4. Mose 18:12 - O Debleskro Lab 2024 (Sinte-Manouche)

^12-13 Ko tselo lačeder djet, oun ko lačeder mool oun djob, ninna lauterestar hoy glanstounes bares vas ap i harhetikri phoub, kova halauter, hoy yon o baro Debles dan, dau me t'mende. Koon gar pale-čiddo hi an tiro kheer nay rhal kolestar.

O Debleskro Drom 2021 (Sinte)

^12-13 Ko tselo latcheder djet, un ko latcheder mool un djob, ninna lauterestar hoi glanstunes bares was ap i hachetikri phub, kowa halauter, hoi jon o baro Debles dan, dau me tumende. Koon gar pale-tchiddo hi an tiro kheer nai chal kolestar.

4. Mose 18:12 Iomraidhean Croise

1. Mose 27:28

Mou dell tout o Devel brishin dran o bolepen oun boud rhapaske dran i phoub, boud djob oun mool.

2. Rajengro liil 4:42

Koy vas i morsh dran o them Baal-Shalisha oun anas ko Debleskro morsheske maro dran nevo djob: biish mare, oun ninna nevo djob an i gono. Oun o Elisa penas ap peskro boudepaskro: “De kova i menshende rhapaske!”

2. Familjakro liil 31:5

Oun har i menshe ko lab shounan, dan le boud kolestar, hoy pash lende bares vas: o feteder djob, mool, djet, gvin oun kolestar, hoy ap lengri harhetikri phoub bares vas. Ninna o deshto kotar halauterestar anan le, oun kova his boud.

Debleskri gili 147:14

Kek kourepen vell an t'maro them, oun o lačeder djob dell lo t'men te rhal.

Debleskri gili 81:16

Kolla, kay pen ap o baro Debleste rhoyrenn, hounte vitsrens pen tele glan leste. Lengri phagi ačals hako tsireske.

2. Mose 22:29

Yaake kress ninna tire groumyentsa oun tire bakrentsa oun bouzyentsa. Efta divessa ačenn le pash pengri date. Oun ap o orhtato dives dess len mande.

2. Mose 23:19

Tou aness o feteder halauterestar, hoy ap tiri phoub bares vas tiro baro Debleske an leskro kheer. Tou keress gar i terni bouzni an i thoud peskri datar.

2. Mose 34:26

Hako bersh anenn o feteder halauterestar, hoy ap t'mari phoub bares vas, an o Debleskro kheer! Yob hi t'maro baro Devel. Kerenn gar i terni bouzni an o thoud lakro datar!

Ezekiel 44:30

Ninna o feteder djob kolestar, hoy neves baro vas, oun kova, hoy hounte denn i menshe o Debleske, hi i rashayenge. Anenn lenge ninna i erste mare, hoy o nevo djobestar peklo van. Koon kova krell, ap koleste oun leskri familya vell o Debleskri barht.

3. Mose 2:12

Ap ko tsiro, kay anenn o nevo djob o baro Debleske, nay anenn t'mer shoutlo yarro oun gvin, – ap leskri rhačepaskri nay rhačrenn kova gar. Kova hi kek koova, hoy rhačedo vell, te soungell lo lačes o Debleske.

3. Mose 2:14

Te kameh tou tiro nevo djob glan o baro Debleste te anell, palle le ko djob oun peke les pral i yag, oun kre les tikno oun an les glan o Debleste!

3. Mose 23:17

Haki familya anell douy mare, hakeno kerdo dran douy-te-paash kilogramme lačo yarro. Kol douy mare hadell o rashay pre glan o baro Debleste, te sikrell lo, kay kolla leske hi. Kal mare hi peklo yarreha, kay shoutlo yarro dren hi. Kal mare, hoy o baro Debleske anlo venn, hounte venn kerdo dran nevo gib.

3. Mose 23:20

O rashay hadell kolen pre glan o baro Debleste, ninna kol mare dran o nevo yarro, te sikrell lo, kay yon o baro Debleske hi. Oun i rashaya nay rhan kova.

5. Mose 18:3

Kava hi, hoy i rashayen hounte vell: Te anell yek i groumni, oder i bakro o baro Debleske, hounte dell lo kolestar o phik, kol douy čamya oun i bouke o rashayeske.

5. Mose 18:4

Ninna vell i rashayen hako bersh o nevo djobestar, i nevi molyatar oun o nevo djetestar, hoy t'mer dren anan. Ninna o bakrengro bal, hoy o ersto kopo tele činlo vell, hi lenge.

5. Mose 26:2

palle less tou ko ersto djob, hoy ap tiro phoub bares vas. Oun tou čivess les an i korba oun aness les pash koy platsa, kay yob kamell, te vell lo kote an-mangedo.

5. Mose 32:14

Len his khil i groumyendar oun i thoud i bakrendar, ninna o mass i tikne bakrendar, oun pesse bakre oun bouzya; I Israelitarya rhan o lačeder djob, oun piyan goudli loli mool.