4. Mose 24:7 - O Debleskro Lab 2024 (Sinte-Manouche)

⁷ An o Israeleskro them hi boud pani, oun leskri phoub, kay o djob oun o gib bares venna, hi boudeder har doha pani. Leskro baro ray vell bareder har o Agag. Oun leskro them oun leskre menshe venn zorleder har i vavar menshe troul lende.

O Debleskro Drom 2021 (Sinte)

⁷ An o Israeleskro them hi bud pani, un leskri phub, kai o djob un o gib bares wenna, hi budeder har doha pani. Leskro baro rai well bareder har o Agag. Un leskro them un leskre menshe wenn sorleder har i wawar menshe trul lende.

4. Mose 24:7 Iomraidhean Croise

2. Samuel 5:12

O David hayvas, te kras o baro Devel, te vell oun ačell yob baro ray pral Israel. Kova kras yob peskre menshenge, i Israelenge.

1. Rajengro liil 5:1

Oun yaake his o Salomo o baro ray pral i tsele themma, hoy hi čiddo mank o pani Eufrat oun ko them, kay i Filistarya djivan, oun tele bis pash o them Egiptia. Pral kolende his les penepaske, oun yon playsran leske roup oun sonakay, yaake rah har yob djivas.

1. Familjakro liil 14:2

O David hayvas, te kras o baro Devel, te vell oun ačell yob baro ray pral Israel. Kova kras yob peskre menshenge, i Israelenge.

Esra 4:20

Ninna his zorele bare raya an o foro Yerusalem, kay his i raya pral halauter, hoy ap i vavar rig o panyestar Eufrat djivella, yaake kay vas lenge hounte themeskre love dino, ninna foreskre love oun vavar koova.

Ester 3:1

Pal i tsiro hadas o baro ray Ahasveros i morshes pral i tsele pralstunende, kay pash leste hi. Ko morsh kharas Haman. Leskro dad his o Hammedata i menshendar Agag.

Debleskri gili 18:43

Oun me dom len khetne, dom len tiknes har čik, hoy i baro dourho krik phourdell. Har čik čorom len vin ap o drom.

Debleskri gili 68:26

I gipangre djan glan toute oun i bashepangre pal toute. Oun mashkral dren djan i terne ča oun denn pengre pauke.

Debleskri gili 72:11

I tsele bare raya perenn tele ap i phoub glan leste. Oun i tsele natsyone boudrenn leske.

Debleskri gili 89:27

Yob penell ap mande: Tou hal miro dad, miro Devel, kova, kay rikrell peskre vasta pral mande oun vell ap miri rig.

Jesaja 2:2

Vell i tsiro, koy hi koy berga, kay o baro Debleskro kheer tardo hi, bareder har i tsele vavar berge, oun dikell tele ap i tsele tikne berge. Oun i menshe dran boud themma nashenn pash kay berga,

Jesaja 30:25

Oun an ko tsiro, kay o baro marepen hi, oun i zorele khera khetne phagenn, nashenn panya, tikne oun bare, o pralstouno themestar oun ap haki berga tele.

Jesaja 48:1

Shounenn, t'mer dran o kheer Yakob, t'mer, kay venn o labeha Israel gole dino, oun venn dran o kheer Youda. T'mer denn t'men sovel pash o baro Debleste, oun penenn, te mangenn o Israeleskro Debles an. An o čačepen oun i djoudjo djiyeha krenn t'mer kova gar.

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Jeremia 51:13

Tou foro, kay hal kote, kay bare panya hi, tou, kay tout baro bravlepen hi, tiro tsiro hi trouyel, tiro djipaskro thab vell tele činlo.

Daniel 2:44

Oun an ko tsiro, kay kol bare raya djivenna, krell o bolepaskro Devel yek them, hoy an kek tsiro paash kerdo nay vell. Kava them vell an kek tsiro vavar menshendar dren lino. Leskro baro ray krell kol vavar rayengre themma paash, oun leskri zoor ačell hako tsireske.

4. Mose 24:20

Oun har o Bileam kol Amalekarya dikas, penas lo kal laba: “Amalek hi ko pralstouno mashkral kol natsyone. Ninna yob vell maredo an ko tsiro, hoy vella.”

Johanni 1:49

“Sikepaskro,” penas o Natanael, “tou hal o Debleskro čavo. Tou hal o baro ray pral Israel.”

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”

Debleskro tsiro 17:1

Oun yek kol efta bolepangrendar, kay hi len kol efta čare an i vasta, kova vas pash mande, oun penas: “Ab kay! Me kamau tout i phagi te sikrell, hoy ko foro lella, hoy pash boud panya čiddo hi. Ko foro hi har i djouvel, kay kras vi-ladjedo koova.

Debleskro tsiro 17:15

Oun o bolepaskro penas ap mande: “Tou dikal, kay beshell koy djouvel, hoy vi-ladjedo koova krell, pash boud panya. Kol panya hi menshe dran haki harmenatsyona, dran hako them, haki natsyona, oun hako rakepen.

Debleskro tsiro 19:16

Ap leskro ripen oun ap leskri pralstouni heri hi i lab činlo, hoy kharella: o ray pral i rayende oun o pralstouno pral i pralstunende.