4. Mose 18:10 - O Debleskro Lab 2024 (Sinte-Manouche)

¹⁰ Ko rhapen hi i Debleskro rhapen. Doleske rhan kova ap i Debleskri platsa! Oun kokres i morsha oun morsh čave nay rhan les.

O Debleskro Drom 2021 (Sinte)

¹⁰ Ko chapen hi i Debleskro chapen. Doleske chan kowa ap i Debleskri platsa! Un kokres i mursha un mursh tchawe nai chan les.

4. Mose 18:10 Iomraidhean Croise

Ezekiel 42:13

O morsh penas ap mande: Kal isema, kolla ap i nordetikri rig, oun kolla ap koy rig, kay o kham pralstounes tardo hi, hoy pash koy platsa čiddo hi, hoy pal o Debleskro kheer hi, kolla hi kolenge, kay boudrenn o Debleske. I rashaya, kay glan o baro Debleste pengri boudi krenn, nay rhan kote pengro kotar kolestar, hoy o Debleske anlo vas, oun hoy kokres i rashaya nay rhan. An kal iseme čivenn le kova, hoy o Debleske anlo vas: ko djob, oun ko mass kol firhendar, hoy i doshake maredo van oun doleske, te vell lauter pale mishto. Kal iseme hi koleske, hoy o Debleske hi.

3. Mose 10:13

Kava rhapen hi tiro oun tire čavengro kotar kolestar, hoy o baro Debleste rhačedo vell. Doleske rhan les ap i Debleskri platsa. Yaake penas kova mange o baro Devel.

3. Mose 10:17

“Hoske rhan t'mer ko mass gar ap i Debleskri platsa? Kava mass vas i firhestar, hoy o baro Debleske anlo vas, oun his i rashayenge kokres, te rhan le les. O baro Devel das les t'mende, te hidjrenn i doosh i Israelendar krik, te vell lauter pale mishto mank lende oun o baro Debleste.

3. Mose 14:13

Pal kova marell lo ko terno bakres kote, kay venn ninna firhe maredo, te vell i doosh oun o pale-čiddo koova krik lino, oun kol vavar, kolengro tselo mass rhačedo vell. Kay platsa hi i Debleskri platsa. Yaake har hi o rashayeske ko mass i firhestar, hoy vell maredo, te vell i doosh oun o pale-čiddo koova krik lino, yaake hi ninna o rashayeske ko mass i firhestar, hoy vell maredo, te vell ko mensho pale erligo kerdo glan o Debleste. O mass sau firhestar, hoy o Debleske anlo vas, nay rhan kokres i rashaya oun kek vavar.

3. Mose 21:22

Ko rhapen, hoy o Debleske anlo vas, nay rhal lo, ninna ko rhapen, hoy kokres i rashayenge hi.

3. Mose 6:16

Hako kopo, kay anell i rashay peske i rhapen dran djob o baro Debleske, hounte vell ko tselo rhapen rhačedo. Kek rhal les.

3. Mose 6:18

Pen o Aroneske oun leskre morsh čavenge, har i firheha kerdo vell, hoy i menshe o baro Debleske anenn, te vell lengri doosh krik lino. Glan o baro Debleskro kheer, ap koy platsa, kay vell ninna ko firho maredo, koleskro tselo mass rhačedo vell, ap kay platsa maress tou ninna ko firhes, hoy hounte merell, te vell i doosh krik lino. O mass sau firhestar, hoy o Debleske anlo vas, nay rhan kokres i rashaya oun kek vavar.

3. Mose 7:6

I morsha oun i morsh čave dran i rashayengre familye nay rhan o mass ap i Debleskri platsa. Ko mass vell i firhestar, hoy o baro Debleske anlo vas. Doleske nay rhal les kek vavar.

4. Mose 18:11

Ninna ko vavar koova, hoy i Israelitarya mange anenn, dau me toute oun tire čavende oun čende, hako tsireske. Koon gar pale-čiddo hi an tiro kheer nay rhal kolestar.

4. Mose 18:9

Touke hi kol tsele kotya, hoy venn gar pre-rhačedo kol tsele firhendar, hoy denn le mande, te vell lengri doosh krik lino oun te vell lauter pale mishto, ninna ko tselo rhapen, hoy denn le pashel. Kova halauter hi mange kouč, oun me dau les toute oun tire čavende.