4. Mose 23:13 - O Debleskro Lab 2024 (Sinte-Manouche)

¹³ O Balak penas ap leste: “Am mantsa ap i vavar platsa, kay dikeh i tsele menshen oun gar i tikno kotar lendar har kate! Oun kote rake i bibarht vin pral o Israel!”

O Debleskro Drom 2021 (Sinte)

¹³ O Balak penas ap leste: “Am mantsa ap i wawar platsa, kai dikeh i tsele menshen un gar i tikno kotar lendar har kate! Un kote rake i bibacht win pral o Israel!”

4. Mose 23:13 Iomraidhean Croise

1. Rajengro liil 20:23

Oun i bare morsha o baro rayestar dran Syria penan ap pengro rayeste: “O Israeleskro Devel hi i devel, kay djivell ap i berge. Doleske his yon zorleder har mer. Te kourah men mer lentsa ap i telstouni phoub, čačepah, palle ham mer zorleder har yon!

1. Rajengro liil 20:28

Kote vas o Debleskro morsh pash o baro rayeste pral Israel, oun penas leske: Kava penell o baro Devel: “I Syrarya penan, me o baro Devel, voms i devel, kay ap i berge djivell, oun gar i devel, kay ap o telstouno them djivell. Doleske dau me kal tsele boud lourden an tiro vast, te hayvenn t'mer, kay me o baro Devel hom.”

Debleskri gili 109:17

Yob kamas o praasepen. Yaake mou vell kova ninna ap leste! Yob kamas gar te rakrell i barht pral yekeste vin. Kanna, mou ačell i barht dour lestar!

Micha 6:5

T'mer mire menshe, moukenn t'menge an o shero te vell, hoy kamas o Balak – ko baro ray pral o them Moab – t'menge te krell, oun hoy penas leske o Bileam, koleskro dad o Beor his! Moukenn t'menge an o shero te vell, har djan t'mare phoure pral vergel o pani Yordan ap lengro drom dran Shittim doureder an Gilgal. Palle hayvenn t'mer, havo boud lačepen t'menge krom.

4. Mose 22:41

Oun taysarlakro las o Balak o Bileames peha, oun anas les pral ap i berga Bamot-Baal, te dikell yob kotar ap kol tsele menshende Israel.

4. Mose 22:6

Oun yon hi zorleder har mer. Am kanna ap miri rig! Rake i bibarht vin pral kal menshende! Nay vell yaake, kay marau len, oun tradau len dran kava them vin. Me djinau: Pral koneste tou rakreh i barht vin, ap koleste hi i barht čiddo. Oun pral koneste tou rakreh i bibarht vin, ap koleste hi i bibarht čiddo.”

4. Mose 23:12

O Bileam penas: “Rikrap me gar kova dren oun rakrap, hoy o baro Devel mange an o mouy čivas?”

4. Mose 23:14

Oun yob anas les pash i phoub, hoy kharella dour dikepen, ap koy berga Pisga, oun kras efta rhačepangre, oun rhačras ap haki rhačepaskri o Debleske i terno gouroum oun i bakro.

Josua 24:9

Ninna o baro ray pral o them Moab, o Balak, koleskro dad o Sippor his, kamas pes t'mentsa te kourell. Oun yob bičras pal o Bileam, koleskro dad o Beor his, te vell lo, oun te rakrell lo bibarht pral t'mende vin.