4. Mose 22:5 - O Debleskro Lab 2024 (Sinte-Manouche)

⁵ Oun yob bičras morshen pash o Bileam, koleskro dad o Beor hi. O Bileam djivas mank peskre menshende an o foro Petor, kay pash ko pani Eufrat čiddo hi. O baro ray moukas leske te penell: “Am pash mande! I bari natsyona djas dran o them Egiptia vin oun hi kate an o tselo them. Kal menshe čivan pengre plarhtene khera pre ap i vavar rig mandar.

O Debleskro Drom 2021 (Sinte)

⁵ Un job bitchras murshen pash o Bileam, koleskro dad o Beor hi. O Bileam djiwas mank peskre menshende an o foro Petor, kai pash ko pani Eufrat tchiddo hi. O baro rai mukas leske te penell: “Am pash mande! I bari natsjona djas dran o them Egiptia win un hi kate an o tselo them. Kal menshe tchiwan pengre plachtene khera pre ap i wawar rig mandar.

4. Mose 22:5 Iomraidhean Croise

1. Mose 13:16

Oun me dau tout boud čaven, kay pal toute venna, – yaake boud har i čik ap i phoub. Kek mensho nay djinell, har boud čik ap i phoub hi. Yaake djinell nay kek, kitse menshe toutar venna.

Debleskri gili 105:24

O baro Devel moukas peskre menshen boud oun boudeder te vell. Yaake van le bareder oun zorleder har kolla, kay len tikno rikrenn.

2. Mose 10:15

oun čakran i phoub, yaake te vas o tselo them kales. Oun yon rhan o tselo zenlepen oun lauter, hoy ap i rouka baro vas, hoy pral ačas, har o barrengro brishin ap o them peras. Kek zenlepen ačas pral ap i rouka oun ap i harhetikri phoub an o tselo them Egiptia.

Micha 6:5

T'mer mire menshe, moukenn t'menge an o shero te vell, hoy kamas o Balak – ko baro ray pral o them Moab – t'menge te krell, oun hoy penas leske o Bileam, koleskro dad o Beor his! Moukenn t'menge an o shero te vell, har djan t'mare phoure pral vergel o pani Yordan ap lengro drom dran Shittim doureder an Gilgal. Palle hayvenn t'mer, havo boud lačepen t'menge krom.

4. Mose 23:7

Koy penas o Bileam kal laba: O Balak, ko baro ray pral i Moabarya, moukas man te anell dran o them Aram, dran kol berge, kay o kham pre djala. Oun yob penas ap mande: Am ap miri rig, oun rake i bibarht pral o Yakobeskre menshende vin! Ava, am oun praase i Israeleskre menshen!

4. Mose 31:8

Ninna maran le kol panč bare rayen pral i Midianarya. Yon kharan Evi, Rekem, Sur, Hour, oun Reba. Ninna dan le o Bileames o rhareha moulo, koleskro dad o Beor his.

5. Mose 23:4

Kek Ammonari oun kek Moabari vell kote t'mentsa khetne, kay o baro Debleskre menshe khetne venn, yaake rah har deesh familye yek pal i vavar djivenna. An kek tsiro nay venn le kote.

5. Mose 23:5

Yon van gar pash t'mende mareha oun panyeha, har hans ap drom dran o them Egiptia. Oun yon playsran love o morsheske Bileam, koleskro dad o Beor his, dran o foro Petor an o them Mesopotamia, te rakrell lo bibarht pral t'mende vin.

Josua 13:22

Mank kolende, kolen i Israelitarya o rhareha maran, his ninna ko dourkepaskro, o Bileam, koleskro dad o Beor his.

Josua 24:9

Ninna o baro ray pral o them Moab, o Balak, koleskro dad o Sippor his, kamas pes t'mentsa te kourell. Oun yob bičras pal o Bileam, koleskro dad o Beor his, te vell lo, oun te rakrell lo bibarht pral t'mende vin.

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.

Debleskro tsiro 2:14

I tikno koova pash t'mende hi gar mishto. Mashkral t'mende hi save menshe, kay djan ap ko drom, koles o Bileam glan i rah tsiro i menshende sikras. Yob sikras o baro rayeste pral o them Moab, – leskro lab his Balak, – har te anell lo nay i Israelitarya ap i čilačo drom. Yaake rhan i Israelitarya ko mass kol firhendar, hoy kol vavar menshe glan pengro debleste anan. Ninna djan le pash vavar djouvyende.