4. Mose 27:16 - O Debleskro Lab 2024 (Sinte-Manouche)

¹⁶ “Mo ray, tou baro Devel, kolestar o tselo djipen vell, čip i morshes pral i Israelitarya,

O Debleskro Drom 2021 (Sinte)

¹⁶ “Mo rai, tu baro Dewel, kolestar o tselo djipen well, tchip i murshes pral i Israelitarja,

4. Mose 27:16 Iomraidhean Croise

1. Rajengro liil 5:5

Yaake nay djivan i menshe kek daryah an o them Israel oun an o them Youda. Hakeno nay beshas tel peskro drakengro rouk oun peskro faygetikro rouk. Kova his yaake an o tselo them, o themestar Dan bis tel pash o foro Beersheba, yaake rah har o Salomo djivas.

2. Rajengro liil 11:8

Yon hounte venn tardo troul leste, hakeno peskro rhareha an o vast. Koon phagell kote dren, kova hounte vell maredo. Ačenn pash o baro rayeste, te djal lo vin oun te djal lo dren!”

Sikepaskro 12:7

O mensho vell pale phoub, kolatar yob kerdo vas. Oun o dourho hounte djal pale pash o Debleste, kay das o dourhes o mensheste.

Jeremia 3:15

Me kamau t'men save pralstunen te dell, kay denn garda ap t'mende, har me kova krau. Kolla sikrenn t'men t'maro drom gosvepah, oun hayvenn, hoy t'menge mishto hi.

Jeremia 32:27

Dik, me, o baro Devel, hom o Devel pral i tsele menshende. Dell čomone ap i phoub, hoy nay krau gar?

Jeremia 38:16

Kote das pes o baro ray Sedekya čorrhanes sovel oun penas: Glan o djido Debleste, kay men maro djipen das, penau touke: Me moukau tout gar te marell, oun me dau tout vitar gar an o vast kol morshendar, kay kamenn tout te marell.

Ezekiel 18:4

Djinenn, man hi o djipen hakenestar an miro vast – o dadeskro djipen yaake har o čaveskro djipen. Kokres kova, kay anell doosh ap peste, hounte merell.

Ezekiel 34:23

Oun me moukau yek bakrengro lenge pre te stell, kay dell yak ap lende. Kova vell dran i familya o Davidestar, oun hi har o David miro boudepaskro. Yob vell lengro bakrengro oun dell yak ap lende.

Ezekiel 37:24

Oun yek dran i familya o Davidestar, kay hi har o David miro boudepaskro, vell lengro baro ray. Yob vell i bakrengro kolenge halauterenge, oun dell yak ap lende. Oun yon djivenn pal mire čačepaskre laba oun krenn, hoy lendar kamau.

4. Mose 16:22

Kol douy moukan pen ap pengro mouy te perell, oun penan: “Ah Devel, tou hal o Devel, kay das hakenes o djipen! Te kras yek morsh i čilačo koova, kameh tou doleske tiri rholi pral i tsele menshende te čivell?”

4. Mose 27:15

Oun o Mose rakras o baro Debleha oun penas:

Mateo 9:38

Doleske mangenn o Deblestar, te bičrell lo boudepangren, kay leske boudrenna!”

Johanni 10:11

Me hom o lačo bakrengro. O lačo bakrengro moukell peskro djipen i bakrenge.

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

5. Mose 31:14

O baro Devel penas ap o Mose: “Tire divessa van, te hounte meress: De o Yosua gole, oun ab khetne leha pash o Debleskro plarhteno kheer, te čivap les dren an leskri boudi.” Oun o Mose oun o Yosua djan dren an o Debleskro plarhteno kheer,

Hebrearja 12:9

Har čave hams, dan men mare dada i phagi. Oun mer hounte shounam ap lende. Kitse boudeder hounte shounas ap maro dadeste an o bolepen, te djivas.

1. Samuel 12:13

Kanna dikenn: “Kate hi t'maro baro ray, koles t'menge vin rodan oun mandar mangan. O baro Devel čivas les pral t'mende.