4. Mose 24:8 - O Debleskro Lab 2024 (Sinte-Manouche)

⁸ O baro Devel anas len vin dran o them Egiptia, oun kourell pes lenge har i divyo gouroum. Yon rhan kol menshen, kay len palla lenna, oun denn lengre kokale paash, oun denn len moulo karye.

O Debleskro Drom 2021 (Sinte)

⁸ O baro Dewel anas len win dran o them Egiptia, un kurell pes lenge har i diwjo gurum. Jon chan kol menshen, kai len palla lenna, un denn lengre kokale paash, un denn len mulo karje.

4. Mose 24:8 Iomraidhean Croise

Debleskri gili 2:9

Ab ray pral lende i sasterno vasteha, tou phageh len nay har čare.”

Debleskri gili 21:12

Yon van khetne oun rakran, har nay krenn le touke čilačepen. Či, hoy kamenn le touha te krell, djal lenge mishto.

Debleskri gili 45:5

Besh tout ap tiro gray! Dja trouyel an o them oun kre o čačepen zoreles! Le i čorvelengro koova an tiro vast oun kre, te lenn le pengro čačepen! Yaake krell tiri čači moussi baro zorelo koova.

Debleskri gili 45:6

De tire fayle karye, te djan le an o dji kolendar, kay kourenn pen touha. Yaake perenna i vavar themma glan toute.

2. Mose 23:22

Te shounenn t'mer ap leste oun krenn halauter, hoy me t'menge penau, palle djau me ap kolende, hoy ap t'mende djan. Oun kolla, hoy t'menge o djipen phares krenn, kolenge krau me les ninna phares.

Jesaja 38:13

I tseli rati rovau i doukatar, hoy yaake hi, har te phagals i levo mire kokale. Dives oun rati moukeh tou man te hayvell, te hi mantsa trouyel.

Jeremia 50:17

O Israel his har i nashedo bakro, hoy lan i leve palla. Ko ersto his o baro ray dran o them Assour, kova rhas les. Pal leste vas o baro ray pral o them Babilonia, o Neboukadnezar. Kova dandras ko mass tele, hoy ap leskre kokale ačas.

Jeremia 50:9

Shounenn, me bičrau boud lourden dran boud themma, kay foun kotar venna, kay norden hi, te kourenn le pen i menshentsa an Babilon. Yon venna oun lenn ko foro dren. Kal lourde denn mishto karye, oun taprenn hako kopo kova, hoy kamenn le te taprell.

Daniel 6:24

Kote stas o baro rayeskro dji i barhtyatar. Oun yob penas, te lenn le o Danieles vin dran koy grouba. Oun o Daniel vas vin lino, oun kek doukepen vas ap leste hatslo, doleske kay rikras yob zoreles ap peskro Debleste.

4. Mose 14:9

Ma perenn o baro Deblestar tele, oun trashenn gar kol menshendar an ko them! Mer kamah len pre te rhal har maro. Lengro devel, kay das yak ap lende, moukas len. O baro Devel hi mentsa. Ma trashenn lendar!”

4. Mose 21:5

Oun yon čingran ap o Debleste oun ap o Moseste oun penan: “Hoske anal tou men dran o them Egiptia vin, te meras mer an o moulo tato them, kay hi kek maro oun kek pani? Oun menge vell djoungelo ko rhapastar, kay kek thulepen dren hi?”

4. Mose 23:22

O Devel las len dran o them Egiptia vin, oun kourell pes lenge har i divyo gouroum.

4. Mose 23:24

Kay natsyona hi har i terni bari margodja, oun vell zorelo har i bari margodja, hoy čivell pes gar tele, bis te rhas li pre, hoy yoy maras, oun piyas ko rat kolendar, hoy yoy moulo das.

Mateo 2:15

Oun kote ačas lo, yaake rah har o Herodes djido his. Oun yaake vas kova čačo, hoy o Devel ap peskro rakepaskro penas: Dran o them Egiptia dom miro čaves gole.

5. Mose 32:23

Pale te pale anau me bibarht pral lende; me dau mire tsele fayle karye an lende.

5. Mose 32:42

Kol fayle, kolentsa karye dau, lendar perell o rat tele – ko rat kolendar, kay me moulo dau, ninna kol pandlendar. Miro rharo rhal o mass kolendar, kay kouran pen mantsa, oun dell lengre sherya paash.

5. Mose 7:1

T'maro baro Devel anell t'men an ko them, hoy t'maro vell. Oun yob tradell boud menshen glan t'mende vin: I Hetarya oun i Girgasharya oun i Amorarya oun i Kanaanitarya oun i Perisarya oun i Hivarya oun i Yebousarya. Kolla hi efta natsyone, kay hi bareder oun zorleder har t'mer.

Josua 2:10

Mer shounam, har kras o baro Devel t'menge i drom an o baro pani, hoy kharella Baro Lolo Pani, har djan dran o them Egiptia vin. Shounam ninna, hoy kran t'mer kol douy bare rayentsa pral i Amorarya, o Sihon oun o Og, hoy ap i vavar rig o panyestar Yordan his. T'mer maran len oun kran halauter paash, hoy lenge his.