4. Mose 4:16 - O Debleskro Lab 2024 (Sinte-Manouche)

¹⁶ Oun o Elazar, ko čavo o rashayestar Aron, yob dell garda ap o momelengro djet, oun ap ko djet, hoy lenn le te makenn le i rashayen dren, oun ap ko soungepaskro koova, hoy vell rhačedo o Debleske. Ninna dell lo garda ap o rhapen, hoy hako dives o Debleske rhačedo vella. Oun yob dell garda ap o tselo Debleskro kheer oun ap ko tselo Debleskro koova, hoy koy dren hi.

O Debleskro Drom 2021 (Sinte)

¹⁶ Un o Eleasar, ko tchawo o rashajestar Aron, job dell garda ap o momelengro djet, un ap ko djet, hoi lenn le te makenn le i rashajen dren, un ap ko sungepaskro koowa, hoi well chatchedo o Debleske. Ninna dell lo garda ap o chapen, hoi hako diwes o Debleske chatchedo wella. Un job dell garda ap o tselo Debleskro kheer un ap ko tselo Debleskro koowa, hoi koi dren hi.

4. Mose 4:16 Iomraidhean Croise

2. Mose 25:6

momelengro djet, kouč soungepaskro koova, hoy vell rhačedo, ninna kouč soungepaskro koova, hoy vell an o makepaskro djet čiddo, te nay makenn le yekes dren.

2. Mose 30:22

Oun o baro Devel rakras o Moseha oun penas:

2. Mose 31:11

ninna ko makepaskro djet, hoy ap kova maklo vell, hoy o Debleske hi; oun ko kouč soungepaskro koova, hoy rhačedo vella an o Debleskro kheer. Kova lauter krenn le yaake, har me les touke penom.

2. Mose 37:29

Oun yob kras o makepaskro djet, koleha yon o Debleskro koova dren makenn. Ninna kras lo ko kouč soungepaskro koova, hoy rhačedo vell. Kova lauter kras yob yaake har kolla, kay kova mishto hayvenna.

3. Mose 24:1

O baro Devel penas ap o Mose:

3. Mose 24:2

Pen ap i Israelitarya, te anenn le touke o lačeder olivtikro djet, te nay rhačenn le haki rat i tikne momlia ap i momelengri an o Debleskro plarhteno kheer. Kay momelengri vell tardo vin glan ko kouč kotar than, hoy glan ko morhton pandlo hi, kay o Debleskre deesh laba dren hi. Kote dell o Aron yak, te rhačell i momelengri i tseli rat. Kava te vell yaake kerdo hako tsireske pash i Israelitarya oun lengre čavende, kay pal lende venna.

3. Mose 6:20

Hako vavar, kay ko mass an-taprell, lell peskri phagi. Te vell čomone ko ratestar ap yekeskre koola, palle hounte thovell lo ko kotar ap i platsa, hoy djoudjo hi o Debleske.

4. Mose 3:32

O ray pral i tsele pralstunende mank i Levitarya vell o Elazar, ko čavo o rashayestar Aron, te dell yob yak ap kolende, kay boudrenn an o Debleskro kheer.

4. Mose 4:17

Oun o baro Devel rakras o Moseha oun o Aroneha, oun penas:

Louka 4:18

O Debleskro Dourho hi ap mande. Yob rodas man vin, te penap i čorvelenge o Debleskro lačo lab. Oun yob bičras man, te penap kolenge, hoy stilde hi, te venn le dran lengro stilepen vin, oun kolenge, kay korelo hi, te dikenn le pale, oun kolenge, kay pale-čiddo hi, te venn le pale erligo,

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

1. Korintarja 4:1

Hakeno hounte dikell ap mende, te ham mer o Yezous Kristeskre boudepangre. Yob das men koy boudi, te penas i menshenge, hoy o Debles an o dji hi, oun hoy i menshe gomme gar djinenna.

1. Timoteo 2:5

Hi yek Devel i tsele menshenge. Oun hi yek rakepaskro, kay anell o Debles oun i menshen khetne. Kova hi ko mensho Yezous Kristo.

Hebrearja 3:1

Mire patsle phrala, o Devel das t'men gole, te djivenn pash leste an o bolepen. Doleske dikenn ap o Yezouseste, kones o Devel bičras, te anell lo i menshen ap leskro drom. Les hi peskro dadeskro vast. Oun yob hi maro baro rashay. Ap leste patsah mer. Yob mangell o Debles menge.

Hebrearja 3:6

O Yezous Kristo hi o Debleskro čavo. Oun an leskre vasta hi o Debleskre menshe, ap kolende yob mishto garda della. Kolla ham mer, te čivah maro tselo patsepen ap leste, oun dah gar pre bis te lah o raylo djipen pash leste.

1. Petro 2:25

T'mer hans har bakre, kay nashran pen. Kanna anas t'men o Yezous Kristo pale ap o čačo drom. Yob hi t'menge har i bakrengro, oun dell garda ap t'mende.

1. Petro 5:2

Denn garda ap i patslende, kay o Devel peske khetne anas! T'mer han har i bakrengre. Oun o Debleskre čave hi har bakre, hoy o Devel an t'mare vasta das. Denn len kova, hoy len hounte vella, te ačell lengro patsepen djido! Krenn kova o tselo djiyestar! Yaake kamell les o Devel. Krenn kova gar, har te vals i phari boudi, hoy hounte krenn! Krenn koy boudi dran o kamlepen oun gar, te venn t'mer playsedo!