4. Mose 4:6 - O Debleskro Lab 2024 (Sinte-Manouche)

⁶ Koy pre čivenn le i lači ledertikri plarhta oun pral pre i blaueti plarhta. Palle čivenn le kol hidjepaskre kashta an pengre goustria, yaake te hidjrenn nay le kova.

O Debleskro Drom 2021 (Sinte)

⁶ Koi pre tchiwenn le i latchi ledertikri plachta un pral pre i blaueti plachta. Palle tchiwenn le kol hidjepaskre kashta an pengre gustria, jaake te hidjrenn nai le kowa.

4. Mose 4:6 Iomraidhean Croise

2. Mose 25:10

Kre i morhton dran o kasht ko roukestar, hoy kharella Akatsia, 125 (sheel-te-biish-te-panč) centimetarya lengsto, 75 (efta-deesh-te-panč) centimetarya bourhlo oun 75 (efta-deesh-te-panč) centimetarya pral.

2. Mose 35:19

o rashayengre kouč ripya, hoy o Aron oun leskre čave an-rivenn, te boudrenn le an o Debleskro kheer.

2. Mose 39:1

Oun yon kran shoukar rashayengre ripya dran kouč bakrengro bal, hoy blaueto, lolo oun lolo har yag kerdo vas, te rivell len o Aron pash peskri boudi an o Debleskro kheer. Yon kran kal ripya yaake har o baro Devel o Moseske penas, te krenn le len.

2. Mose 39:41

Ninna anan le i rashayengre kouč ripya, hoy o Aron oun leskre čave an-rivenn, te boudrenn le an o Debleskro kheer.

4. Mose 4:14

Oun ko tselo koova, kay boudrenn yon peha, čivenn le koy pral pre: yagakre čare, massengre forshette, bare roya, kolentsa lenn le i yagakri čik krik, čare, kay o rat dren vella, oun ko tselo koova, hoy koy pashel hi. Pral halauter čivenn le i lači ledertikri plarhta. Palle čivenn le kol hidjepaskre kashta an i goustria ap o bob.

4. Mose 4:25

Yon hidjrenn kol plarhte, hoy čakrenn o Debleskro kheer, koy telstouni layntikri plarhta, koy plarhta dran bakrengro bal, hoy vell koy pre oun koy lači ledertikri plarhta, hoy vell pral pre čiddo. Ninna hidjrenn le ko kouč kotar than, hoy an ko voudar hi an o Debleskro kheer,

5. Mose 31:9

O Mose činas kal čačepaskre laba an i liil, oun das les kol phoureden pral Israel oun kol rashayende dran o kheer Levi, kay o Debleskro morhton hidjran, kay o Debleskre deesh laba dren hi.