4. Mose 4:3 - O Debleskro Lab 2024 (Sinte-Manouche)

³ Le kokres kolen, hoy mank triyanda oun paash-sheel bersha phouro hi, halauter kolen, kay nay venn boudepaske ap o Debleskro kheer.

O Debleskro Drom 2021 (Sinte)

³ Le kokres kolen, hoi mank trijanda un paash-sheel bersha phuro hi, halauter kolen, kai nai wenn budepaske ap o Debleskro kheer.

4. Mose 4:3 Iomraidhean Croise

1. Mose 41:46

O Yosef his 30 (triyanda) bersha phouro, har das les o baro ray pral Egiptia koy boudi. Oun o Yosef djas peske o baro rayestar oun djas an o them Egiptia trouyel.

2. Samuel 5:4

Triin-deesh bersha phouro his o David, har yob baro ray vas, oun les his penepaske star-deesh bersha.

1. Familjakro liil 6:48

Kol menshende dran o kheer Merari dan le deesh-te-douy forya. Kol forya his an i themma, kay i menshe Ruben, Gad oun Zabulon djivan. Kal forya lan le yaake, har kol tikne barra sikran, hoy vitsran le.

2. Familjakro liil 31:17

Oun i laba i rashayendar his an i liil činlo pal pengre dadengre khera. Oun i Levitarya his ninna an lila dren činlo, hakeno kay biish bersh oun phoureder his. Yon van yaake dren činlo, har yon pengri boudjake khetne čiddo van.

Esra 3:8

An o douyto bersh har yon pale van an o foro Yerusalem, oun an o douyto čon, kran pen i Israelitarya ap i boudi, te čivenn le o Debleskro kheer pale pre. O Zorobabel, koleskro dad o Shealtiel his, oun o Yeshoua, koleskro dad o Yozadak his, oun lengre vavar phrala, kolla his i rashaya oun i Levitarya, oun halauter, kay van dran pengro pandepen pale an o foro Yerusalem boudran khetne ap o Debleskro kheer. Oun yon rodan i Levitaryen vin, kay biish bersh oun phoureder his, te denn le yak ap koy tseli boudi an o baro Debleskro kheer.

4. Mose 1:50

Tou dess len gole, te boudrenn yon an o Debleskro plarhteno kheer, kay o Debleskre deesh laba dren hi, oun ap halauter, hoy an kava kheer hi. Yon hounte hidjrenn o Debleskro kheer oun halauter, hoy koy dren hi, oun denn garda ap halauter, oun čivenn pengre plarhtene khera troul o Debleskro kheer.

4. Mose 16:9

Hi kova t'menge gar doha, kay o Israeleskro Devel t'men vin rodas dran i tsele Israelitarya, te venn pash leste, te krenn t'mari boudi ap o Debleskro kheer? T'mer nay venn i tsele menshenge Israel koy.

4. Mose 4:2

Čin i laba kol morshendar an i liil, kay venna o Leviteskro čavestar, o Kohat. Čin ninna pre, dran havi familya hakeno vella oun koon leskro dad hi.

4. Mose 4:23

Le halauter kolen, kay mank triyanda oun paash-sheel bersha phouro hi. Oun de lauteren, kay venn boudepaske lengre boudi ap o Debleskro kheer.

4. Mose 4:30

Le halauter kolen, kay hi mank triyanda oun paash-sheel bersha phouro, kay venn boudepaske. Oun de len lengre boudi ap o Debleskro kheer!

4. Mose 4:35

Yon lan halauter kolen, kay mank triyanda oun paash-sheel bersh phouro his, oun nay van boudepaske, te krenn yon pengri boudi ap o Debleskro kheer.

4. Mose 4:4

Kava hi koy boudi, hoy kol Kohatarya ap o Debleskro kheer hounte krenna: Yon hidjrenna o Debleskro koova, hoy an o kouč isema hi.

Louka 3:23

O Yezous nay his yaake triyanda bersha phouro, har yob i menshenge o Debleskro lab penas. I menshe patsan, kay o Yosef leskro dad hi. O Yosefeskro dad his o Eli.

1. Timoteo 1:18

Miro čavo Timoteo, kova penau touke, te rikress tou kova an tiro dji. Ma biste kol laba, hoy glan i tsiro pral toute glan-vi penlo van! Kolla laba denn tout i zoor, te moukess gar tele te krell o Debleskri boudi, yaake har i lačo kourepaskro gar pre dell an o kourepen.

1. Timoteo 3:1

Kova, hoy kanna penau, hi čačo. Te kamell yek i phoureder te vell mank i patslende, kova kamell i lači boudi.

1. Timoteo 3:6

I phoureder mank i patslende hounte vell gar neves an o patsepen, te nay phourdell lo pes gar pre. Te phourdas pes lo pre, nay tserdell les o beng o Debleskro dromestar tele.