4. Mose 5:21 - O Debleskro Lab 2024 (Sinte-Manouche)

²¹ palle anell o baro Devel i bibarht ap toute, yaake te venn tire rigya tikneder oun tiro per pesseder. Palle penell yek, kay kamell i bibarht pral i vavareste te anell: Mou djal touke har kay djouvyake!” Kol labentsa hounte dell o rashay kol djouvyat trad, oun palle penell lo ap late:

O Debleskro Drom 2021 (Sinte)

²¹ palle anell o baro Dewel i bibacht ap tute, jaake te wenn tire rigja tikneder un tiro per pesseder. Palle penell jek, kai kamell i bibacht pral i wawareste te anell: Mu djal tuke har kai djuwjake!” Kol labentsa hunte dell o rashai kol djuwjat trad, un palle penell lo ap late:

4. Mose 5:21 Iomraidhean Croise

2. Familjakro liil 21:15

Ap toute vell boud nasslepen an tire bouke. Kova vell djoungleder oun djoungleder, bis tire bouke dran toute vin venna.

Nehemia 10:29

I tsele Israelitarya, i rashaya, oun i Levitarya, oun kolla, kay yak denn ap o foreskre voudya, oun i gipangre, oun i boudepangre an o Debleskro kheer, oun kolla i vavar menshendar, kay moukan pengre menshen oun djan kanna o Debleskro drom, ninna lengre romya, lengre čave oun ča, kay hayvenn kova,

Gosewe laba 10:7

Lače menshe venn gar bistedo. Kova, hoy le kran, hi o Debleskro lačepen. I čilače venn bistedo.

Jesaja 65:15

Pash mire vi-rodede menshe hi t'mare laba save laba, kolentsa yon i bibarht pral yekeste vin rakrenn, oun penenn: “O baro Devel maro ray, mou dell tout moulo har kales oun koles.” Lengre boudepangren dell yob i nevo lab.

Jeremia 29:22

I tsiro vell, kay penenn i menshe dran o them Youda, kay krik anlo van an Babilonia, te kamenn yon yekes te praasell: Mou krell o baro Devel touha, har kras lo ap o Sidkiya oun ap o Ahab, kolen moukas o baro ray dran Babilonia djides te rhačrell.

4. Mose 5:27

Oun te rhorhras koy djouvyat peskro romes oun anas ladj ap peste, palle djal ko nasselo pani an late dren, oun yoy nay vell bouder gar an vavar koova. Lakro per vell pesso, oun lakre rigya perenn khetne. Oun te kamell yek i vavares te praasell, penell lo: Mou djal touke har kay djouvyake!

Mateo 26:74

Koy čingras lo, das pes sovel, oun penas ap lende: “Me prindjrau kava morshes gar!” Oun sik koy pre das o bashno gole.

Josua 6:26

Ap ko tsiro das pes o Yosua sovel: “Mou dell o baro Devel bibarht ap ko morsheste, koon kava foro pale pre čivell. Te čivell lo i telstoune barra pre, hounte merell leskro phoureder čavo. Te čivell lo i bare voudya dren, merell leskro terneder čavo.”

1. Samuel 14:24

O Saul das i Israelitaryen trad oun penas: “Bibarht pral koleste, kay rhal kava dives, yaake rah o kham gomme gar tele djas, oun me gar kolen lauteren pale dom, kay kaman man te marell.” Doleske his i morshen dran Israel bouder kek zoor i bokatar, oun o marepen vas lenge phares.