4. Mose 34:12 - O Debleskro Lab 2024 (Sinte-Manouche)

¹² oun doureder tele bis pash o pani Yordan oun bis pash o Londo Baro Pani. Kova hi t'maro them peskre rigyentsa koy trouyel.

O Debleskro Drom 2021 (Sinte)

¹² un dureder tele bis pash o pani Jordan un bis pash o Londo Baro Pani. Kowa hi tumaro them peskre rigjentsa koi trujel.

4. Mose 34:12 Iomraidhean Croise

1. Mose 13:10

O Lot dikas ap o tselo them pash o pani Yordan. Kova his halauter sapeno. Bis pash o foro Soar his ko them har o baro Debleskri baar oun har o them Egiptia. Kova his glan ko tsiro, kay kol forya Sodom oun Gomorra rhačedo van.

1. Mose 14:3

Kol panč raya kran vin, te rikrenn yon khetne oun van an i tala Siddim. Kova hi kanna o Londo Baro Pani.

2. Mose 23:31

Oun me penau, har bares tiro them vella. Yob djal foun ko Baro Lolo Pani bis pash ko baro pani, kay i Filistarya djivenn, oun foun o moulo tato them bis pash o lengsto pani Eufrat. Kolla, hoy kote djivenna, dau an tiro vast, te tradenn t'mer len dran o them vin.

Ezekiel 47:13

Kava penell o baro Devel, maro ray: Kanna penau touke, har baro kava them hi, oun havo kotar lestar lell hakeno kol deesh-te-douy čavendar o Yakobestar. Denn hakeneste leskro kotar them, te ačell kova leske hako tsireske! Kal deesh-te-douy kotya hi emliges baro. O kheer Yosef lell douy kotya. Me dom man sovel, te dap kava them t'mare phourende. Oun yaake vell lo t'menge, te ačell lo an t'mare familye.

4. Mose 34:11

Oun doureder tele foun Shefam bis Ribla. Kova hi ap kay rig o forestar Ayin, kay o kham pre djal. Pal kova djal tele kol tikne berge pash o pani Génésareth, kote, kay o kham pre djal,

4. Mose 34:13

Palle penas o Mose ap kol Israelitarya: “Kol menshe dran o kheer Ruben, dran o kheer Gad, oun ko paash kol menshendar dran o kheer Manasse lan pengro kotar them ap kay rig o panyestar Yordan, vergel o forestar Yericho, ap koy rig, kay o kham pre djala. Kava kate hi ko them, kay lenn t'mer vavar. Yaake kamell kova o baro Devel. Vitsrenn barhtyakre barra te hatsenn vin, koon havo kotar lella.”

4. Mose 34:3

Ap i čači rig djal t'maro them bis pash o moulo them Tsin oun bis pash o them Edom. I čači rig djal foun o Londo Baro Pani, kotar, kay o kham pre djal,

Josua 13:1

Oun o Yosua vas phouro. Les his i lengsto djipen. Kote penas o baro Devel ap leste. Tou val phouro, oun tout his i lengsto djipen. Oun koy hi gomme boud them, hoy gar dren lino hi:

Josua 15:5

Ap koy rig, kay o kham pre djal, djas o them bis pash o Londo Baro Pani, oun pral bis kote, kay o Yordan dren nashell. Koy nordetikri rig o themestar his ko drom, hoy djas foun kotar, kay o Yordan an o Londo Baro Pani nashell,