4. Mose 26:11 - O Debleskro Lab 2024 (Sinte-Manouche)

¹¹ Kol čave o Korahestar meran gar halauter.

O Debleskro Drom 2021 (Sinte)

¹¹ Kol tchawe o Korachestar meran gar halauter.

4. Mose 26:11 Iomraidhean Croise

1. Familjakro liil 6:7

O Kohat: leskro čavo his o Amminadab, koleskro čavo his o Korah, koleskro čavo his o Assir,

1. Familjakro liil 9:19

O Shalloum his o čavo ko morshestar Kore, koleskro dad o Abiasaf his, koleskro dad o Korah his. O Shalloum oun vavar morsha dran o kheer Korah dan garda ap o voudar glan o Debleskro plarhteno kheer, yaake har lengre phoure garda dan pash o voudar ap o baro Debleskri platsa an o moulo tato them.

Debleskri gili 42:1

I gili yekestar, kay hi dran i familya Korah. Kay gili hi o rayeske pral i gipangre.

Debleskri gili 44:1

I gili o rayeske pral i gipangre. Kay gili hi yekestar dran i familya Korah.

Debleskri gili 45:1

I biyabeskri gili yekestar, kay hi dran i familya Korah. Koy gili hi o rayeske pral i gipangre, te givell pash o bashepen ap i shob-doryengri bashepaskri.

Debleskri gili 46:1

I gili yekestar, kay hi dran i familya Korah. Kay gili hi o rayeske pral i gipangre, te givell lo lat har koy gili terne ča.

Debleskri gili 47:1

I gili o rayeske pral i gipangre. Kay gili hi yekestar dran i familya Korah.

Debleskri gili 48:1

I gili yekestar dran i familya Korah.

Debleskri gili 49:1

I gili o rayeske pral i gipangre. Kay gili hi yekestar dran i familya Korah.

Debleskri gili 50:1

I gili o Asafestar. O Devel rakrell, o baro oun zorelo Devel dell i menshen ap i tseli phoub gole, kotar, kay o kham pre djas bis kote, kay lo tele djal.

2. Mose 6:24

O Korah, les his triin čave. Kolla his: O Assir, o Elkana oun o Abyasaf. Kolendar van i bare familye, hoy kharenna Koraharya.

4. Mose 16:27

Oun yon djan penge oun moukan koy platsa, kay djivas o Korah oun o Datan oun o Abiram. O Datan oun o Abiram djan vin dran lengre plarhtene khera oun his tardo glan o voudar pengre djouvyentsa, čaventsa, oun čavengre čaventsa.

4. Mose 16:32

oun kras peskro mouy pre, oun tserdas len tele pengre familyentsa oun kol tsele menshentsa, kay pash o Korah his, ninna halauter, hoy len hi.

4. Mose 16:33

Oun yon djan djides tele an o moulengro them lauterentsa, hoy len hi. Oun i phoub čakras len. Oun yon meran mashkral vin dran kol tsele menshende.

4. Mose 16:5

oun penas ap o Korah oun ap kolende, kay pash leste his: “Taysar penell o baro Devel, koon leskre menshe hi, kones yob peske vi-rodas, oun koon nay vell pash leste. Oun kones yob vin rodella, kova nay vell pash leste.

4. Mose 26:12

O kheer Simeon: Leskre čave his o Nemouel, o Yamin, o Yakin, o Zera oun o Shaul. Lendar venna i Nemouelarya, i Yaminarya, i Yakinarya, i Zerarya oun i Shaularya.

5. Mose 11:6

oun hoy lo kras ap o Datan oun ap o Abiram, kolengro dad o Eliab his dran o kheer Ruben: Har i phoub peskro mouy pre kras oun len mashkral i tsele menshende Israel pre rhas, len oun lengre tsele menshen oun lengre plarhtene khera, ninna lengre boudepangre oun firhe, hoy pash lende his.

5. Mose 24:16

I dada venn gar maredo koleske, hoy lengre čave kran. Oun i čave venn gar maredo koleske hoy lengre dada kran. Hakeno, kay kras savo čilačo koova, koleske yob merell hounte, kova vell peskri doshake maredo.