4. Mose 5:8 - O Debleskro Lab 2024 (Sinte-Manouche)

⁸ Kek te hi koy, koneste nay dell lo kova, palle dell lo les o baro Debleste o rashayeske. Ninna dell lo i divyo bakro, hoy o rashay marella, te vell leskri doosh krik lino oun halauter pale mishto.

O Debleskro Drom 2021 (Sinte)

⁸ Kek te hi koi, koneste nai dell lo kowa, palle dell lo les o baro Debleste o rashajeske. Ninna dell lo i diwjo bakro, hoi o rashai marella, te well leskri doosh krik lino un halauter pale mishto.

4. Mose 5:8 Iomraidhean Croise

2. Rajengro liil 12:16

Oun kol morshen, kay ko tselo roup dino vas, te denn le les i boudepangren, kolla hounte penan kekeske, har yon ko roup vin dan. Yon his morsha o labestar oun lenge vas patslo.

3. Mose 5:16

Oun ninna hounte anell lo ko koova, hoy anas lo gar o baro Debleske, oun o pančto kolestar gomme pashel. Oun kova lauter dell lo o rashayeste an o vast. Oun o rashay marell ko bakro oun rhačrell leskro thulepen, te vell lauter pale mishto mank o Debleste oun o mensheste. Oun o baro Devel bistrell koy doosh.

3. Mose 6:5

Oun koy yag ap i rhačepaskri rhačell doureder, oun djal ko tselo tsiro gar vin. Haki taysarla čivell o rashay kasht pre, oun koy pre ko mass ko firhestar, hoy vell tseles rhačedo, ninna kol kotya thulepen ko firhestar, hoy i menshe khetne rhan. Oun o rashay moukell lauter pre te rhačrell.

3. Mose 7:7

Yaake har pash ko firho, hoy i doshake maredo vell, yaake hi ninna pash ko firho, hoy maredo vell, te vell o mensheskri doosh pale mishto kerdo. O firheskro mass hi ko rashayeske, kay o firheskro thulepen rhačrell, te vell pale lauter mishto mank ko mensheste oun o Debleste.

4. Mose 5:7

Oun yob hounte penell o čilačo koova, hoy yob kras, oun krell kova pale mishto, oun dell ko pančto kotar koy pashel, ap koleste yob o čilačepen kras.

4. Mose 5:9

Ninna ko vavar koova, hoy i Israelitarya o baro Debleste denn, hi i rashayenge.