4. Mose 21:6 - O Debleskro Lab 2024 (Sinte-Manouche)

⁶ Koy bičras o baro Devel čilače sapa mank kol menshende. Kolla dandran len yaake, te meran boud Israelitarya.

O Debleskro Drom 2021 (Sinte)

⁶ Koi bitchras o baro Dewel tchilatche sapa mank kol menshende. Kolla dandran len jaake, te meran bud Israelitarja.

4. Mose 21:6 Iomraidhean Croise

Jesaja 14:29

T'mer menshe an o them Filistia, ma avenn barhtelo, te vas o kasht, koleha dino van, kanna phagedo. Te merell i sap, vell i djoungleder sap pal leste. Oun lestar vell i vavar sap, hoy hi gomme djoungleder oun nay hadell pes har i čirklo.

Jesaja 30:6

Kate sikrell o Devel, hoy pral i firhende an o moulo tato them Negev vella: An o them pherdi daar oun traash, kay djivenn o levo oun i levetsa, ninna čilače sapa oun vavar sapa, kolengro dandepen o merepen anell, kote hounte hidjrenn i bourike pharo koova ap pengro doumo, oun i khamele boud kouč koova ap pende, hoy anenn i menshe dran Youda pash kol menshende, kolendar yon či hi.

Jeremia 8:17

Me, o baro Devel penau: Me bičrau čilače sapa pash t'mende, save, kay anenn o merepen. Kolen nay rikrell kek pre. Kolla dandrenn t'men.

Ezekiel 14:15

Te anoms divye firhen an o them, kay marenn kolen, kay kote djivenn, oun o tselo them vals i moulo them, kay kek bouder ap o drom hi i daryatar kol divye firhendar,

1. Korintarja 10:9

Ma rhoyrenn o Yezous Kristes, har kolla an o phouro tsiro o Debles rhoyran, har kran le, har te vals les kek zoor. Oun i sapa dandran len. Oun yon meran.

5. Mose 8:15

Yob sikras t'men o drom an ko baro moulo tato them, kay t'men daar his, an koleste čilače sapa oun skorpione hi. Kote, kay o kham lauter pre rhačras, oun kek pani dell, moukas lo t'menge pani dran i baro zorelo bar te nashell,