4. Mose 17:5 - O Debleskro Lab 2024 (Sinte-Manouche)

⁵ yaake har penas o baro Devel kova o Moseske. Kol sane sasterne patria his i sikepen, te denn kol Israelitarya yak, te vell kek morsh, kay gar o Aroneskre menshendar hi, oun anell soungepaskro koova glan o baro Debleste, te djal leske gar yaake har o Koraheske oun kolenge, kay pash leste his.

O Debleskro Drom 2021 (Sinte)

⁵ jaake har penas o baro Dewel kowa o Moseske. Kol sane sasterne patria his i sikepen, te denn kol Israelitarja jak, te well kek mursh, kai gar o Aroneskre menshendar hi, un anell sungepaskro koowa glan o baro Debleste, te djal leske gar jaake har o Koracheske un kolenge, kai pash leste his.

4. Mose 17:5 Iomraidhean Croise

2. Familjakro liil 26:16

Oun har leske boud zorlepen dino vas, phourdas pes leskro dji pre. Oun yob kras, hoy leske gar mishto his, oun hoy čilačo his glan leskro baro Debleste: Yob djas an koleskro kheer te rhačrell lo leske soungepaskro koova ap o sonakaskro bob.

Debleskri gili 105:26

Yob bičras peskro boudepaskres, o Moses, oun o Arones, koles yob peske vi-rodas.

2. Mose 16:7

Oun taysarlakro dikenn t'mer o raylepen o baro Deblestar. Yob shounas, har t'mer t'men ap leste rhoyran. Har rhoyran t'men ap mende, rhoyran t'men čačepah ap leste, gar ap mende. Hoy ham mer, te rhoyrenn t'men ap mende?”

Jesaja 11:1

Yaake har vell i tikno nevo kasht dran i tele dino rouk, oun i nevo tikno rouk mank leskre draba vin, yaake vell i nevo baro ray dran o Davideskro kheer.

Jesaja 13:11

O baro Devel penell: Me anau bibarht ap i phoub, oun moukau o tselo čilačepen, hoy i čilače kran, ap lende pale te vell. I pre-phourden hi bouder či, koleha nay sharenn le pen. Oun me krau kol pre-phourden tikno, kay rikran pengri zoryah kolen tele, kay len kek zoor hi.

Jesaja 27:6

Ko tsiro vella, kay vell o Yakob pale zorelo. Ava, o Israel vell har i rouk, koles zorele draba hi, oun zenelo vell, oun ap koleste bloume pre djan, oun boud roukengre vin anenn. Kolendar vell i tseli phoub pherdo.

Jesaja 5:24

Doleske merenn le tele har o zenlepen, koleskre draba nasselo hi, oun koleskri blouma tele perell, oun har o khass, pral koleste i yag djal oun les pre rhačrell. Yon kaman gar te djal o drom o baro Deblestar, kay hi o ray pral o bolepen oun i phoub. Oun i labendar lengro lačo Deblestar kaman le či te djinell.

Ezekiel 16:41

Oun tire khera rhačrenn le an i yag pre, oun denn tout tiri phagi glan i yaka boud djouvyendar. Yaake krau, te nay loubreh bouder gar trouyel, oun nay gineh touke bouder kek pirnes.

Ezekiel 23:27

Yaake krau me, te nay kress bouder kek vi-ladjedo koova, oun nay loubreh bouder gar trouyel, har tou kova kral foun ko tsiro, kay an o them Egiptia hals. Palla nashenn tire yaka bouder gar kol morshenge dran Egiptia palla. O them Egiptia vell touke bouder gar an o shero.

Hosea 14:5

Yaake penell o baro Devel: Me anau mire menshen pale ap miro drom, kay le tele peran. Me kamau len o djiyestar, oun hom bouder gar rhoyedo ap lende.

4. Mose 1:51

Oun te djan t'mer doureder, čivenn kol Levitarya o Debleskro plarhteno kheer khetne. Oun te čivenn t'mer t'mare plarhtene khera pre, palle čivenn i Levitarya o Debleskro kheer pale pre. Hako vavar, kay vell pash o kheer, hounte merella.

4. Mose 11:1

Oun kol menshe penan glan o baro Debleskre kanda, kay lenge djoungeles djala. Oun har o baro Devel kova shounas, vas yob rhoyedo oun bičras i yag, hoy rhačras vin ap i platsa, kay lengre plarhtene khera his.

4. Mose 16:11

Tou oun tire tsele menshe čivan t'men khetne, te hadenn t'men pral o baro Debleste. Kova hi gar o Aron, pral koleste hadan t'men.”

4. Mose 16:5

oun penas ap o Korah oun ap kolende, kay pash leste his: “Taysar penell o baro Devel, koon leskre menshe hi, kones yob peske vi-rodas, oun koon nay vell pash leste. Oun kones yob vin rodella, kova nay vell pash leste.

4. Mose 17:10

“Djan vin kol menshendar. Me kamau len ap yek kopo te marell.” Oun kol douy vitsran pen ap pengro mouy.

4. Mose 17:6

O vavar taysarlakro his kol tsele Israelitarya rhoyedo ap o Moseste oun ap o Aroneste, oun penan: “T'mer kran o baro Debleskre menshen moulo.”

4. Mose 17:8

Oun o Mose oun o Aron djan glan o Debleskro plarhteno kheer.

1. Korintarja 10:10

Ma penenn, kay kova gar mishto oun doha hi, hoy o Devel t'men das. Yaake rakran kol vavar pale te pale. Oun yon van moulo dino.

Josua 4:7

Palle penenn t'mer lenge: O pani dran o Yordan ačas tardo glan o morhton, kay o baro Debleskre deesh laba dren his, har vas o morhton mank o pani ap i vavar rig hidjedo. Oun kal barra hi kate, te bistrenn i Israelitarya kova kek tsireske.”