4. Mose 22:3 - O Debleskro Lab 2024 (Sinte-Manouche)

³ Oun kol Moabaryen his bari daar kol menshendar Israel, kay yaake boud his. Oun kol Moabarya trashan lendar.

O Debleskro Drom 2021 (Sinte)

³ Un kol Moabarjen his bari daar kol menshendar Israel, kai jaake bud his. Un kol Moabarja trashan lendar.

4. Mose 22:3 Iomraidhean Croise

Nehemia 13:2

Glan i rah tsiro dan i Ammonarya oun i Moabarya i Israelende kek maro oun kek pani, har kolla ap o drom his. Oun i Moabarya playsran o Bileames, te rakrell lo i bibarht pral i Israelitarya vin. Maro Devel kras dran i bibarht i barht.

Debleskri gili 53:5

“Kolla, kay o čilačo koova krenna, hayvenn či”, penell o Devel, – “kolla, kay mire menshen rhana har i kotar maro. Man denn le gar an-gole.”

2. Mose 1:12

Ninna te djan le zoreles ap lende, van yon boudeder oun zorleder. Oun i Egiptarya daran lendar,

2. Mose 15:15

I bare raya an o them Edom trashan, oun kol zorele raya an o them Moab trissan. I tsele menshe an o them Kanaan daran, ava, lauteren tapras i daar.

2. Mose 23:27

An hako them, kay tou djah, krau me i menshenge savi daar glan toute, te nashenn le i daryatar penge.

Jesaja 23:5

Te shounenn kova i Egiptarya, lenn le traash pral kova, hoy lenge pral Tirus penlo vas.

5. Mose 2:25

Kava divesseha krau te darenn t'mendar i menshe an hake themma. Koon t'mendar shounella, trashell oun trissell i daryatar.”

Josua 2:24

Oun yon penan ap o Yosua: “O baro Devel das o tselo them an maro vast. Ninna halauter kolla, kay koy djivenn, hi har bango daryatar glan mende.”

Josua 9:24

Oun yon penan ap o Yosua: “Maro ray, mer shounam, te hi kova čačo, te penas o baro Devel ap o Mose, koles leskro čačo vast his, te dell lo t'men o tselo them, oun te hounte venn halauter moulo dino, hoy dren djivenn. Doleske his men bari daar maro djipaske, oun kram kava yaake.