4. Mose 5:18 - O Debleskro Lab 2024 (Sinte-Manouche)

¹⁸ Oun yob hounte anell koy djouvyat glan o baro Debleste, oun krell lakre balla pre, oun čivell ko yarro an lakro vast, te vell diklo, rhorhras li peskro romes, rhorhras li les gar. Oun an peskro vast lell ko rashay ko djoungelo nasselo pani.

O Debleskro Drom 2021 (Sinte)

¹⁸ Un job hunte anell koi djuwjat glan o baro Debleste, un krell lakre balla pre, un tchiwell ko jarro an lakro wast, te well diklo, chochras li peskro romes, chochras li les gar. Un an peskro wast lell ko rashai ko djungelo nasselo pani.

4. Mose 5:18 Iomraidhean Croise

Gosewe laba 5:4

Pal kova hi kova, hoy tout latar hi, har i djoungelo pipen oun har i rharo hoy ap douy rigya činell.

Sikepaskro 7:26

Oun me hatsom čomone, hoy shoutleder hi har o merepen, – i djouvel, kay i morshen taprell; kolakro kamlepen hi har dorya, kolentsa len pandell li; lakre moussya, hoy le troul lende čivell hi har shelle. I morsh, kay mishto hi glan o Debleskre yaka, kova nay nashell peske latar; o dinelo vell latar tapedo.

Jesaja 38:17

Dik, kova his mange mishto, te vom nasselo: An tiro kamlepen tserdal tou miro djipen vin dran o merepen. I tseli doosh, hoy me ap mande anom, vitsral tou pal tiro doumo.

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

3. Mose 13:45

Ko morsh ap koleste ko djoungelo nasslepen hi, hounte rivell koola, hoy paash hi, oun hounte moukell leskri balla divyes, oun hounte čivell i diklo troul peskri čor, oun dell vin gole: pale-čiddo, pale-čiddo!

4. Mose 5:15

Palle hounte anell ko morsh lat pash o rashayeste, oun anell o Debleske yek kilogrammi yarro. Oun yob hounte čorell kek djet pral pre, oun dell vitar kek soungepaskro koova koy pashel. Ko yarro dell lo o Debleste, te vell o čačepen vin, te djinenn le: rhorhras li les, – rhorhras li les gar.

4. Mose 5:17

oun čorell Debleskro pani an i piri, hoy hi kerdo dran pekli čik, oun lell phoubyakri čik dran o Debleskro kheer, oun čivell kova an o pani.

4. Mose 5:19

Oun yob dell koy djouvyat trad oun penell ap late: “Te his kek morsh pash toute čiddo oun rhorhral tiro romes gar i vavareha, te anal ladj ap toute, palle nay piyeh ko djoungelo nasselo pani, oun tou veh gar nasselo.

4. Mose 5:22

“Yaake djal ko nasselo pani an tiro per, oun tiro per vell pesseder, oun tire rigya perenn khetne.” Oun koy djouvel hounte penella: “Amen, yaake te vell kova!”

1. Korintarja 11:15

Oun te hi i djouvyat lengste bal, hi yoy shoukar. Lakre balla hi lake har i diklo.

1. Korintarja 11:6

Te kamell i romni či ap peskro shero te čivell, nay moukell yoy ninna peskre balla tele te činell. Te venn lake i balla tele činlo, oun lat hi bouder kek balla ap o shero, hi kova lake i ladj. Doleske hounte čakrell li peskro shero.

5. Mose 29:18

Kek te vell mank t'mende kava dives, kay shounell har kava praasepen vin rakedo vell, oun penell koy pashel an peskro dji: “Kova hi gar mange. Mange djal mishto, ninna te djau pal miro shero.” Kova vals djoungeles t'menge halauterenge, i lačenge har i čilačenge.

Hebrearja 13:4

Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.

1. Samuel 15:32

Oun o Samuel penas: “Anenn o Agag, ko rayes pral o Amalek, kay pash mande!” Oun o Agag djas daryah koy, oun penas: “Čačepah, har phares hi mange te hounte merap.”