4. Mose 27:21 - O Debleskro Lab 2024 (Sinte-Manouche)

²¹ Oun an tsirya, kay djinell lo gar, hoy te krell, hounte vell lo glan o rashayeste Elazar. Kova hounte poučell mandar oun hounte vitsrell kol Debleskre barra, te hatsell lo vin, hoy me, o baro Devel, an kava koova kamau. Yaake te sikrell o Elazar o Yosueske oun i tsele Israelenge, hoy te krenn le.”

O Debleskro Drom 2021 (Sinte)

²¹ Un an tsirja, kai djinell lo gar, hoi te krell, hunte well lo glan o rashajeste Eleasar. Kowa hunte putchell mandar un hunte witsrell kol Debleskre barra, te hatsell lo win, hoi me, o baro Dewel, an kau koowa kamau. Jaake te sikrell o Eleasar o Josueske un i tsele Israelenge, hoi te krenn le.”

4. Mose 27:21 Iomraidhean Croise

2. Samuel 21:1

An ko tsiro, kay o David djivas, vas i bari bok pral o them, oun i menshen his triin bersh či te rhal. Oun o David poučas o baro Deblestar, hoske kova yaake hi. Oun o baro Devel penas: “Ap o Saul oun ap leskro kheer hi i rateskri doosh čiddo, doleske, kay o Saul das kol Gibeonaryen moulo.”

Esra 2:63

Oun ko moskro penas lenge, te nay rhan le gar o rhapen, hoy kokres i rashayenge his, yaake rah bis te i rashay vas oun vin hatsas, hoy i barra Momeli oun Čačepen pral kava koova penan.

Nehemia 7:65

Oun ko moskro penas lenge, te nay rhan le gar o rhapen, hoy kokres i rashayenge his, yaake rah bis te i rashay vas oun vin hatsas, hoy i barra Momeli oun Čačepen pral kava koova penan.

2. Mose 28:30

An ko bečeskri possita čip kol douy tikne koola, hoy kharenna momeli oun čačepen, te venn le ap o dji o Aronestar, te djal o Aron dren pash mande. Kol douy tikne koola, kolentsa t'mer vin hatsenn, hoy me, o baro Devel, i Israelendar kamau, kolen hidjrell lo ap peskro dji, te vell lo glan mande.

3. Mose 8:8

Palle čivas lo o bečeskri possita ap leste. Oun an koy possita čivas lo kol douy tikne koola, hoy kharenna momeli oun čačepen.

Maleachi 2:7

Kova hi i rashayengri boudi: Yon hounte penenn o Debleskro lab an o čačepen, te nay djan i menshe pash lende, te kamenn le te djinell, hoy o baro Devel lendar kamella. I rashaya hi i bičepangre o baro Deblestar, ko rayestar pral o bolepen oun i phoub.

4. Mose 27:17

yekes, kay djal glan lende vin oun dren, oun anell len vin oun dren, te venn o baro Debleskre menshe gar har bakre, kay len kek bakrengro hi.”

4. Mose 27:2

Kolla van pash o voudar glan o Debleskro kheer oun penan ap o Moseste oun ap o Elazar, ko rashayeste, glan kol pralstunende oun i tsele Israelitarya, kay koy hi:

4. Mose 27:20

Oun de les tiro čačo vast, te shounenn i tsele Israelitarya ap leste.

4. Mose 27:22

O Mose kras yaake har leske o baro Devel penas, oun las o Yosua, oun moukas les glan o rashayeste Elazar te djal oun glan kol tsele Israelitarya,

4. Mose 27:5

O Mose anas lengro koova glan o baro Debleste.

5. Mose 31:3

T'maro baro Devel hi kova, kay djal glan t'mende. Yob hi kova, kay marell kol menshen an kava them glan t'mende, te nay lenn lengro them t'menge dren. Oun o Yosua vell t'maro pralstouno, yaake har o baro Devel kova penas.

5. Mose 33:8

Oun pral o kheer Levi penas lo: Baro Devel, de i Levitaryen kol barra, hoy sikrenn, hoy tou kameh, te vell kerdo! Yon rikran ap toute pash i panya Massa oun Meriba, har kamal te djinell: Shounenn le ap toute, ninna te vell kova lenge phares?

Josua 9:14

Kote lan i pralstoune pral i Israelitarya o rhapastar kol vavarendar, hoy len o dromeske pashel his, oun rhan les. O baro Debles poučan le koleske gar.

Čačepangre 1:1

Oun har o Yosua meras, poučan i Israelitarya o baro Debles: “Koon mendar djal glanstounes an o kourepen i menshentsa an o them Kanaan?”

Čačepangre 20:18

Oun i Israelitarya kran pen pre, oun djan an o foro Betel, oun poučan o Deblestar: “Koon mendar hounte djal glan vin, te marell lo pes i Benyaminentsa?” Oun o baro Devel penas: “O Youda djal glan!”

1. Samuel 14:19

Oun har o Saul gomme rakras, djas ap i Filistarengri platsa pral oun tele. Yaake te penas o Saul ap ko rashayeste: “Na-a, mouk, le tiro vast pale pale!”

1. Samuel 23:9

Har o David hayvas, te hi o Saules čilačepen an o dji oun kamas ap leste te djal, penas lo ap o rashayeste Abyatar: “An mange o rashayeskri damdira kay!”

1. Samuel 28:6

Oun o Saul poučas o baro Debles, hoy te krell lo. Oun kova penas leske či, das les kek souni, rakras gar leha kol tikne barrentsa, hoy vitsedo van, te sikrenn le, hoy kerdo hounte vella. Vitar gar nay penas leske i Debleskro rakepaskro, hoy te krell lo.

1. Samuel 30:7

Oun yob penas ap o rashayeste, o Abyatar, koleskro dad o Ahimelek his: “An mange o rashayeskri damdira!” Oun o Abyatar anas leske o rashayeskri damdira.