4. Mose 4:14 - O Debleskro Lab 2024 (Sinte-Manouche)

¹⁴ Oun ko tselo koova, kay boudrenn yon peha, čivenn le koy pral pre: yagakre čare, massengre forshette, bare roya, kolentsa lenn le i yagakri čik krik, čare, kay o rat dren vella, oun ko tselo koova, hoy koy pashel hi. Pral halauter čivenn le i lači ledertikri plarhta. Palle čivenn le kol hidjepaskre kashta an i goustria ap o bob.

O Debleskro Drom 2021 (Sinte)

¹⁴ Un ko tselo koowa, kai budrenn jon peha, tchiwenn le koi pral pre: jagakre tchare, massengre forshette, bare roja, kolentsa lenn le i jagakri tchik krik, tchare, kai o rat dren wella, un ko tselo koowa, hoi koi pashel hi. Pral halauter tchiwenn le i latchi ledertikri plachta. Palle tchiwenn le kol hidjepaskre kashta an i gustria ap o bob.

4. Mose 4:14 Iomraidhean Croise

2. Familjakro liil 4:19

Ninna moukas o Salomo ko tselo koova te krell, hoy hounte vell tardo an o Debleskro kheer: o sonakaskro bob; i rhapangre, kay o Debleskre mare pre čiddo venn;

2. Mose 27:1

O Debleskri rhačepaskri kress tou dran o kasht ko roukestar, hoy kharella Akatsia. Pral i tseli rhačepaskri vell lolo saster. I rhačepaskri vell 2,50 (douy-te-paash) metari lengsto oun ninna yaake bourhlo, oun vell 1,50 (yek-te-paash) metari pral. Ap haki pralstouni ekka vell i shing vin. Kol shinga venn kerdo dran yek kotar kasht har i rhačepaskri.

2. Mose 27:3

Kre ninna kol tsele koola dran saster, kolentsa boudrenn le ap o Debleskri rhačepaskri: pirya, an kolende i yagakri čik dren vella, bare roya, čare, kay o rat dren vella, massengre forshette, yagakre čare.

4. Mose 4:13

Yon hounte khossenn ninna koy yagakri čik ap o Debleskri rhačepaskri tele, oun čivenn i loli plarhta koy pral.

4. Mose 4:15

Ap ko tsiro, kay djan i Israelitarya doureder, hounte krenn o Aron oun leskre čave kava halauter oun hounte čakrenn kol tsele kotya o Debleskro plarhteno khereske oun halauter, hoy koy pashel hi. Pal kova venn kol Kohatarya oun hidjrenn kova. Kaya hi lengre boudi. Yon taprenn kokres kol plarhte an, hoy troul ko tselo koova čiddo hi, oun gar ko Debleskro koova, te merenn yon gar.

4. Mose 4:6

Koy pre čivenn le i lači ledertikri plarhta oun pral pre i blaueti plarhta. Palle čivenn le kol hidjepaskre kashta an pengre goustria, yaake te hidjrenn nay le kova.