4. Mose 19:11 - O Debleskro Lab 2024 (Sinte-Manouche)

¹¹ Koon i moulo menshes an-tapella, kova hi efta divessa pale-čiddo.

O Debleskro Drom 2021 (Sinte)

¹¹ Koon i mulo menshes an-tapella, kowa hi efta diwessa pale-tchiddo.

4. Mose 19:11 Iomraidhean Croise

Jesaja 52:11

Djan vin! Djan vin! Djan kotar vin, oun taprenn či an, hoy pale-čiddo hi! T'mer rashaya, kay hidjrenn o baro Debleskro koova, djan dran Babilonia vin, oun thovenn t'men yaake har glan činlo hi, te han djoudjo glan o Debleste!

Ropaskre gilja 4:14

Yon nashran pen an i dromma har korele, oun rat his ap lengre koola, te kamas kek len an te taprell.

Ezekiel 39:12

Oun i Israelitarya paskrenn len, te ačell o them bouder gar pale-čiddo. Len hounte vell efta čonna, te paskrenn le len halauter.

Ezekiel 44:26

Te kras pes i rashay ap sau mouleste pale-čiddo, hounte krell lo, hoy glan činlo hi, te vell lo pale erligo. Te vas lo pale erligo, ačell lo gomme efta divessa khere.

3. Mose 11:31

Kalla hi t'menge pale-čiddo mank kol tsele tikne firhende. Hakeno, kay len an-taprell, te hi le moulo, vell pale-čiddo, bis te vell rati.

3. Mose 21:1

O baro Devel penas ap o Mose: Pen i rashayenge dran o kheer Aron: Ma taprenn i moules an, te venn gar pale-čiddo!

3. Mose 21:11

Pash kek mouleste djal lo, te vell lo gar pale-čiddo, vitar gar, te hi ko moulo peskro dad oder peskri day.

3. Mose 22:4

Kones o Aroneskre čavendar i djoungelo nasslepen ap peskri hauta hi, oder koleske čomone dran leskro morshkano mass nashell, kova te rhal gar foun ko rhapen, hoy mange anlo vas, bis te hi lo pale erligo. Hako rashay, koon yekes an tapras, kay kras pes i mouleha pale-čiddo, oder koleske yek tele djas,

3. Mose 5:2

Te taprell yek čomone an, hoy pale-čiddo hi, nay vell i moulo divyo firho, nay vell i vavar moulo firho, ninna i tikno moulo firho, hoy djal pral i phoub, palle hi lo pale-čiddo, oun anas doosh ap peste, ninna te hayvas lo gar, hoy lo kras.

Haggai 2:13

O Haggay poučas pale: “Te taprals yek i moules an oun vals yaake pale-čiddo, oun palle taprals lo o rhapen an, vals ko rhapen ninna pale-čiddo?” “Ava”, penan i rashaya, “ko rhapen vals pale-čiddo.”

4. Mose 19:16

Ninna kova, kay tapras i menshes an, kay meras vin ap o them, hi pale-čiddo efta divessa. Kova hi ninna yaake, te vas ko moulo mensho kote temerl dino o rhareha. Ninna kova vell pale-čiddo efta divessa, koon taprell ap i mouleskre kokale, ninna kova, kay taprell ap koy phoub, kay o moulo paskedo hi, – yob vell pale-čiddo efta divessa.

4. Mose 31:19

Oun t'mer halauter, kay dan yekes moulo oder kay tapran i moules an, ačenn efta divessa glan koy platsa, kay t'mare plarhtene khera hi. Ap o triinto dives oun ap o eftato dives thovenn t'men yaake har glan činlo hi, te venn pale djoudjo oun erligo. Ninna kol ča, kay lan t'menge pandlo, hounte thovenn pen yaake.

4. Mose 5:2

Pen ap kol Israelitarya: “Bičrenn hakenes vin glan t'mari platsa, kay yaake nasselo ap peskro mass hi, te merell leskro mass tele! Bičrenn ninna halauteren vin, kay nashell doukepaskro pani dran lende vin, oun kolen, kay kran pen pale-čiddo ap kolende, kay moulo hi!

4. Mose 6:6

An ko tselo tsiro, kay das yob pes an o baro Debleskro vast, hounte djal yob gar pash yekeste, kay meras.

4. Mose 9:10

Pen ap i Israelitarya: Te vas yek t'mendar, ninna t'mare čavendar, pale-čiddo ap i mouleste, nay rhal lo ko rhapen gar ap kava dives. Kova hi ninna yaake kolenge, kay hi ap o drom.

4. Mose 9:6

Koy his morsha, kay tapran i moules an, oun van pale-čiddo. Kolla nay van gar glan o Debleste ap ko dives, te rhan le ko Passa. Yon van glan o Moseste oun glan o Aroneste,

Bičepangre 21:26

Koy las o Paulo kol morshen pash peste. Oun o vavar dives thovas lo pes lentsa khetne pal o biboldengro čačepen. Palle djas yob an o Debleskro baro kheer. Oun kote penas lo i rashayenge: “Mer thovam men pal o biboldengro čačepen. An efta divessa anah mer firhen hakeneske mendar, te venn le maredo o Debleske. Koy tsiro hi kanna trouyel, ap hoy mer men sovel dam.”

Bičepangre 21:27

Har his kolla efta divessa trouyel, dikan i bibolde dran o them Asia o Paules an o Debleskro baro kheer. Oun yon kran, te van boud menshe rhoyedo ap leste. Oun yon tapran les,

Remarja 5:12

Hi yaake: O čilačepen vas ap i phoub, har yek mensho, o Adam, čomone kras, hoy o Devel gar kamas. O čilačepen anas o merepen ap i phoub. Yaake vas o merepen pash i tsele menshende. Lauter kran o čilačepen, oun lauter hounte merenn.

2. Korintarja 6:17

Doleske penell o Devel: Djan kolendar krik, kay sharenn vavar koova! Ma avenn lentsa khetne! Lenn či an t'mare vasta, hoy hi pale-čiddo glan mire yaka! Palle lau t'men kamles pash mande pre.

Efesarja 2:1

Har gar patslo hans, his boud doosh ap t'mende. Oun t'mer hans čilačo. Yaake hans o Debleske moulo.

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.