4. Mose 20:21 - O Debleskro Lab 2024 (Sinte-Manouche)

²¹ Yaake kran kol Edomarya, te djan kol Israelitarya gar mank lengro them. Oun o Israel djas i vavar drom.

O Debleskro Drom 2021 (Sinte)

²¹ Jaake kran kol Edomarja, te djan kol Israelitarja gar mank lengro them. Un o Israel djas i wawar drom.

4. Mose 20:21 Iomraidhean Croise

2. Familjakro liil 20:10

Kanna dik! O Ammonarya, oun o Moabarya oun kolla dran i berge Seir, kamenn pen mentsa te kourell. Har mare phoure van dran o them Egiptia vin, moukal len gar an kal themma te djal. Yaake djan le troul kal themma trouyel oun maran len gar.

4. Mose 21:23

O Sihon moukas i Israelitaryen gar an leskro them. Yob las peskre tsele lourden khetne, oun djas vin an o moulo tato them, te kourell lo pes lentsa. Oun har yob pash o foro Yahaz vas, djas lo pral lende oun kouras pes lentsa.

4. Mose 21:4

Palle moukan yon koy berga Hor pal pende oun djan doureder ap ko drom, kay djal pash o Baro Lolo Pani. Yaake djan le troul ko them, kay djivan kol Edomarya. Oun i Israelitarya van rhoyedo ap o drom.

5. Mose 2:27

Mouk men ap koy vavar rig tiro themestar te djal. Ap o drom kamah te ačell, gar čačes oun gar serves lestar kamah te djal.

5. Mose 2:29

bis te vas mer vergel o pani lengsto Yordan an ko them, hoy maro baro Devel men della. Dik, ninna i Edomarya, kay djivenn an Seir, oun i Moabarya, kay djivenn an Ar, kolla moukan men vergel lengre themma te djal.”

5. Mose 23:7

Ma rodenn koy pal, te djal kol menshenge mishto an i themma Moab oun Ammon, oun te venn le bravelo.

Čačepangre 11:17

Oun o Israel bičras morshen pash o rayeste pral o them Edom oun moukas leske te penell: Mouk men mank tiro them te djal! Oun o ray pral Edom shounas gar ap lende. Oun ninna pash o rayeste pral o them Moab bičran le morshen, te mangenn le lestar ko emligo koova; ninna kova kamas gar. Yaake ačas o Israel an Kadesh.

Čačepangre 11:18

Palle djan le an o moulo them, oun troul o them Edom oun o them Moab trouyel. Oun van pash o them Moab koy rigyatar, kay o kham pre djala. Oun yon čivan pengre plarhtene khera pre ap i vavar rig o panyestar Arnon. Yaake van le gar an o Moabengro them. O pani Arnon nashell mank Moab oun o moulo them.

Čačepangre 11:24

Hi gar yaake? Te tradals tiro Devel, o Kemosh, vavar menshen dran lengro them vin, lals tou palle gar kolengro them dren? Mouk men ko them dren te lell kolendar, kay maro baro Devel glan mende vin tradas!