4. Mose 17:8 - O Debleskro Lab 2024 (Sinte-Manouche)

⁸ Oun o Mose oun o Aron djan glan o Debleskro plarhteno kheer.

O Debleskro Drom 2021 (Sinte)

⁸ Un o Mose un o Aron djan glan o Debleskro plachteno kheer.

4. Mose 17:8 Iomraidhean Croise

1. Mose 40:10

Ap ko drakengro rouk his triin kashta. Kolla van zenelo oun lan bloume. Oun yaake sik har bloume koy his, djan le pre oun drake van baro ap lende.

Debleskri gili 110:2

O baro Devel kras, te val tou baro ray ap i berga Sion, oun yob krell tiro them baro oun bareder. “Ab ray”, penell lo, “pral lauterende, kay hadan pen ap toute.”

Kamlepaskri gili 2:3

Har i phabyengro rouk mank i divye rouka an o veesh, yaake hi miro pirno mank i terne morshende. Barhteles hom beshdo an leskro shatto, oun leskre phabya hi goudlo mange.

Jesaja 4:2

I tsiro vella, kay krell o baro Devel peskro them Israel raylo oun shoukar. Oun kolla, kay pral ačan oun an o them djivenn, hi barhtelo pral ko boud lačo koova, hoy i phoub vin anell. Oun vavar menshe sharenn len koleske.

Ezekiel 17:24

Oun i tsele rouka an o them dikenn oun hayvenn, te hom me o baro Devel. I baro roukes krau tikno, oun i tikno roukes krau baro. I zenelo roukes moukau tele te merell, oun i trouk roukes zenelo te vell. Me, o baro Devel, penau kova, oun krau kova ninna.

Ezekiel 19:12

Koy vas i rhoyedo vast, oun tserdas les vin dran i phoub, oun vitsras les tele. Oun i tato dourho, hoy vas foun kotar, kay o kham pre djal, moukas leskre drake trouk te vell. Leskre zorele kashta van tele phagedo, te meran le tele oun van an i yag rhačedo.

Ezekiel 19:14

Oun i yag djas vin dran leskro pesseder kasht, oun rhačras leskre drake. Kek zorelo kasht ačas bouder pral, kolestar nay vals i rayeskro kasht kerdo. Kava hi i ropaskri gili. Koya vas givedo kolendar, kolengro dji rovas.

4. Mose 16:5

oun penas ap o Korah oun ap kolende, kay pash leste his: “Taysar penell o baro Devel, koon leskre menshe hi, kones yob peske vi-rodas, oun koon nay vell pash leste. Oun kones yob vin rodella, kova nay vell pash leste.

4. Mose 17:5

yaake har penas o baro Devel kova o Moseske. Kol sane sasterne patria his i sikepen, te denn kol Israelitarya yak, te vell kek morsh, kay gar o Aroneskre menshendar hi, oun anell soungepaskro koova glan o baro Debleste, te djal leske gar yaake har o Koraheske oun kolenge, kay pash leste his.

4. Mose 17:9

Oun o baro Devel rakras o Moseha oun penas:

Hebrearja 9:4

An i palstouni isema his o sonakaskro bob tardo, kay kouč goudlo kasht pral pre rhačedo vas, hoy mishto soungella. Koy his ninna o sonakaskro morhton. An leste his o sonakaskro khoro, kay his ko maro dren čiddo, hoy Manna kharella. An ko morhton his ninna o Aroneskro kasht, hoy zenelo vas, ninna kol douy činle barra. Ap kolende his i deesh Debleskre laba činlo, hoy o Devel peskre menshentsa vin kras.