4. Mose 24:10 - O Debleskro Lab 2024 (Sinte-Manouche)

¹⁰ Koy vas o Balak rhoyedo ap o Bileam. Oun yob das i vasta khetne, oun penas ap leste: “Me dom tout gole, te rakress i bibarht vin pral kolende, kay man pre rhana. Oun dik, tou rakral triin kope i barht pral lende vin.

O Debleskro Drom 2021 (Sinte)

¹⁰ Koi was o Balak chojedo ap o Bileam. Un job das i wasta khetne, un penas ap leste: “Me dom tut gole, te rakress i bibacht win pral kolende, kai man pre chana. Un dik, tu rakral triin kope i bacht pral lende win.

4. Mose 24:10 Iomraidhean Croise

Nehemia 13:2

Glan i rah tsiro dan i Ammonarya oun i Moabarya i Israelende kek maro oun kek pani, har kolla ap o drom his. Oun i Moabarya playsran o Bileames, te rakrell lo i bibarht pral i Israelitarya vin. Maro Devel kras dran i bibarht i barht.

Hiob 27:23

Ko dourho hi har yek, kay dell i vasta pral leste khetne, oun dell shol har te sals lo pral leste, kay lo ninna djal.

Ezekiel 21:14

Tou, mensho, pen glan-vi, hoy vella! Pen lenge: Kava penell o baro Devel: Dik o rharo, o rharo, hoy lačes činell, oun djoudjo kerdo hi.

Ezekiel 21:17

De gole oun rob, tou mensho! Mire menshe hi, kolen o rharo marell. I pralstunen an Israel dell miro rharo moulo, oun lentsa khetne mire tsele menshen! Doleske de ap tiro beč o ropastar!

Ezekiel 22:13

Me dau mire vasta khetne kol lovenge, hoy t'mer rhorhepah khetne anan, oun ko rateske kolendar, kay pash t'mende maredo van.

4. Mose 22:11

I bari natsyona vas dran o them Egiptia kate, oun hi an o tselo them. Am ap miri rig oun rake i bibarht vin pral kal menshende! Nashte vell yaake, kay kourau man lentsa, oun tradau len.”

4. Mose 22:17

Me kamau touke bravlepen te dell. Oun hoy tou mange peneh, kamau me te krell. Am ap miri rig oun rake i bibarht vin pral kal menshende!”

4. Mose 22:6

Oun yon hi zorleder har mer. Am kanna ap miri rig! Rake i bibarht vin pral kal menshende! Nay vell yaake, kay marau len, oun tradau len dran kava them vin. Me djinau: Pral koneste tou rakreh i barht vin, ap koleste hi i barht čiddo. Oun pral koneste tou rakreh i bibarht vin, ap koleste hi i bibarht čiddo.”

4. Mose 23:11

Koy penas o Balak ap o Bileam: “Hoy kre tou mantsa? Me moukom tout kate te anell, te rakress i bibarht vin pral kolende, kay man pre rhana. Tou rakreh i barht pral lende vin.”

4. Mose 24:11

Dja kanna touke! Dja an tiro them! Me kamom te dap tout boud bravlepen. O baro Devel kamas gar te dap tout bravlepen.”

4. Mose 24:9

O Israel čivas pes tele har i bari margodja, ava, har i terni bari margodja. Kek kamell lat pre djangrell. Barht oun zoor vell koles, kay rakrell i barht pral toute vin, Israel! Oun bibarht vell ap koleste, kay rakrell i bibarht vin pral toute.

Bičepangre 11:10

Kova djas triin kope. Oun halauter djas pale an o bolepen.

5. Mose 23:6

T'maro baro Devel kamas gar ap o Bileam te shounell. Yob kamas t'men o djiyestar. Doleske kras lo, te rakras o Bileam i barht pral t'mende vin, oun kek bibarht.