4. Mose 18:1 - O Debleskro Lab 2024 (Sinte-Manouche)

¹ Oun o baro Devel penas ap o Aron: Tou oun tire čave, oun tire menshe, i tsele Levitarya, t'mer hounte hidjrenn koy doosh, te krell yek čomone, hoy gar čačo hi pash peskri boudi an o Debleskro kheer. Te vas čomone kerdo, hoy gar čačo hi pash i rashayeskri boudi, hounte less tou kokres tire morsh čaventsa koy doosh ap toute.

O Debleskro Drom 2021 (Sinte)

¹ Un o baro Dewel penas ap o Aron: Tu un tire tchawe, un tire menshe, i tsele Levitarja, tumer hunte hidjrenn koi doosh, te krell jek tchomone, hoi gar tchatcho hi pash peskri budi an o Debleskro kheer. Te was tchomone kerdo, hoi gar tchatcho hi pash i rashajeskri budi, hunte less tu kokres tire mursh tchawentsa koi doosh ap tute.

4. Mose 18:1 Iomraidhean Croise

2. Mose 28:38

Ko tikno kotar sonakay hidjrell o Aron glan ap peskro shero, te vell lo glan mande. Kova sikrella, te lell o Aron i doosh ap peste, hoy ap ko koova hi, hoy i Israelitarya man dan. Oun me dikau lačes ap lende.

Jesaja 53:11

Yob las yaake boud daar oun douka ap peste, doleske dikell yob ninna i momeli, oun leskro dji vell čalo. Miro boudepaskro hi tardo an o čačepen. Oun dran kova lauter, hoy ap leste vas, nay čivell yob ninna boud menshen an o čačepen. Oun lengri doosh lell yob ap peste.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Ezekiel 4:4

Oun tou čip tout ap tiri servi rig, oun me čivau i doosh o kherestar Israel ap toute pre. 390 (triin-sheel-te-enya-deesh) divessa hounte vess koy čiddo ap i phoub, oun hounte hidjress lengri doosh. Yaake boud bersha anas o Israel doosh ap peste. Yek dives hako bersheske hounte hidjress lengri doosh.

3. Mose 10:17

“Hoske rhan t'mer ko mass gar ap i Debleskri platsa? Kava mass vas i firhestar, hoy o baro Debleske anlo vas, oun his i rashayenge kokres, te rhan le les. O baro Devel das les t'mende, te hidjrenn i doosh i Israelendar krik, te vell lauter pale mishto mank lende oun o baro Debleste.

3. Mose 22:16

Te moukenn le vavar Israelitaryen kolestar te rhal, anenn le bari doosh ap i Israelitaryen. Me hom o baro Devel. Oun kova, hoy i Israelitarya mange anenn, hi kokres mange.

3. Mose 22:9

I rashaya hounte rikrenn halauter, hoy lenge penom, te lenn le kek doosh ap pende, oun merenn doleske, kay djan le gar o Debleskro koova yaake trouyel, har hounte krans le. Me hom o baro Devel, oun rodom len vin, te venn le mire rashaya.

4. Mose 14:34

Star-deesh divessa dikan t'men trouyel, har ko them hi, oun star-deesh bersha hounte hidjrenn t'mari doosh: yek bersh hako diveske, te hayvenn t'mer har kova hi, te tserdau miro vast t'mendar krik.

4. Mose 16:10

Yob moukas tout, o Korah, oun tire tsele phralen, kol Levitarya, pash leste te vell. Oun t'mer kamenn kanna ninna rashay te vell!

4. Mose 17:13

Oun yob his tardo mashkral kol moulende oun kol djidende. Koy djas koy phagi krik.

4. Mose 17:7

Oun har kol tsele menshe troul o Mose oun o Aron tardo his, dikan yon pash o Debleskro plarhteno kheer. Oun ap yek kopo vas koy folka pral o kheer. Oun o baro Debleskro raylepen vas diklo.

4. Mose 18:11

Ninna ko vavar koova, hoy i Israelitarya mange anenn, dau me toute oun tire čavende oun čende, hako tsireske. Koon gar pale-čiddo hi an tiro kheer nay rhal kolestar.

4. Mose 3:6

“An kol menshen dran o kheer Levi kay! An len glan o rashayeste Aron, te venn le leske koy.

5. Mose 10:8

Ko tsireske rodas peske o baro Devel kol morshen dran o kheer Levi vin, te hidjrenn yon o morhton, kay o Debleskre deesh laba dren hi, oun te venn yon rashaya oun boudrenn leske, oun rakrenn an leskro lab barht vin pral i menshende. Oun kova krenn le ninna kava dives.

Hebrearja 13:17

Shounenn ap kolende, kay sikrenn t'men, har te djan ap o Debleskro drom! Krenn kova, hoy yon t'menge penenna! Lengri boudi hi, te denn le yak ap t'mende. Oun yon hounte penenn o Debleske, har yon kran pengri boudi. Djivenn yaake, te krenn le pengri boudi i barhtelo djiyeha! Te rovenn yon pral t'mende, palle vals kova t'menge gar mishto.

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.

Čačepangre 17:12

Oun o Mika das les koy boudi, te vell lo leskro rashay. Oun yob ačas an o Mikaeskro kheer.