4. Mose 22:11 - O Debleskro Lab 2024 (Sinte-Manouche)

¹¹ I bari natsyona vas dran o them Egiptia kate, oun hi an o tselo them. Am ap miri rig oun rake i bibarht vin pral kal menshende! Nashte vell yaake, kay kourau man lentsa, oun tradau len.”

O Debleskro Drom 2021 (Sinte)

¹¹ ‘I bari natsjona was dran o them Egiptia kate, un hi an o tselo them. Am ap miri rig un rake i bibacht win pral kal menshende! Nashte well jaake, kai kurau man lentsa, un tradau len.’”

4. Mose 22:11 Iomraidhean Croise

1. Mose 27:29

Menshe dran vavar themma hounte boudrenn touke oun vitsrenn pen tele glan toute. Vess ray pral tire phralende. Oun tiri dakre čave hounte vitsrenn pen tele glan toute. Kolla kay penenna, te vell tout bibarht, ap kolende vell bibarht. Oun kolla, kay penenna, te vell tout barht, ap kolende vell barht.

4. Mose 22:10

O Bileam penas ap o baro Debleste: “O Balak, koleskro dad o Sippor hi, ko baro ray pral kol Moabarya bičras len pash mande oun moukas mange te penell:

4. Mose 22:12

O Devel penas ap o Bileam: “Ma dja lentsa! Ma rake i bibarht pral kol menshende vin! Miri barht oun zoor hi ap lende čiddo.”

4. Mose 23:11

Koy penas o Balak ap o Bileam: “Hoy kre tou mantsa? Me moukom tout kate te anell, te rakress i bibarht vin pral kolende, kay man pre rhana. Tou rakreh i barht pral lende vin.”

4. Mose 23:7

Koy penas o Bileam kal laba: O Balak, ko baro ray pral i Moabarya, moukas man te anell dran o them Aram, dran kol berge, kay o kham pre djala. Oun yob penas ap mande: Am ap miri rig, oun rake i bibarht pral o Yakobeskre menshende vin! Ava, am oun praase i Israeleskre menshen!

4. Mose 24:10

Koy vas o Balak rhoyedo ap o Bileam. Oun yob das i vasta khetne, oun penas ap leste: “Me dom tout gole, te rakress i bibarht vin pral kolende, kay man pre rhana. Oun dik, tou rakral triin kope i barht pral lende vin.

Josua 24:10

Me kamom gar te krell, hoy o Bileam mandar kamas. Oun yob hounte rakras barht pral t'mende vin. Yaake lom me t'men dran o vast o rayestar Balak vin.

1. Samuel 17:43

Oun yob penas ap o David: “Hom me i djouklo, te veh tou i kashteha ap mande?” Oun rakras bibarht pral leste an o lab peskro deblestar,