4. Mose 30:6 - O Debleskro Lab 2024 (Sinte-Manouche)

⁶ Te kamell lakro dad kova gar an ko dives har yob kolestar shounas, palle hounte rikrell yoy gar, hoy das li pes sovel, oun hoy yoy las ap peste. Oun o baro Devel djinell, kay lakro dad gar kamas te krell yoy kova, oun yob hidjrell lake či palla.

O Debleskro Drom 2021 (Sinte)

⁶ Te kamell lakro dad kowa gar an ko diwes har job kolestar shunas, palle hunte rikrell joi gar, hoi das li pes sowel, un hoi joi las ap peste. Un o baro Dewel djinell, kai lakro dad gar kamas te krell joi kowa, un job hidjrell lake tchi palla.

4. Mose 30:6 Iomraidhean Croise

Debleskri gili 56:12

Ap leste dikau oun rikrau man, oun darau gar. Hoy nashte krenn man i menshe?

Jeremia 44:19

Oun i djouvya penan: Te anah mer djouvya i bolepaskri rayetsake soungepaskro koova oun čorah mool glan late vin, palle krah mer kova gar dran mende kokres. Na-a, mare romma djinenn kova, te krah lake merklia, hoy vin dikenn har yoy, oun čorah mool glan late vin.

3. Mose 5:4

Te dell yek pes sovel, yaake te rakrell leskro mouy sik, oun yob hayvell pal i tsiro, hoy lo kras, – hi yek, te hi kova, hoy lo penas, lačo oder čilačo leske – palle anas lo i doosh ap peste.

4. Mose 30:5

oun lakro dad shounas lakro labestar, hoy yoy o Debleste das, oun yob penas či koy pre, palle hounte rikrell yoy halauter, kay das li pes sovel pre. Oun halauter, hoy las li ap peste, hounte rikrell li ninna.

4. Mose 30:7

Te romedinerell yoy, oun ap late hi i sovel čiddo, ninna te das li pes sovel oun djinas gar, hoy yoy penella, oun pandas pes yaake ap kova, hoy yoy penas,

1. Samuel 1:11

oun das pes sovel oun penas: “Tou, baro Devel oun ray pral o bolepen oun i phoub, tou te dikeh kanna tiri čorveli boudepaskretsa an, oun bistreh lat gar, oun deh tiri boudepaskretsat i morsh čaves, palle dau me les toute o tselo tsiro, hoy yob djivella. Oun kek čouri vell ap leskre balla, hoy činals len tele.”