4. Mose 18:9 - O Debleskro Lab 2024 (Sinte-Manouche)

⁹ Touke hi kol tsele kotya, hoy venn gar pre-rhačedo kol tsele firhendar, hoy denn le mande, te vell lengri doosh krik lino oun te vell lauter pale mishto, ninna ko tselo rhapen, hoy denn le pashel. Kova halauter hi mange kouč, oun me dau les toute oun tire čavende.

O Debleskro Drom 2021 (Sinte)

⁹ Tuke hi kol tsele kotja, hoi wenn gar pre-chatchedo kol tsele viechendar, hoi denn le mande, te well lengri doosh krik lino un te well lauter pale mishto, ninna ko tselo chapen, hoi denn le pashel. Kowa halauter hi mange kutch, un me dau les tute un tire tchawende.

4. Mose 18:9 Iomraidhean Croise

2. Rajengro liil 12:17

Kol vavar love, hoy i menshe pashel dan, har anan le firhen o Debleske, te vell lengri doosh krik lino, oun te vell lauter pale mishto, kol love vas gar o baro Debleskro khereske lino. Kol love his i rashayenge kokres.

Nehemia 10:36

Ninna hako bersh dah o feteder halauterestar, hoy vas baro ap mari phoub oun ap mare rouka, oun anah kova an o baro Debleskro kheer.

Ezekiel 42:13

O morsh penas ap mande: Kal isema, kolla ap i nordetikri rig, oun kolla ap koy rig, kay o kham pralstounes tardo hi, hoy pash koy platsa čiddo hi, hoy pal o Debleskro kheer hi, kolla hi kolenge, kay boudrenn o Debleske. I rashaya, kay glan o baro Debleste pengri boudi krenn, nay rhan kote pengro kotar kolestar, hoy o Debleske anlo vas, oun hoy kokres i rashaya nay rhan. An kal iseme čivenn le kova, hoy o Debleske anlo vas: ko djob, oun ko mass kol firhendar, hoy i doshake maredo van oun doleske, te vell lauter pale mishto. Kal iseme hi koleske, hoy o Debleske hi.

Ezekiel 44:29

Lengro rhapen lenn le kolestar, hoy glan mande anlo vell, ko djobestar oun kol firhendar, hoy maredo venn, te vell i doosh oun o pale-čiddo koova krik lino, oun kol firhendar, hoy venn maredo, te vell lauter pale mishto. Ninna lenn le halauter, hoy i menshe mange ap i rig čivan.

3. Mose 10:17

“Hoske rhan t'mer ko mass gar ap i Debleskri platsa? Kava mass vas i firhestar, hoy o baro Debleske anlo vas, oun his i rashayenge kokres, te rhan le les. O baro Devel das les t'mende, te hidjrenn i doosh i Israelendar krik, te vell lauter pale mishto mank lende oun o baro Debleste.

3. Mose 14:13

Pal kova marell lo ko terno bakres kote, kay venn ninna firhe maredo, te vell i doosh oun o pale-čiddo koova krik lino, oun kol vavar, kolengro tselo mass rhačedo vell. Kay platsa hi i Debleskri platsa. Yaake har hi o rashayeske ko mass i firhestar, hoy vell maredo, te vell i doosh oun o pale-čiddo koova krik lino, yaake hi ninna o rashayeske ko mass i firhestar, hoy vell maredo, te vell ko mensho pale erligo kerdo glan o Debleste. O mass sau firhestar, hoy o Debleske anlo vas, nay rhan kokres i rashaya oun kek vavar.

3. Mose 2:10

Kova, hoy pral ačell, hi o Aroneske oun leskre čavenge. Kova hi i Debleskro rhapen, oun hi i rashayenge kokres.

3. Mose 22:11

I boudepaskro, koles o rashay peskre loventsa ginas, kova nay rhal kolestar. Ninna i boudepaskres, kay an leskro kheer boldo vas, kova nay rhal foun ko rhapen.

3. Mose 22:7

Te djas o kham tele, palle hi lo pale erligo, oun nay rhal foun ko rhapen, hoy o Debleske anlo vas. Kova hi kova, kolestar yob djivell.

3. Mose 4:22

Te kras i pralstouno čomone, hoy hounte krals lo gar, anas lo doosh ap peste, ninna te djinas yob gar, te penas o baro Devel: Ma kre kova!

3. Mose 4:27

Te kras yek i Israelendar čomone, hoy hounte krals lo gar, anas lo doosh ap peste, ninna te djinas yob gar, te penas o baro Devel: Ma kre kova!

3. Mose 5:1

Te vell yek glan i čačepangre anlo, te penell lo, hoy lo dikas oun shounas, oun yob rikrell kova peske, oun penell či, ninna te dikas oder shounas lo, hoy koy his. Palle anas lo i doosh ap peste oun hounte hidjrell lat.

3. Mose 5:6

Koy doshake hounte anell lo o baro Debleske i bakri oder i bouzni, oun marell lat, te vell leskri doosh krik lino. Oun o rashay lell ko firho oun rhačrell leskro thulepen, oun yaake krell lo, te vell lauter pale mishto mank ko mensheste oun o baro Debleste.

3. Mose 6:17

Oun o baro Devel penas ap o Moseste:

3. Mose 6:19

Ko rashay, kay leskre feteder kotya o Debleske rhačrell, rhal o mass ap i glanstouni platsa glan o Debleskro plarhteno kheer. Kaya hi i Debleskri platsa.

3. Mose 7:1

Yaake hounte vell kerdo ko firheha, hoy i menshe anenn, te vell lengri doosh pale mishto kerdo. O mass sau firhestar nay rhan kokres i rashaya oun kek vavar.

3. Mose 7:6

I morsha oun i morsh čave dran i rashayengre familye nay rhan o mass ap i Debleskri platsa. Ko mass vell i firhestar, hoy o baro Debleske anlo vas. Doleske nay rhal les kek vavar.

3. Mose 7:7

Yaake har pash ko firho, hoy i doshake maredo vell, yaake hi ninna pash ko firho, hoy maredo vell, te vell o mensheskri doosh pale mishto kerdo. O firheskro mass hi ko rashayeske, kay o firheskro thulepen rhačrell, te vell pale lauter mishto mank ko mensheste oun o Debleste.

4. Mose 18:10

Ko rhapen hi i Debleskro rhapen. Doleske rhan kova ap i Debleskri platsa! Oun kokres i morsha oun morsh čave nay rhan les.

5. Mose 18:1

I rashaya – yon hi lauter dran o kheer Levi, – kolla lenn kek them an Israel. Yon rhan kolestar, hoy i vavar Israelitarya o baro Debleske anenn, te vell kova leske rhačedo.