4. Mose 3:10 - O Debleskro Lab 2024 (Sinte-Manouche)

¹⁰ Ap o Aroneste oun ap leskre čavende hounte peness tou, te denn yon yak, te krell kek vavar lengre rashayeskri boudi. Te vell i vavar, te krell lo kay boudi, hounte merell yob.”

O Debleskro Drom 2021 (Sinte)

¹⁰ Ap o Aroneste un ap leskre tchawende hunte peness tu, te denn jon jak, te krell kek wawar lengre rashajeskri budi. Te well i wawar, te krell lo kai budi, hunte merell job.”

4. Mose 3:10 Iomraidhean Croise

2. Samuel 6:7

Kova hounte krals lo gar. Yob hounte tapras gar i Debleskro koova an. Koy vas o baro Debleskri rholi pral o Ouza. Oun o Devel maras les koy. Oun yob meras koy pash o Debleskro morhton.

1. Rajengro liil 12:31

O Yerobeam kras ninna moulne platse ap o pralstouno them, kay i moule debla an-mangedo venn, oun rodas rashayen vin, kay gar Levitarya his.

1. Familjakro liil 6:32

koleskro dad his o Mali, koleskro dad his o Moushi, koleskro dad his o Merari, koleskro dad his o Levi.

Nehemia 6:11

Me penom: “I morsh, har me hom, nashell gar krik. Patseh, te djoms an o Debleskro kheer, te ačap djido? Me djau gar dren!”

2. Mose 29:9

Palle čip lenge o pereskro pandepen trouyel oun čip i rashayengre stadja ap lengre shere, te venn le mange rashaya hako tsireske. Oun yaake aneh tou len an lengri boudi:

Ezekiel 44:8

T'mer kokres kran gar koy boudi an miro kheer. Na-a, t'mer lan vavar morshen, te krenn le t'menge koy boudi an miro kheer.

3. Mose 22:10

Kek vavar rhal foun ko rhapen, hoy mange anlo vell, vitar gar kova, kay yek tsiro pash o rashayeste djivell, oder kova, kay i dives pash o rashayeste boudrell oun lestar playsedo vell.

4. Mose 1:51

Oun te djan t'mer doureder, čivenn kol Levitarya o Debleskro plarhteno kheer khetne. Oun te čivenn t'mer t'mare plarhtene khera pre, palle čivenn i Levitarya o Debleskro kheer pale pre. Hako vavar, kay vell pash o kheer, hounte merella.

4. Mose 16:10

Yob moukas tout, o Korah, oun tire tsele phralen, kol Levitarya, pash leste te vell. Oun t'mer kamenn kanna ninna rashay te vell!

4. Mose 16:35

Oun o baro Devel bičras yag, kay rhas kol 250 (douy-sheel-te-paash-sheel) morshen pre, kay anan ko soungepaskro koova o Debleske.

4. Mose 18:3

Oun kol vavar Levitarya hounte boudrenn touke, oun krenn koy boudi ap o tselo Debleskro kheer. O Debleskri rhačepaskri oun ko tselo Debleskro koova, koleha boudreh tou an o Debleskro kheer, kova taprenn le gar an, te merenn yon gar, oun t'mer lentsa.

4. Mose 18:7

Tou oun tire čave, t'mer han mire rashaya, te krenn t'mari boudi pash o Debleskri rhačepaskri oun dren an o kouč isema, hoy pal o voudar dran o kouč kotar than hi. Kay boudi dom me t'men. Te vell yek vavar pash o Debleskro koova, hoy koy dren hi, hounte merell lo.

4. Mose 3:11

Oun o baro Devel penas ap o Moseste:

4. Mose 3:38

Glan o Debleskro kheer, ap koy rig, kay o kham pre djala, hounte vell koy platsa o Moseske oun o Aroneske peskre čaventsa, te denn yon garda, te vell o Debleskri boudi mishto kerdo i tsele Israelenge. Oun te vell i vavar pash o Debleskro kheer, te krell lo kay boudi, hounte merell lo.

Remarja 12:7

Vavar patsle hayvenn, har te venn le nay i vavarenge koy. Koy boudi hounte krenn le. Vavar hayvenn i menshenge o Debleskro drom te sikrell. Kolla hounte krenn kova ninna.

Efesarja 2:19

Kanna han t'mer bouder gar save menshe, kay vin hi oun o Debles gar prindjrenna. Na-a, khetne kol vavar patslentsa han t'mer kanna o Debleskre menshe oun han khere pash leste.

5. Mose 18:5

T'maro baro Devel rodas peske o kheer Levi vin dran i tsele Israelitaryen, te venn i morsha dran o kheer Levi leskre rashaya hako tsireske.

Hebrearja 8:4

Kate ap kay phoub vals lo kek rashay. Ap i phoub hi kol rashaya, kay anenn o Debleske lačo koova yaake, har an o Moseskre lila činlo hi.

Čačepangre 17:5

Ko morshes Mika his i debleskro kheer peske oun peskri familyake. Oun yob kras i rashayeskri damdira oun khereskre debla, oun rodas yek peskre čavendar vin, te vell lo leskro rashay.

1. Samuel 6:19

An o foro Bet-Shemesh his menshe, kay dikan an o morhton, kay o Debleskre deesh laba dren hi. Oun o baro Devel maras lendar efta-deesh (70) morshen. Oun i tsele menshe rovan, te das len o baro Devel yaake phares.