4. Mose 18:4 - O Debleskro Lab 2024 (Sinte-Manouche)

⁴ I Levitarya hounte venn t'menge pash o vast pash i tseli boudi ap o Debleskro kheer. Moukenn kek vavares t'menge pash o vast te vell!

O Debleskro Drom 2021 (Sinte)

⁴ I Levitarja hunte wenn tumenge pash o wast pash i tseli budi ap o Debleskro kheer. Mukenn kek wawares tumenge pash o wast te well!

4. Mose 18:4 Iomraidhean Croise

Ezekiel 44:14

Oun me krau lendar boudepangre, kay an miro kheer koy boudi krenn, hoy kerdo hounte vell.

4. Mose 1:51

Oun te djan t'mer doureder, čivenn kol Levitarya o Debleskro plarhteno kheer khetne. Oun te čivenn t'mer t'mare plarhtene khera pre, palle čivenn i Levitarya o Debleskro kheer pale pre. Hako vavar, kay vell pash o kheer, hounte merella.

4. Mose 1:53

Kol Levitarya hounte čivenn pengre plarhtene khera troul o Debleskro plarhteno kheer, kay o Debleskre deesh laba dren hi, te denn le garda, te vell kek pash o kheer, yaake te vell gar miri rholi pral i Israelitarya.

4. Mose 18:3

Oun kol vavar Levitarya hounte boudrenn touke, oun krenn koy boudi ap o tselo Debleskro kheer. O Debleskri rhačepaskri oun ko tselo Debleskro koova, koleha boudreh tou an o Debleskro kheer, kova taprenn le gar an, te merenn yon gar, oun t'mer lentsa.

4. Mose 18:5

Yaake har kanna penom, krenn koy boudi an o Debleskro kheer, oun koy boudi ap o Debleskri rhačepaskri, te vell bouder gar miri rholi pral kol Israelitarya!

4. Mose 3:10

Ap o Aroneste oun ap leskre čavende hounte peness tou, te denn yon yak, te krell kek vavar lengre rashayeskri boudi. Te vell i vavar, te krell lo kay boudi, hounte merell yob.”

4. Mose 31:30

Kol vavar Israelitarya hounte denn ninna čomone o Debleske. Lendar less tou yek menshes hake paash-shelendar oun yek firho hake paash-shelendar, i groumyendar, i bakrendar, foun i bourike, oun i tsele vavar firhendar, oun hounte dess len kol Levitaryen, kay krenn pengri boudi ap o Debleskro kheer.”

4. Mose 8:26

Yon nay venn ap i rig pengre phralenge, kay boudrenn ap o Debleskro kheer. Koy boudi, hoy yon kran, hounte krenn yon bouder gar. Yaake hounte kress tou kolentsa dran o kheer Levi, te krell hakeno peskri boudi.”

1. Samuel 6:19

An o foro Bet-Shemesh his menshe, kay dikan an o morhton, kay o Debleskre deesh laba dren hi. Oun o baro Devel maras lendar efta-deesh (70) morshen. Oun i tsele menshe rovan, te das len o baro Devel yaake phares.