4. Mose 22:12 - O Debleskro Lab 2024 (Sinte-Manouche)

¹² O Devel penas ap o Bileam: “Ma dja lentsa! Ma rake i bibarht pral kol menshende vin! Miri barht oun zoor hi ap lende čiddo.”

O Debleskro Drom 2021 (Sinte)

¹² O Dewel penas ap o Bileam: “Ma dja lentsa! Ma rake i bibacht pral kol menshende win! Miri bacht un soor hi ap lende tchiddo.”

4. Mose 22:12 Iomraidhean Croise

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

2. Familjakro liil 31:10

Oun o baro rashay Asarya dran o kheer Zadok, penas ap leste: “Foun ko tsiro, kay van i menshe an o baro Debleskro kheer oun anan leske, hoy lenge penlo vas, rham oun vam čales, oun ninna ačas boud pral. O baro Devel čivas peskri barht ap peskre menshende. Doleske ačas yaake boud rhapen pral.”

Debleskri gili 144:15

Barhteles hi kol menshe, kolenge yaake djala! Ava, barhteles hi kol menshe, kolengro Devel o baro Devel hi!

Debleskri gili 146:5

Barhtelo hi kova, koleske o Yakobeskro Devel ap i rig vell, ava, kova hi barhtelo, kay kokres ap peskro baro Debleste dikell.

Jesaja 61:9

Lengre čave, kay pal lende venna, hi prindjedo oun an-diklo pash i menshende an hake themma. Oun koon len dikell, hayvell: Kolla hi i menshe, ap kolende o baro Devel peskri barht čivas.

Micha 6:5

T'mer mire menshe, moukenn t'menge an o shero te vell, hoy kamas o Balak – ko baro ray pral o them Moab – t'menge te krell, oun hoy penas leske o Bileam, koleskro dad o Beor his! Moukenn t'menge an o shero te vell, har djan t'mare phoure pral vergel o pani Yordan ap lengro drom dran Shittim doureder an Gilgal. Palle hayvenn t'mer, havo boud lačepen t'menge krom.

4. Mose 22:11

I bari natsyona vas dran o them Egiptia kate, oun hi an o tselo them. Am ap miri rig oun rake i bibarht vin pral kal menshende! Nashte vell yaake, kay kourau man lentsa, oun tradau len.”

4. Mose 22:13

Koy stas o Bileam taysarlake pre, oun penas ap kol pralstunende, kolen o Balak bičras: “Djan an t'maro them pale! O baro Devel kamell gar, te djap me t'mentsa.”

4. Mose 22:6

Oun yon hi zorleder har mer. Am kanna ap miri rig! Rake i bibarht vin pral kal menshende! Nay vell yaake, kay marau len, oun tradau len dran kava them vin. Me djinau: Pral koneste tou rakreh i barht vin, ap koleste hi i barht čiddo. Oun pral koneste tou rakreh i bibarht vin, ap koleste hi i bibarht čiddo.”

4. Mose 23:23

Koy hi kek dourkepen, hoy rakreh nay vin pral o Israel, vitar kek bengeskro koova, hoy nay krals tou o Yakobeskre menshentsa. Pral lende vell penlo: Dikenn, havo baro koova o Devel lenge kras!

4. Mose 23:3

Oun o Bileam penas ap o Balak: “Dja pash ko firho, hoy rhačreh o Debleske. Me kamau doureder te djal. Nay vell, te moukell pes o baro Devel glan mande te dikell. Palle kamau touke te penell, hoy yob mande sikrella.” Oun yob djas ap i berga, kay hi kek veesh.

4. Mose 23:8

Har nay rakrau me i bibarht vin pral kolende, ap kolende o baro Devel kek bibarht čivella? Har nay praasau me yekes, koles o baro Devel gar praasella?

4. Mose 24:9

O Israel čivas pes tele har i bari margodja, ava, har i terni bari margodja. Kek kamell lat pre djangrell. Barht oun zoor vell koles, kay rakrell i barht pral toute vin, Israel! Oun bibarht vell ap koleste, kay rakrell i bibarht vin pral toute.

Mateo 27:19

Har o Pilato ap o čačepaskro beshepaskro beshdo his, te rakrell lo o čačepen pral leste vin, moukas leskri romni leske te penell: “Ko morsh anas kek doosh ap peste. Mouk les te djal! Taysar rati his man i čilači souni, oun man his bare douka dran leste.”

Remarja 11:29

Kova, hoy yob della, lell lo gar pale, oun kones yob gole della, oun vin rodella, koles čivrell lo gar ap i rig.

Efesarja 1:3

Sharas maro Debles! Yob hi o Devel oun o dad maro rayestar, o Yezous Kristestar, oun das peskro tselo bolepaskro bravlepen mende, kay ham patslo ap o Yezous Kristeste.

5. Mose 2:7

Ma bistrenn, maro baro Devel das men barht an halauter, hoy mare vasta kran. Yob das yak ap mende ap o drom an kava baro moulo them: Star-deesh (40) bersha his o baro Devel mentsa, oun halauter hoy men hounte vas, das lo men.

5. Mose 23:5

Yon van gar pash t'mende mareha oun panyeha, har hans ap drom dran o them Egiptia. Oun yon playsran love o morsheske Bileam, koleskro dad o Beor his, dran o foro Petor an o them Mesopotamia, te rakrell lo bibarht pral t'mende vin.

5. Mose 28:6

Leskri barht vell ap t'maro drom, te djan ap i boudi oun te venn khere.

5. Mose 33:29

Barhtelo han t'mer, Israelitarya! Koon hi yaake har t'mer? T'men kokres las o baro Devel dran o pandepen vin. Yob vell ap t'mari rig, oun rikrell peskro vast pral t'mende. Yob kourell pes t'menge, oun krell, te venn t'mer zorleder har kolla, kolentsa kourenn t'men. Yon hounte vitsrenn pen tele glan t'mende, oun t'mer djan pral lende vergel.

5. Mose 7:14

Kek vavar menshe an i tsele themma lenn yaake boud barht. Kek hi mank t'mende, vitar gar mank t'mare firhende, kay nay lell kek ternepen.