4. Mose 18:5 - O Debleskro Lab 2024 (Sinte-Manouche)

⁵ Yaake har kanna penom, krenn koy boudi an o Debleskro kheer, oun koy boudi ap o Debleskri rhačepaskri, te vell bouder gar miri rholi pral kol Israelitarya!

O Debleskro Drom 2021 (Sinte)

⁵ Jaake har kanna penom, krenn koi budi an o Debleskro kheer, un koi budi ap o Debleskri chatchepaskri, te well buder gar miri choli pral kol Israelitarja!

4. Mose 18:5 Iomraidhean Croise

1. Familjakro liil 23:24

Kolla hi i čave o morshestar Levi, kay his biish bersh oun phoureder. Lengre laba his pre činlo pal lengre familyende, kolengre pralstoune yon his. Yon van vin rodedo, te krenn le i boudi an o baro Debleskro kheer.

1. Familjakro liil 23:32

Yaake hounte krenn yon pengri boudi an o baro Debleskro plarhteno kheer, oun pal i tsiro an leskro baro kheer, hoy kerdo vell, oun hounte venn i rashayenge ap i rig pash lengri boudi an o baro Debleskro kheer. I rashaya hi lengre phrala dran o kheer Aron.

1. Familjakro liil 24:5

An kol douy khera his pralstoune pral o Debleskro kheer oun rashaya. Oun yon vitsran barra, te dikenn le, havi boudi hakeno hounte krella.

1. Familjakro liil 9:19

O Shalloum his o čavo ko morshestar Kore, koleskro dad o Abiasaf his, koleskro dad o Korah his. O Shalloum oun vavar morsha dran o kheer Korah dan garda ap o voudar glan o Debleskro plarhteno kheer, yaake har lengre phoure garda dan pash o voudar ap o baro Debleskri platsa an o moulo tato them.

1. Familjakro liil 9:23

te denn yon oun lengre čave garda ap i voudya glan o baro Debleskro plarhteno kheer.

1. Familjakro liil 9:33

I menshendar dran o kheer Levi, his ninna save koy, kay his gipangre. Lengre familyakre pralstoune djivan an i iseme pash o Debleskro plarhteno kheer. Dives oun rati his le an pengri boudi.

Jeremia 23:15

Doleske penell o baro Devel, ko ray pral o bolepen oun i phoub, pral lende: Kol rakepangre an Yerusalem kran, te kamenn i menshe an o tselo them či bouder mandar te djinell. Doleske dau me kal rakepangren rhapen te rhal oun pani te piyell, hoy krell len nasselo.

Ezekiel 44:15

Kol rashaya dran o kheer Levi, kolengro phouro dad o Zadok his, yon ačenn mire rashaya, oun nay boudrenn mange. Har i Israelitarya mandar tele peran, kran yon pengri boudi mishto an miro kheer. Doleske nay ačenn le mire rashaya oun nay anenn o thulepen oun o rat kol marede firhendar glan mande. Kava penell o baro Devel, maro ray.

Ezekiel 44:16

Yon nay venn an miro kheer dren, oun yon venn pash miri rhapaskri, te venn le mange koy oun boudrenn mange an miro kheer.

3. Mose 10:6

O Mose penas ap o Aron oun koleskre vavar douy čavende, o Elazar oun o Itamar: “Moukenn t'mare phralen, kol vavar Israelitaryen, te rovenn le kolenge, kay o baro Devel koy yagah maras. T'mer hounte moukenn gar t'mare balla ap t'maro shero divyes trouyel čiddo, oun hounte tserdenn gar t'mare koola an kotya, te sikrenn, har phares t'mare djia hi. Te krenn kova, hounte merenn. Oun o baro Debleskri rholi vell pral o tselo kheer Israel.

Zakarie 10:3

O baro Devel penell: Me hom rhoyedo pral i bakrengre, kay rikrenn mire bakren tele. Ninna ap i zorele morsh bakre djau me pre. Me, o baro Devel, ko ray pral o bolepen oun i phoub, hom har i bakrengro. Oun o kheer Youda hi mire bakre. Ap lende dau yak. Me krau, te venn le har i zorelo kourepaskro gray, koleha an o kourepen djau.

4. Mose 1:50

Tou dess len gole, te boudrenn yon an o Debleskro plarhteno kheer, kay o Debleskre deesh laba dren hi, oun ap halauter, hoy an kava kheer hi. Yon hounte hidjrenn o Debleskro kheer oun halauter, hoy koy dren hi, oun denn garda ap halauter, oun čivenn pengre plarhtene khera troul o Debleskro kheer.

4. Mose 1:53

Kol Levitarya hounte čivenn pengre plarhtene khera troul o Debleskro plarhteno kheer, kay o Debleskre deesh laba dren hi, te denn le garda, te vell kek pash o kheer, yaake te vell gar miri rholi pral i Israelitarya.

4. Mose 18:4

I Levitarya hounte venn t'menge pash o vast pash i tseli boudi ap o Debleskro kheer. Moukenn kek vavares t'menge pash o vast te vell!

4. Mose 4:18

“Denn yak, te ačenn kol Kohatarya djido mashkral kol Levitarya,

4. Mose 8:19

Oun me dom kol Levitaryen o Aroneste oun leskre čavende, te krenn le koy boudi an o Debleskro kheer. Yaake krenn le, hoy i boudi lauterendar an Israel vals. Oun yaake vell kek bibarht ap i Israelitarya, hoy hounte vals ap lende, te vans yon ap i Debleskri platsa.

4. Mose 8:2

Rake o Aroneha oun pen leske: Te čiveh tou i momlia ap koy momelengri pre, hounte čivess len yaake, te dikenn hake efta momlia glan.

1. Timoteo 1:18

Miro čavo Timoteo, kova penau touke, te rikress tou kova an tiro dji. Ma biste kol laba, hoy glan i tsiro pral toute glan-vi penlo van! Kolla laba denn tout i zoor, te moukess gar tele te krell o Debleskri boudi, yaake har i lačo kourepaskro gar pre dell an o kourepen.

1. Timoteo 5:21

Me penau touke zoreles glan o Debleste, oun glan o Yezous Kristeste, oun glan kol Debleskre bolepangre, te rikress tout ap ko koova, hoy me touke kanna penom! Pash hakeneste dja pal o čačepen! Ma tserde yekes glan o vavareste!

1. Timoteo 6:20

Tou, Timoteo, ač pash kova, hoy o Devel an tiro vast čivas! Ma shoun ap kolende, kay rakrenn laba, hoy či moldo hi, oun hoy gar o Deblestar venna! Yon rakrenn dinelo koova, oun patsenn, kay djinenn le boudeder har kol vavar. Lengro hi gar čačo.