4. Mose 21:5 - O Debleskro Lab 2024 (Sinte-Manouche)

⁵ Oun yon čingran ap o Debleste oun ap o Moseste oun penan: “Hoske anal tou men dran o them Egiptia vin, te meras mer an o moulo tato them, kay hi kek maro oun kek pani? Oun menge vell djoungelo ko rhapastar, kay kek thulepen dren hi?”

O Debleskro Drom 2021 (Sinte)

⁵ Un jon tchingran ap o Debleste un ap o Moseste un penan: “Hoske anal tu men dran o them Egiptia win, te meras mer an o mulo tato them, kai hi kek maro un kek pani? Un menge well djungelo ko chapastar, kai kek thulepen dren hi?”

4. Mose 21:5 Iomraidhean Croise

Debleskri gili 68:6

O Devel, kay djivell an peskro raylo kheer, yob hi i dad kolenge, kolen kek dad bouder hi. Oun yob vell kol romyenge ap i rig, kolengro rom meras.

Debleskri gili 78:19

Oun yon rakran pal o Debleste oun penan: “Nay dell men o Devel rhapen kate an o moulo tato them?

2. Mose 14:11

Oun yon penan ap o Moseste: “Lal tou men doleske kay an o moulo tato them, te meras kate? His an o them Egiptia kek phoub, te vas mer paskedo? Hoske kral tou kova, oun lal men dran o them Egiptia vin?

2. Mose 15:24

Oun i menshe van rhoyedo ap o Moseste oun penan: “Hoy piyas mer?”

2. Mose 16:15

Kava dikan i Israelitarya oun penan yek ap o vavareste: “Hoy hi kava?” Yon djinan gar, hoy kova hi. O Mose penas ap lende: “Kava hi ko maro, hoy o baro Devel t'menge bičras.

2. Mose 16:31

Oun i Israelitarya dan ko maro o lab Manna. Oun yob his har tikno parno djob, oun lačo har i merkli, kay gvin dren hi.

Gosewe laba 27:7

Kova, kay čalo hi, moukell o feteder gvin tardo. Koles bok hi, koleske hi shoutlo koova har te vell lo goudlo.

Ezekiel 20:21

Oun ninna lengre čave moukan pen či mandar te penell, oun kran gar hoy lendar kamom, oun djivan gar pal miro čačepen. Mire čačepaskre laba hi kolla, kolentsa i mensho djido ačell, te rikrell lo pes ap lende. Oun yon kran savo koova ap o Debleskro dives, hoy hounte krans le gar. Oun yaake vom gar sharedo. Kote kamom miri rholi pral lende vin te čorell. Kote an o moulo tato them kamom miri tseli rholi ap lende vin te moukell.

4. Mose 11:20

Kova djal yek čon, bis te nay soungenn les bouder gar, oun kova dran t'maro nak vin vell. T'mer čivan o baro Debles ap i rig, koles, kay mashkral t'mende hi. Oun t'mer rovan glan leste oun penan: Hoske djam mer dran o them Egiptia? Doleske vell kava koova kanna ap t'mende.”

4. Mose 17:12

Oun o Aron kras yaake, har o Mose leske penas, oun nashas mashkral i tsele menshende oun dikas, kay boud menshe moulo his. Koy rhačras yob soungepaskro koova, te dikell o Devel bouder gar ap i menshengri doosh.

1. Korintarja 10:9

Ma rhoyrenn o Yezous Kristes, har kolla an o phouro tsiro o Debles rhoyran, har kran le, har te vals les kek zoor. Oun i sapa dandran len. Oun yon meran.