ko tsiro djas o Abraham an o kourepen, oun maras i bare rayen pengre lourdentsa. Har yob pale vas, djas o Melkisedek pash leste, oun rakras o Debleskri barht pral leste vin.

Hebrearja 7:7

Oun hakeno djinella: O bareder rakrell i barht vin pral o tikneder.

Josua 8:33

Oun i tsele Israelitarya, lengre phoureder, pralstoune oun čačepangre morsha, ninna i vi-themarya mank lende, yon halauter his tardo ap kol douy rigya pash o morhton, kay i deesh laba dren hi, hoy o baro Devel len das. Ap koy yek rig dikan le i berga Garizim, ap koy vavar rig dikan le i berga Ebal. Mank lende oun o morhton his i rashaya tardo, kay o morhton hidjran, – kolla his Levitarya. I tsele menshe his yaake tardo har o Mose, o baro Debleskro boudepaskro, glan i tsiro penas, te venn le tardo ap ko dives, kay vell o Debleskri barht pral lende vi-rakedo.

1. Petro 1:2

O Devel, maro dad an o bolepen, rodas t'men vin, oun das t'men peskro Dourho, te venn t'mer o Debleskre čave, oun krenn, hoy o Yezous Kristo t'mendar kamella. Oun yob thovas t'mari doosh peskro rateha t'mendar tele. Mou vell t'men boud lačepen oun barht an o dji!

2. Johanni 1:3

Lačepen, kamlepen oun barht t'menge! Kova dell men o Devel, maro dad, oun leskro čavo, o Yezous Kristo, an o dji. Oun yaake ačah mer khetne an o Debleskro čačepen oun kamlepen.