4. Mose 19:2 - O Debleskro Lab 2024 (Sinte-Manouche)

² Kova, hoy kanna penau, hounte krenn yaake har penau, ninna an ko tsiro, hoy vella: Pen ap kol Israelitarya, te anenn le pash toute i loli groumni, kay kek nasslepen ap late hi, oun kay boudras gar ap i harhetikri phoub, yaake rah har djivell li.

O Debleskro Drom 2021 (Sinte)

² Kowa, hoi kanna penau, hunte krenn jaake har penau, ninna an ko tsiro, hoi wella: Pen ap kol Israelitarja, te anenn le pash tute i loli grumni, kai kek nasslepen ap late hi, un kai budras gar ap i hachetikri phub, jaake rah har djiwell li.

4. Mose 19:2 Iomraidhean Croise

2. Mose 12:5

Lenn yek firho, hoy sasto hi, i morsh, hoy yek bersh phouro hi, nay vell i bakrendar, nay vell i bouzyendar.

Jesaja 1:18

“Avenn”, penell o baro Devel, “te kras men tel mende o čačepen vin! Te hi i doosh, hoy t'mer ap t'mende anan yaake lolo har o rat, palle vell li parno, yaake parno har gib. Oun te hi li lolo har i jag, palle vell li yaake parno har o bakrengro bal.

Ropaskre gilja 1:14

Ko boud čilačo koova, hoy krom, hi phares ap mande čiddo. O baro Devel čivas les ap mire phika. Oun me phagom khetne tel kova. O baro Devel das man an i vasta kolendar, kay nay vau kokres bouder gar vin.

3. Mose 1:10

Te kamell yek i bakro oder i bouzni o baro Debleske te anell, te vell ko firho tseles leske rhačedo, palle anell lo i morshkano firho, hoy gar nasselo hi.

3. Mose 1:3

Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

3. Mose 14:6

Palle rikrell lo o djido čirkles an ko čaro, kay pani oun o rat o maredo čirklestar dren hi. Khetne leha čivell lo ko cedertikro kasht, kol lole thaba oun kol patria Hysop koy dren, an ko čaro,

4. Mose 19:1

Oun o baro Devel rakras o Moseha oun o Aroneha oun penas:

4. Mose 19:6

Oun ko rashay hounte lell kasht ko roukestar, hoy kharella Ceder, ninna patria ko bourrestar, hoy kharella Hysop, ninna lolo bakrengro bal, oun vitsrell kova ap koy groumyate, hoy rhačella.

4. Mose 31:21

Oun o Elazar, ko rashay, penas ap kol lourdende, kay his an o kourepen: “Kova hounte vell yaake kerdo, har o baro Devel kova o Moseske penas.

Louka 1:35

O bolepaskro penas ap late: “O Debleskro Dourho oun leskri zoor vell pral toute. Doleske vell o ternepen o Deblestar oun vell Debleskro čavo kharedo.

5. Mose 21:3

Oun i phoureder dran ko foro, hoy o glanstouno pash ko mouleste tardo hi, kolla lenn i terni groumni, hoy boudras gomme gar ap i harhetikri phoub,

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.

Hebrearja 9:10

Ninna rikrenn pen i menshe ap laba, kay penenna, hoy te rhan le gar, oun hoy te piyenn le gar, oun har te thovenn le pen. Kol laba hi menshengre laba. Kova lauter his mishto yaake rah, har sikras len o Devel gomme gar o feteder drom, te nay venn yon pash leste.

1. Petro 1:19

Yob playsras peskro kouč rateha, hoy yob ratas, har meras lo ap o troushel. O Yezous Kristo his har i bakro, hoy maredo vas o Debleske. Ap leste his kek doosh oun kek čilačepen.

1. Petro 2:22

Yob kras kek čilačo koova. Oun dran leskro mouy vas kek rhorhepen.

Debleskro tsiro 1:5

Lačepen oun barht t'menge! Kova dell t'men o Yezous Kristo! Yob sikrell i menshende o čačo drom pash o Debleste. Oun yob hi o glanstouno lauterendar, kay stenn i moulendar pre oun venn djido. Oun yob hi ninna o ray pral i tsele raya ap kay phoub! Yob kamell men o tselo djiyestar, oun las men dran mari doosh vin, oun playsras menge peskro rateha.

1. Samuel 6:7

Yaake krenn i nevo vourdin! Oun lenn douy groumya, kay daya hi, oun kolengre terne ap lende piyenn. Kol groumya hounte tserdan gomme či. Pandenn len glan ko vourdin! Lengre terne moukenn khere!