4. Mose 16:22 - O Debleskro Lab 2024 (Sinte-Manouche)

²² Kol douy moukan pen ap pengro mouy te perell, oun penan: “Ah Devel, tou hal o Devel, kay das hakenes o djipen! Te kras yek morsh i čilačo koova, kameh tou doleske tiri rholi pral i tsele menshende te čivell?”

O Debleskro Drom 2021 (Sinte)

²² Kol dui mukan pen ap pengro mui te perell, un penan: “Ach Dewel, tu hal o Dewel, kai das hakenes o djipen! Te kras jek mursh i tchilatcho koowa, kameh tu doleske tiri choli pral i tsele menshende te tchiwell?”

4. Mose 16:22 Iomraidhean Croise

1. Mose 18:32

Koy penas o Abraham: “Miro ray, me mangau tout, ab gar rhoyedo! Me kamau gomme yek kopo touha te rakrell. Hoy, te hatseh kote deesh?” Penas yob: “Te hi kote deesh, kamau ko foro či te krell.”

2. Samuel 24:1

Oun o baro Devel vas pale rhoyedo ap o Israel. Oun yob kras, te anell o David bibarht ap kol menshende an Israel, oun penas leske: “Dja koy oun hatse vin, har boud morsha hi an Israel oun an Youda!”

2. Samuel 24:17

Har o David kol bolepaskres dikas, kay marell kol menshen, penas yob ap o baro Debleste: “Shoun, kova hom me, kay anom doosh ap mande. Me krom i čilačo koova. Kol menshe kate kran kek čilačo koova. Yon hi har bakre, ap kolende kek doosh hi. Mangau tout, mouk koy phagi ap mande oun miro dadeskro kheer te vell!”

Hiob 12:10

An leskro vast hi o djipen halauterestar, hoy djivella, ninna o djipaskro dourho i tsele menshendar!

Debleskri gili 99:6

O Mose oun o Aron his leskre rashaya, oun o Samuel his mank kolende, kay les an-mangan. Yon dan ap o baro Debleste gole, oun yob shounas len.

Sikepaskro 12:7

O mensho vell pale phoub, kolatar yob kerdo vas. Oun o dourho hounte djal pale pash o Debleste, kay das o dourhes o mensheste.

Jesaja 57:16

Kamau gar hako tsiro pral i menshende te čingrell oun man rhoyrell. te merenn le gar lauter glan mande, kol menshe, kolen me krom.

Jeremia 32:27

Dik, me, o baro Devel, hom o Devel pral i tsele menshende. Dell čomone ap i phoub, hoy nay krau gar?

Jeremia 38:16

Kote das pes o baro ray Sedekya čorrhanes sovel oun penas: Glan o djido Debleste, kay men maro djipen das, penau touke: Me moukau tout gar te marell, oun me dau tout vitar gar an o vast kol morshendar, kay kamenn tout te marell.

Ezekiel 18:4

Djinenn, man hi o djipen hakenestar an miro vast – o dadeskro djipen yaake har o čaveskro djipen. Kokres kova, kay anell doosh ap peste, hounte merell.

3. Mose 10:6

O Mose penas ap o Aron oun koleskre vavar douy čavende, o Elazar oun o Itamar: “Moukenn t'mare phralen, kol vavar Israelitaryen, te rovenn le kolenge, kay o baro Devel koy yagah maras. T'mer hounte moukenn gar t'mare balla ap t'maro shero divyes trouyel čiddo, oun hounte tserdenn gar t'mare koola an kotya, te sikrenn, har phares t'mare djia hi. Te krenn kova, hounte merenn. Oun o baro Debleskri rholi vell pral o tselo kheer Israel.

3. Mose 4:3

Te hi kova o pralstouno rashay, kay rikras pes gar ap o Debleskro lab, oun anas yaake doosh ap i tsele Israelitaryen, palle lell lo i terno gouroum, hoy gar nasselo hi, oun anell les o baro Debleske, te vell leskri doosh, hoy lo ap peste anas, krik lino.

Zakarie 12:1

Kava hi o lab, hoy penas o baro Devel pral o Israel: Kova penell o baro Devel, kay kras o bolepen bourhlo oun čivas i phoub zoreles tardo, oun das o menshes o dourho.

4. Mose 14:5

Oun o Mose oun o Aron vitsran pen glan i tsele Israelitarya ap pengro mouy.

4. Mose 16:23

Oun o baro Devel rakras o Moseha, oun penas:

4. Mose 16:4

Har o Mose kova shounas, vitsras lo pes ap peskro mouy,

4. Mose 27:16

“Mo ray, tou baro Devel, kolestar o tselo djipen vell, čip i morshes pral i Israelitarya,

Remarja 5:18

Yaake dikah: O Adam kras i čilačo koova, oun doleske van le lauter pale-čiddo glan o Debleste oun hounte meran. O Yezous Kristo kras i čačo koova, oun doleske venn le lauter čačo glan o Debleste oun lenn o Debleskro djipen.

1. Korintarja 13:7

Te hi les o Debleskro kamlepen an o dji oun i menshe doukrenn les, hi yob gar rhoyedo pral kova. Kones hi o Debleskro kamlepen an o dji, kova patsell halauter. Yob dell o vavares gar pre, oun rikrell lauter vin.

Hebrearja 12:9

Har čave hams, dan men mare dada i phagi. Oun mer hounte shounam ap lende. Kitse boudeder hounte shounas ap maro dadeste an o bolepen, te djivas.

Josua 22:18

Oun t'mer rissrenn t'men kava dives o baro Deblestar tele. Dikenn t'mer gar, hoy vella? Kava dives hadenn t'men pral o baro Debleste. Oun taysar vell leskri rholi pral i tsele menshende Israel.